spot_img
Homeຂ່າວການພັດທະນາຂົນສົ່ງທາງອາກາດໄປ ຫຼວງພະບາງ ມີຖ້ຽງບິນ 3 ພັນກວ່າຖ້ຽວ

ຂົນສົ່ງທາງອາກາດໄປ ຫຼວງພະບາງ ມີຖ້ຽງບິນ 3 ພັນກວ່າຖ້ຽວ

Published on

ເນື່ອງຈາກຫຼວງພະບາງເປັນແຂວງທີ່ມີທ່າແຮງຫຼາຍດ້ານ ແລະມີສະໜາມບິນສາກົນທີ່ອຳນວຍຄວາມສະດວກໃນການສົ່ງທາງອາກາດທັງເປັນແຂວງທ່ອງທ່ຽວທີ່ມີຊື່ສຽງຈິ່ງເປັນທີ່ສົນໃຈຂອງຫຼາຍສາຍການບິນມາເປີດບໍລິການເຮັດໃຫ້ບັນຍາກາດການບິນ ຂຶ້ນ-ລົງຂອງເຮືອບິນຄຶກຄື້ນຂຶ້ນພໍສົມ ຄວນໃນຊຸມປີຜ່ານມາສະເພາະປີແລ້ວນີ້ ມີຍອດລວມ 3 ພັນກວ່າຖ້ຽວ.
ຈາກຂໍ້ມູນຂອງຫ້ອງການບິນແຂວງ ຫຼວງພະບາງໄດ້ຮູ້ວ່າ: ນັບແຕ່ໄດ້ເພີ່ມສາຍການບິນຈາກປະເທດ ເພື່ອນບ້ານເຂົ້າມາຫຼາຍສາຍໄດ້ເຮັດໃຫ້ບັນຍາກາດການບິນຂຶ້ນ-ລົງຂອງເຮືອ  ບິນຕິດຕໍ່ກັນຫຼາຍຖ້ຽວໃນທຸກມື້ເພື່ອບໍລິ ການຜູ້ໂດຍສານຂາອອກ-ຂາເຂົ້າ ຊຶ່ງໄດ້ສະແດງອອກໃນໄລຍະ 1 ປີຜ່ານມາການບິນລາວແຂວງຫຼວງພະບາງສາມາດປະຕິບັດຖ້ຽວບິນໄດ້ 3.371 ຖ້ຽວ.  ໃນນັ້ນ ປະຕິບັດຖ້ຽວບິນຂຶ້ນ-ລົງສາຍ ພາຍໃນໄດ້ 1.156 ຖ້ຽວ, ມີຈຳນວນ ຜູ້ໂດຍສານທັງໝົດ 89.084 ຄົນ, ມີເຄື່ອງວັດສະດຸ 399.582 ກິໂລກຣາມ, ສາຍຕ່າງປະເທດຂອງສາຍການບິນ ລາວມີ 1.018 ຖ້ຽວ, ມີຈຳນວນຜູ້ໂດຍສານ 71.615 ຄົນ, ສາຍຕ່າງປະເທດ ຂອງສາຍການບິນອື່ນມີ 1.062 ຖ້ຽວ, ມີຈຳນວນຜູ້ໂດຍສານ 78.410 ຄົນ, ຖ້ຽວບິນຜູ້ນຳ 6 ຖ້ຽວ ແລະຖ້ຽວບິນທະຫານອາກາດ 75 ຖ້ຽວ ນອກນີ້ຍັງມີຖ້ຽວ ບິນນອກແຜນເຊົ່າເໝົາລຳ 54 ຖ້ຽວ.

ສໍາລັບສາຍການບິນທີ່ໄດ້ບິນເຂົ້າແຂວງຫຼວງພະບາງປະກອບມີສາຍການບິນຂອງບາງກອກແອເວ, ສາຍການບິນ ຫວຽດນາມແອລາຍ, ສາຍການບິນໄທ, ສາຍການບິນໄທສະມາຍ, ສາຍການບິນແອເອເຊຍ, ເຮືອບິນເຊົ່າເໝົາລຳ ແລະໃນ ອະນາຄົດໃກ້ໆນີ້ທາງສາຍການບິນມາເລເຊຍແອເອເຊຍ, ຊີວແອຂອງສິງກະ ໂປ, ສາຍການບິນຮົງກົງ ເອັກສະ ເພຣສ໌ ຈະໄດ້ບິນເພີ່ມເຂົ້າມາຕື່ມອີກ ຊຶ່ງຈະເຮັດ ໃຫ້ບັນຍາກາດການທ່ອງທ່ຽວຂອງເມືອງມໍລະດົກໂລກຫຼວງພະບາງມີຄວາມຄຶກ ຄື້ນຂື້ນຕື່ມເມື່ອເຖິງເວລານັ້ນ

ທີ່ມາ: ເສດຖະກິດ-ສັງຄົມ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ifram FBPictpost ຮູບພາບລາວໂພສຕ໌

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...