ໝາກຄໍ້ສົ້ມ ເຖິງຈະສົ້ມແຕ່ປົວໄດ້ຫຼາຍພະຍາດ

0
1668

ໝາກຄໍ້າສົ້ມມີປະໂຫຍດຫຼາຍໆຢ່າງ ເຊິ່ງຫຼາຍຄົນອາດຈະບໍ່ຮູ້ ເຊິ່ງວ່າໃບອ່ອນກິນສົດໄດ້ ຫຼືນຳມາລວກກິນເປັນຜັກກັບໄດ້, ໃບ ແລະກິ່ງກ້ານ ລວມຮອດກາບຂອງໝາກ ສາມາດນຳມາເປັນອາຫານສັດໄດ້, ກົກມັນສາມາດນຳເອົາມາເຮັດຟືນໄດ້ ແລະເປັນຖ່ານດີ, ແກນໄມ້ມີຄວາມແຂງ, ທົນນານ ໝາກຄໍ້ສຸກສາມາດນໍາມາກິນໄດ້

ໝາກຄໍ້ດິບສາມາດນໍາມາດອງໄວ້ກິນໄດ້, ເວລາມັນສຸກຈະມີລົດສົ້ມຝາດ ເໝາະແກ່ການນໍາມາເປັນເຄື່ອງດື່ມກະຫາຍໃນລະດູຮ້ອນ, ລວມຮອດເອົາມາປຸງເປັນອາຫານປະເພດຍຳ ແລະນໍ້າໝາກຄໍ້ສາມາດນໍາມາໃຊ້ທົດແທນນໍ້າໝາກນາວໄດ້ ໃນລະດູຮ້ອນເຊິ່ງວ່າໝາກນາວມີລາຄາແພງ, ໝາກຄໍ້ອຸດົມໄປດ້ວຍວິຕາມິນຊີ ແລະແຄວຊຽມ ຊ່ວຍໃຫ້ຫຼອດເລືອດແຂງແຮງ, ຊ່ວຍຕ້ານອະນຸມູນອິດສະຫຼະ, ຊ່ວຍສ້າງເນື້ອເຍື່ອຄໍລາເຈນ, ເນື້ອເຍື່ອຂອງເອັນກະດູກອ່ອນ ແລະຍັງນໍາມາສະກັດບຳລຸງຜົມ, ບຳລຸງຜິວພັນໃນຮ່າງກາຍອີກດ້ວຍ

ທີ່ມາ: kaijeaw
ຕິດຕາມນານາສາລະ ກົດໄລຄ໌ເລີຍ!