- ຫົວຜັກບົ່ວໃຫຍ່: ໃນຫົວຜັກບົ່ວໃຫຍ່ ມີວິຕາມິນບີ 1 ເຊິ່ງຊ່ວຍເຜົາຜານອາຫານ ແລະຍັງຊ່ວຍຂັບສານພິດໃນຮ່າງກາຍອອກມາທາງປັດສະວະອີກດ້ວຍ
- ນໍ້າສົ້ມສາຍຊູ: ມີປະໂຫຍດຊ່ວຍຫຼຸດຄໍເລດເຕີຣໍທີ່ບໍ່ດີ ແລະຍັງຊ່ວຍເພີ່ມປະລິມານຄໍເລດເຕີຣໍທີ່ດີໃຫ້ຮ່າງກາຍ, ນອກຈາກນີ້ຍັງກະຕຸ້ນ ການເຜົາຜານໄຕຣກຼີເຊີໄຣ ທີ່ສະສົມໃນຜິວໜັງອີກດ້ວຍ
- ໝາກນາວ: ເປືອກໝາກນາວມີສານທີ່ຊ່ວຍກະຕຸ້ນການເຜົາຜານຂອງຮ່າງກາຍ ກະຕຸ້ນການໄຫຼວຽນຂອງເລືອດ, ປາດໝາກນາວເປັນປ່ຽງບາງໆ ແລ້ວລົງໃສ່ນໍ້າອຸ່ນດື່ມ ກໍຈະຊ່ວຍຂັບສານພິດອີກ
- ຂີງ: ຊ່ວຍໃຫ້ຮ່າງກາຍອົບອຸ່ນ, ຂັບເຫື່ອອອກ, ຫຼຸດພາວະຕົນໂຕເຢັນ, ເພີ່ມອຸນຫະພູມ ໃນຮ່າງກາຍ ເພີ່ມການເຜົາຜານ ຫຼືກິນອາຫານທີ່ມີຂີງກໍຈະເປັນການດີ
- ກະທຽມ: ນອກຈາກຈະຊ່ວຍຂັບສານພິດ ແລະເພີ່ມພູມຄຸ້ມກັນພະຍາດແລ້ວ ກະທຽມຍັງຊ່ວຍກະຕຸ້ນການເຜົາຜານຂອງໄຂມັນ ແລະນໍ້າຕານໃນຮ່າງກາຍ ຊ່ວຍໃຫ້ການດູດຊຶມທາດເຫຼັກໄດ້ດີ
- ໝາກເລັ່ນ: ເປັນຜັກທີ່ມີແຄລໍລີ່ຕໍ່າ ເສັ້ນໄຍອາຫານສູງ, ກິນແລ້ວຮູ້ສຶກອິ່ມໄວ ເຮັດໃຫ້ກິນອາຫານໄດ້ໜ້ອຍລົງ ກິນໝາກເລັ່ນກັບນໍ້າອຸ່ນຈະຊ່ວຍໄດ້ຫຼາຍຢ່າງ
- ໝາກງາ: ມີທາດຕ່າງໆຫຼາຍຢ່າງ ໂດຍສະເພາະວິຕາມິນຊີ ແລະແຮ່ທາດທີ່ຊ່ວຍຫຼຸດລະດັບໄຕຣກຼີເຊີໄຣ ກິນຮ່ວມກັບນໍ້າອຸ່ນຈະຊ່ວຍຫຼຸດນໍ້າໜັກໄດ້
- ໝາກແຕງໂມ: ເປັນໝາກໄມ້ຊ່ວຍຊ່ວຍຫຼຸດຄວາມກະຫາຍເວລາເມື່ອຍໄດ້ດີ, ມີຄຸນສົມບັດຊ່ວຍຂັບປັດສະວະ ແລະຍັງຫຼຸດການເຈັບທ້ອງ, ຫຼຸດການໄຫຼວຽນຂອງເລືອດບໍ່ສະດວກ ແລະຍັງລ້າງສານພິດໃນລໍາໄສ້ ແລະໃນຊ່ວງທ້ອງ ເໝາະແກ່ກາຍຫຼຸດນໍ້າໜັກ
