ຊີວິດໃນປະຈຸບັນ ເຮັດໃຫ້ມີຄວາມຈຳເປັນຕ້ອງເຮັດວຽກນໍາຄອມພິວເຕີເປັນເວລາດົນ ບໍ່ວ່າຈະເປັນເລື່ອງການຮຽນ ຫຼືການພັກຜ່ອນຢ່ອນໃຈໃນໂລກໄຊເບີ ແຕ່ຖ້າເຮົາເຮັດວຽກ ກັບຄອມພິວເຕີ ບໍ່ຖືກຕ້ອງກໍຈະເຮັດໃຫ້ບັນຫາໃນຮ່າງກາຍເຊັ່ນ: ປວດກ້າມເນື້ອ, ເອັນອັກເສບ ຫຼືວຸ້ນໃນຕາເສື່ອມເປັນຕົ້ນ. ລອງນຳ 10 ວິທີທີ່ເຮົາເອົາມາຝາກນີ້ ໄປລອງເຮັດເບິ່ງ ແລ້ວເຈົ້າຈະສາມາດເຮັດວຽກກັບຄອມພິວເຕີໄດ້ຢ່າງມີຄວາມສຸກ
- ຄວນກວດສອບສາຍຕາກ່ອນເຮັດວຽກ ກ່ຽວຂ້ອງກັບຄອມພິວເຕີ ແລະກວດແທກສາຍຕາຊໍ້າເປັນປະຈຳ
- ຜູ້ທີ່ແພ້ແສງສະຫວ່າງ ຄວນໄດ້ຮັບຄຳແນະນຳຈາກແພດ ກ່ອນເຮັດວຽກງານກັບຄອມພິວເຕີ
- ຄວນປ່ຽນວິທີນັ່ງ ຫຼືຍືດກ້າມເນື້ອເປັນໄລຍະ ບໍ່ຄວນນັ່ງເຮັດວຽກ ກັບຄອມພິວເຕີຢ່າງຕໍ່ເນື່ອງ ເປັນໄລຍະເວລາດົນເກີນໄປ
- ແສງສະຫວ່າງຂອງຄອມພິວເຕີ ໃຫ້ຢູ່ໃນຄວາມເໝາະສົມຄື ບໍ່ຄວນມີແສງກະພິບ ຫຼືວູບວາບ ແລະຄວນມີແສງສະຫວ່າງ ຫຼືຄວາມເຂັ້ມຂອງແສງທີ່ເໝາະສົມ ຫຼືຄວນປັບໃຫ້ ບໍ່ສະຫວ່າງ ຫຼືມືດເກີນໄປ
- ໄລຍະຈາກສາຍຕາມາຫາຄອມພິວເຕີ ຄວນມີມຸມກົ້ມປະມານ 20 ອົງສາ ໄລຍະຫ່າງ 18-22 ນິ້ວ
- ການວາງຕຳແໜ່ງມືທີ່ແປ້ນພິມ, ສອກຄວນຕັ້ງສາກກັບຕົນຕົວ (ປະມານ 90-120 ອົງສາ) ເພື່ອຫຼຸດແຮງຍົກຂອງບ່າໄຫຼ່
- ຕັ່ງອີ້ ຄວນສາມາດປັບລະດັບຄວາມສູງຕໍ່າໄດ້ ຕາມຫົວຂອງຜູ້ໃຊ້ງານໄດ້ ແລະຕ້ອງມີບ່ອນອິງທີ່ປັບລະດັບໄດ້ ແລະບ່ອນພັກແຂນ, ສ່ວນເບາະຮອງນັ່ງ ຄວນມີລັກສະນະໂຄ້ງລາດໂຕ, ບໍ່ຄົມ ແລະບໍ່ທັບກ້ອງຕຳແໜ່ງຂອງເຂົ່າ
- ການຈັບ Mouse ບໍ່ຄວນໃຊ້ມືຢູ່ໃນຕໍາແໜ່ງທີ່ບິດອຽງອອກນອກຕົນໂຕ ຄວນຈັບໃນທ່າທີຂໍ້ມືອຽງ ລືບິດໜ້ອຍໜຶ່ງ
- ຈໍສະແດງພາບຕ້ອງສາມາດຈັບມຸມ ກົ້ມ, ເງີຍໄດ້
- ຫາກເຈັບປວດກ້າມເນື້ອ ຄວນປຶກສາແພດ
ທີ່ມາ: phyatha
ຕິດຕາມນານາສາລະ ກົດໄລຄ໌ເລີຍ!