ນັກວິທະຍາດສາດເຜີຍ ການຄົ້ນພົບຄັ້ງສຳຄັນ ພົບດາວເຄາະຄ້າຍຄືໂລກ ໂຄຈອນຮອບດາວ ທີ່ໃກ້ດວງອາທິດທີ່ສຸດ ຫ່າງອອກໄປພຽງແຕ່ 4.2 ປີ ແສງເທົ່ານັ້ນ

ອີງຕາມການລາຍງານຂອງສໍານັກຂ່າວຂອງຕ່າງປະເທດ ໃນວັນທີ 24 ສິງຫາ 2016 ເຜີຍການຄົ້ນພົບຄັ້ງສໍາຄັນຂອງວົງການດາລາສາດ ເມື່ອນັກວິທະຍາສາດໄດ້ຢືນຢັນ ການມີຢູ່ແທ້ຂອງດາວເຄາະຫີນໃນລະບົບ Alpha Centauri  ເຊິ່ງເປັນລະບົບດາວທີ່ຢູ່ໃກ້ທີ່ສຸດຂອງເຮົາ ແຖມດາວເຄາະດວງນີ້ຍັງຢູ່ໃນເຂດອາໄສໄດ້ (habitable zone) ອີກດ້ວຍ, ຈຶ່ງເປັນຕາລຸ້ນວ່າໂລກໃບທີ 2 ນັ້ນອາດຢູ່ໃກ້ເຮົາຫຼາຍກວ່າທີ່ຄິດ

ດາວເຄາະດວງນີ້ຊື່ວ່າ: Proxima B ມີຂະໜາດໃຫຍ່ກວ່າໂລກຢ່າງໜ້ອຍ 1.3 ເທົ່າ ໂຄຈອນຮອບດາວແຄຣະແດງ Proxima Centauri ໃນລະບົບດາວສາມດວງ Alphan Centauri ເຊິ່ງເປັນລະບົບດາວໝູ່ທີ່ໃກ້ທີ່ສຸດ ຢູ່ຫ່າງອອກໄປພຽງ 4.2 ປີແສງເທົ່ານັ້ນ ໂດຍ Proxima B ໃຊ້ເວລາ 11.2 ວັນ ໃນການໂຄຈອນດາວແມ່ 1 ຮອບ

ຈາກການວິເຄາະຕຳແໜ່ງ ການໂຄຈອນຂອງດາວ ນັກວິທະຍາສາດພົບວ່າ Proxima B ຢູ່ໃນເຂດອາໄສໄດ້ ນັ້ນໝາຍຄວາມວ່າມີຄວາມເປັນໄປໄດ້ ອາດມີນໍ້າເທິງດາວ ແລະອາດມີສິ່ງທີ່ມີຊີວິດ. ທັງນີ້ ນັກວິທະຍາສາດເຜີຍວ່າ ການພົບວ່າ Proxima B ມີຢູ່ແທ້ ແລະຢູ່ໃກ້ເຮົາເທົ່ານີ້ ນັບວ່າເປັນຂ່າວດີຫຼາຍ ແລະມັນບໍ່ໄດ້ເປັນຂ່າວດີທີ່ເຮົາໄດ້ພົບດາວໃໝ່ເທົ່ານັ້ນ ແຕ່ຍັງເປັນຂ່າວດີ ບ່ອນທີ່ມັນເຮັດໃຫ້ການສຳຫຼວດດາວເຄາະໃນເຂດອາໄສໄດ້ນອກຈາກລະບົບສຸລິຍະນັ້ນຢູ່ໃກ້ເທົ່ານີ້ ການສົ່ງຍານໄປສຳຫຼວດດາວດວງນີ້ອາດຈະເປັນໄປໄດ້ໃນອີກປະມານ 100 ປີຂ້າງໜ້າ

ທີ່ມາ: kapook