- ເຫັດ: ນອກຈາກເຫັດຈະຊ່ວຍເສີມສ້າງພູມຄຸ້ມກັນພະຍາດມະເລັງແລ້ວ ຍັງມີເສັ້ນໄຍອາຫານທີ່ຊ່ວຍກຳຈັດສານພິດໃນຮ່າງກາຍອີກດ້ວຍ
- ໝາກເຂືອຍາວ: ມີຄຸນສົມບັດຕ້ານມະເລັງ, ບໍາລຸງຫຼອດເລືອດ ແລະຍັງຊ່ວຍດູດໄຂມັນ ແລະສິ່ງເສດເຫຼືອໃນກະແສເລືອດ, ປັບສົມດູນໃນຮ່າງກາຍເຮົາ ແລະຍັງແກ້ທ້ອງບິດໄດ້ອີກດ້ວຍ
- ແອັບເປິ່ນ: ຊ່ວຍຂັບປັດສະວະ, ປ້ອງກັນທ້ອງບິດ ກະຕຸ້ນການເຄື່ອນຕົວຂອງສຳໄສ້, ກຳຈັດອາຫານທີ່ຕົກຄ້າງໃນລຳໄສ້ ເຊິ່ງເປັນສາເຫດທີ່ເຮັດໃຫ້ລະບົບທາງເດີນອາຫານຜິດປົກກະຕິ
- ໝາກໄມ້ທີ່ມີລົດສົ້ມ: ນອກຈາກມີປະໂຫຍດທີ່ເຮົາກັນຮູ້ຢູ່ແລ້ວວ່າ ສົ້ມມີວິຕາມິນຊີສູງ ຊ່ວຍເສີມສ້າງພູມຄຸ້ມກັນໄດ້, ປ້ອງກັນທ້ອງບິດ, ເປືອກຂອງໝາກສົ້ມຍັງມີປະໂຫຍດ ໃນການຍ່ອຍໄຂມັນ ແລະຖ້າເອົາເປືອກຂອງໝາກສົ້ມມາຕາກແແດໃຫ້ແຫ້ງ ແລ້ວມາຕົ້ມເປັນຊາ ຈະຊ່ວຍຫຼຸດນໍ້າໜັກ ແລະຊ່ວຍໃຫ້ຜິວຂາວໄດ້
- ຜັກກາດຂາວ: ອຸດົມໄປດ້ວຍໄຍອາຫານ ແລະແຄວຊຽມ, ກິນຫຼາຍໆຈະຊ່ວຍເສີມສ້າງຄວາມແຂງແຮງຂອງກະດູກ ປ້ອງກັນທ້ອງບິດ ແລະມະເລັງລຳໄສ້
- ໝາກເຜັດ: ມີປະໂຫຍດໃນການກະຕຸ້ນໄຂມັນ ຊ່ວຍເຮັດໃຫ້ນໍ້າໜັກຫຼຸດລົງ
- ຖົ່ວແດງ: ມີຄຸນຄ່າທາງໂຄສະນາການສູງ ແລະຍັງຊ່ວຍໃນການກະຕຸ້ນ ຂະບວນການເຜົາຜານນໍ້າຕານ ຊ່ວຍຂັບປັດສະວະ ແລະລ້າງສານພິດອອກຈາກຮ່າງກາຍ ເໝາະແກ່ການຫຼຸດນໍ້າໜັກ
- ໝາກອຶ: ອຸດົມດ້ວຍແປ້ງ ແລະນໍ້າຕານ, ມີວິຕາມິນ ແລະເກືອແຮ່ຈຳນວນຫຼາຍ ກິນໝາກອຶຊ່ວຍໃຫ້ອິ່ມດົນ, ຈຶ່ງຊ່ວຍຫຼຸດການກິນອາຫານໃຫ້ໜ້ອຍລົງ ແລະຍັງຊ່ວຍກຳຈັດສານພິດທີ່ຕົກຄ້າງໃນຮ່າງກາຍອີກດ້ວຍ
ທີ່ມາ: share-si
ຕິດຕາມນານາສາລະ ກົດໄລຄ໌ເລີຍ!