ຫຼ້າສຸດນີ້ ບໍລິສັດ Xiaomi ໄດ້ເປີດໂຕໂທລະສັບລຸ້ນໃໝ່ຂອງບໍລິສັດທີ່ຈະເຂົ້າມາບຸກຕະຫຼາດສະມາດໂຟນໃນລາຄາປະຢັດ ເຊິ່ງມີນາມວ່າ: Redmi Note 4. ສຳລັບ Xiaomi Redmi Note 4 ມີໄຮໄລ້ເດັ່ນໆກໍຄືໃຊ້ງານຊິບປະມວນຜົນແບບ 10 ຄໍລຸ້ນໃໝ່ຈາກ Mediatek, ໜ້າຈໍ IPS LCD ທີ່ມີໂໝດການໃຊ້ງານໃຫ້ເລືອກໃຊ້ 3 ແບບຄື: Sunscreen, Luminous screen ແລະ Eye mode.
ສຳລັບສະເປັກຂອງ Xiaomi Redmi Note 4 ມີດັ່ງນີ້:
- ໃຊ້ໜ້າຈໍ IPS LCD ຂະໜາດ 5.5 ນິ້ວ, ຄວາມລະອຽດ Full HD (1920 x 1080 ພິກເຊວ) 401ppi
- ໜ້າຈໍໂຄ້ງ 2.5D ມີ 3 ໂໝດຄື: Sunscreen, Luminous screen ແລະ Eye mode.
- ໃຊ້ງານຊິບປະມວນຜົນເດກ້າຄໍ MediaTek Helio X20 64-bit ຄວາມແຮງ 2.1 GHz
- GPU Mali-T880 MP4
- RAM 2GB ແລະ 3GB
- ROM 16GB ແລະ 64GB (ບໍ່ມີຂໍ້ມູນວ່າສາມາດເພີ່ມກາຣ໌ດ microSD ໄດ້)
- ກ້ອງຫຼັງ 13 ລ້ານພິກເຊວ ມາພ້ອມກັບເຊັນເຊີ້ OV, f/2.0, PDAF ແລະແຟລັດຄູ່ໂທນ LED.
- ກ້ອງໜ້າ 5 ລ້ານພິກເຊວ ມາພ້ອມໂໝດປັບແຕ່ງ 36 ໂໝດສຳລັບເຊວຟີ້ ແລະວີດີໂອຄໍ
- ເຊັນເຊີ້ສະແກນນິ້ວ ທີ່ດ້ານຫຼັງເຄື່ອງ
- ໃຊ້ງານລະບົບ Android 6.0 Marshmallow ຄອບດ້ວຍ MIUI 8
- ແບັດເຕີຣີ 4100mAh
- ຮອງຮັບ 2 ຊິມ ແບບ hybrid SIM slot
- ຮອງຮັບ 4G LTE, 3G, Wi-Fi 802.11 b/g/n, GPS, A-GPS, Bluetooth 4.0, microUSB
ທາງດ້ານໂຕເຄື່ອງແມ່ນມີໃຫ້ເລືອກຢູ່ 3 ສີຄື: ສີເທົາ, ສີຄຳ ແລະສີເງິນ. ສາມາດຊື້ໄດ້ຜ່ານທາງ millet mall, millet home, millet zone, China Mobile ໃນປະເທດຈີນແລະຮ້ານຄ້າອອນລາຍອື່ນໆ ໂດຍເລີ່ມຕັ້ງແຕ່ມື້ອື່ນນີ້ ຫຼືວັນທີ 26 ສິງຫາ. ສຳລັບລາຄາເຄື່ອງແມ່ນມີດັ່ງນີ້:
- Xiaomi Redmi Note 4 ລຸ້ນ RAM 2GB + ROM 16GB ລາຄາ 899 ຢວນ (1.095.000 ກີບ)
- Xiaomi Redmi Note 4 ລຸ້ນ RAM 3GB + ROM 64GB ລາຄາ 1199 ຢວນ (1.460.000 ກີບ)
ສຸດທ້າຍນີ້ປິດທ້າຍຂ່າວໄປພ້ອມກັບຮູບຖ່າຍຈາກກ້ອງຫຼັງຂອງ Remi Note 4 ມາເບິ່ງນຳກັນເລີຍ
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ:techtoyreviews