ສຳນັກຂ່າວຕ່າງປະເທດ ລາຍງານວ່າ ໃນເວລາ17:34 ຂອງວັນທີ 24 ສິງຫາ ໄດ້ເກີດເຫດແຜ່ນດິນໄຫວຂຶ້ນທີ່ປະເທດມຽນມາ ແທກໄດ້ 7.0 ຣິກເຕີ ໂດຍມີຈຸດສູນກາງເລິກລົງໄປຮອດໃຕ້ດິນ 10 ກມ ທີ່ເມືອງລອມເວ, ລັດສານ ທາງຕາເວັນອອກສ່ຽງເໜືອຂອງມຽນມາ ລວມຮອດມີການເກີດອັບເຕີຊ໊ອກ ຂະໜາດ 5.4 ຣິກເຕີໃນ 2 ຊົ່ວໂມງຕໍ່ມາ, ເຮັດໃຫ້ພະທາດເຈດີໃນເມືອງພຸກາມ ໄດ້ຮັບຄວາມເສຍຫາຍ
ສຳລັບແຮງສັ່ນສະເທືອນໃນຄັ້ງນີ້ ສາມາດຮັບຮູ້ໄດ້ຫຼາຍເມືອງໄດ້ແກ່ ເມືອງຕອງຢີ, ພະໂຄ, ຊະເວຍິນ, ເນປິດ, ມັນທະເລ ແລະຕອງອູ ໂດຍສະເພາະ ແຂວງ ທ່າຂີ້ເຫຼັກ ແລະມີລາຍງານວ່າ ເຫດແຜ່ນດິນໄຫວດັ່ງກ່າວ ເຮັດໃຫ້ຕຶກໃນເຂດກຸງຮານອຍ ເກີດການສັ່ນໄຫວ ສ້າງຄວາມແຕກຕື່ນໃຫ້ກັບຜູ້ພັກພາອາໄສຕາມຕຶກສູງ
ນອກຈາກນີ້ຍັງມີການລາຍງານວ່າ ມີຜູ້ເສຍຊີວິດແລ້ວ ປະມານ 25 ຄົນໃນມຽນມາ ຈາກເຫດແຜ່ນດິນໄຫວໃນຄັ້ງນີ້ ເຫດການນີ້ໄດ້ສົ່ງຜົນເັຮດໃຫ້ ຫຼາຍປະເທດ ທັງໃນເມືອງຮານອຍ ຂອງຫວຽດນາມ ແລະກຸງເທບ ປະເທດໄທ ທີ່ຢູ່ຕຶກອາຄານສູງໄດ້ຮັບຮູ້.
