ແມງມຸມຈັດໄດ້ວ່າເປັນສັດໂຕນ້ອຍໆ ອີກຊະນິດໜຶ່ງທີ່ສ້າງຄວາມລຳຄານໃຈໃຫ້ກັບບັນດາແມ່ຄົວທັງຫຼາຍ ນອກຈາກມີໂຕຂອງມັນແລ້ວ, ຍັງມີໃຍທີ່ເກາະຢູ່ຕາມມຸມ, ເພດານບ້ານ ໃຜໆເຫັນແລ້ວ ກໍຮູ້ສຶກກັງວົນ ຕ້ອງໄດ້ກຳຈັດມັນອອກໄປ, ແຕ່ເມື່ອກຳຈັດໃຍໄປແລ້ວ ແມງມຸມຍັງຢູ່ ແລະສ້າງໃຍໃໝ່ໄດ້ຕະຫຼອດ ສ້າງບັນຫາໃຫ້ເຮົາບໍ່ຮູ້ຈັກຈົບ ທາງທີ່ດີເຮົາຄວນກຳຈັດແມງມຸມໃຫ້ໝົດໄປ ແຕ່ຖ້າຫາກຈະໃຊ້ສະເປສານເຄມີສີດກໍຄົງຈະບໍ່ດີ ໂດຍສະເພາະບ້ານທີ່ມີເດັກນ້ອຍ, ຜູ້ເຖົ້າ ເປັນແບບນີ້ລອງມາກຳຈັດແມງມຸມແບບວິທີທຳມະຊາດນຳກັນລອງເບິ່ງ
- ສະເປນໍ້າມັນຫອມລະເຫີຍ: ປະສົມນໍ້າກັບນໍ້າມັນຫອມລະເຫີຍ ຫຼືຫົວສີໄຄຫອມ ແລ້ວເອົາໃສ່ໃນກະປ໋ອງສະເປ ແລ້ວຈັດການສີດສະເປທີ່ເຮັດໃຫ້ທົ່ວເຮືອນ, ເນັ້ນຈຸດທີ່ແມງມຸມຢູ່
- ສະເປນໍ້າສົ້ມສາຍຊູ: ໃຊ້ນໍ້າສົ້ມສາຍຊູປະສົມກັບນໍ້າ ແລ້ວຮ່າຍໃສ່ປ໋ອງສະເປ ແລ້ວສີດໃຫ້ທົ່ວຫ້ອງ ບໍລິເວນທີ່ແມງມຸມອາໄສຢູ່
- ກິ່ນໝາກໄມ້ລົດສົ້ມ: ເລືອກໃຊ້ໝາກໄມ້ລົດສົ້ມເຊັ່ນ: ໝາກນາວ, ໝາກກ້ຽງ, ໝາກກ້ຽງໃຫຍ່ ໂດຍໃຊ້ເປືອກຂອງໝາກໄມ້ ເອົາໄປປະໄວ້ຕາມຂອບປ່ອງຢ້ຽມ, ແຈກຳແພງ,ດ ຕູ້ໜັງສື ແລະບ່ອນທີ່ມັກເຫັນແມງມຸມຕະຫຼອດ ຫຼືໃຊນໍ້າຫອມປັບອາກາດກິ່ນສົ້ມໄວ້ຕາມຈຸດຕ່າງໆໃນບ້ານ
- ຢາສູບ: ໃຊ້ເສັ້ນຢາສູບປະໄວ້ຕາມແຈຕ່າງໆ ທີ່ແມງມຸມອາໄສຢູ່ ຫຼືຈະນຳຢາສູບໄປແຊ່ນໍ້າ ແລ້ວໃຊ້ນໍ້ານັ້ນສີດຕາມບໍລິເວນຕ່າງໆ ພາຍໃນບ້ານ
- ໃສ່ປະຕູລວດ: ບໍລິເວນປະຕູ, ປ່ອງຢ້ຽມ ລວມຮອດປ່ອງລະບາຍອາກາດ ເພື່ອກັນແມງມຸມ, ໜູ ແລະຍຸງບໍ່ໃຫ້ເຂົ້າມາ ແລະຄວນເບິ່ງຕະຫຼອດ ເພາະອາດຈະມີຮອຍຂາດ
- ປິດປ່ອງນ້ອຍໆໃນບ້ານ: ຖ້າເປັນບ້ານທີ່ເຮັດດ້ວປູນ ແມ່ນໃຫ້ໄປຊື້ຊີລິໂຄນແບບເປັນຫຼອດຍາວໆ ມີປາຍແຫຼມ ແລ້ວເອົາມາຕັນຮອຍຕໍ່ ຫຼືປ່ອງນ້ອຍໆ ໃນບ້ານ ແຕ່ຖ້າເປັນບ້ານທີ່ເຮັດດ້ວຍໄມ້ ໃຫ້ເອົາຂີ້ເລື່ອຍມາປະສົມກັບກາວລາເຕັກ ແລ້ວເອົາໄປຕັນຕາມຮອຍຕໍ່ຂອງໄມ້ ເພື່ອປ້ອງກັນບໍ່ໃຫ້ແມງມຸມເຂົ້າມາໃນເຮືອນ
- ເຮັດຄວາມສະອາດບ້ານ: ນອກຈາກເຮັດຄວາມສະອາດແລ້ວ ຕ້ອງຈັດການຄວາມຮົກໃນເຮືອນ ຈັດວາງເຄື່ອງຂອງໃຫ້ຢູ່ໃນຄວາມເປັນລະບຽບຮຽບຮ້ອຍ ກໍເປັນການກຳຈັດບ່ອນເຮັດຮັງຂອງແມງມຸມໄດ້
- ລ້ຽງແມວ: ແມວເປັນສັດທີ່ມີສັນຊາດຕະຍານໃນການໄລ່ລ່າ ບໍ່ເວັ້ນແຕ່ແມງມຸມ
- ຈັດການຮອບບ້ານໃຫ້ໂລ່ງ: ຫຍ້າທີ່ຂຶ້ນສູງອາດຈະມີງູ ຫຼືສັດມີພິດລັກເຂົ້າມາຢູ່ອາໄສ ແລະແມງມຸມກໍມັກໄປສ້າງຮັງຢູ່ໃນຫຍ້າ, ເຮົາຕ້ອງຕັດໃຫ້ຕໍ່າລົງ ແລະບໍລິເວນໃກ້ໆເຮືອນ ຖ້າມີກອງໄມ, ກອງຟືນ ຕ້ອງຍ້າຍອອກໄປໃຫ້ໄກຈາກເຮືອນ
- ຄື່ນແມ່ເຫຼັກໄຟຟ້າ:ຊື້ມາສຽບໄວ້ໃນເຮືອນ ເຄື່ອງນີ້ຈະບໍ່ເປັນອັນຕະລາຍຕໍ່ມະນຸດເຮົາ ແຕ່ຖ້າເປັນໜູ, ແມງມຸມ, ຍຸງ, ແມງສາບ ຈະຕ້ອງຖືກກະທົບຈາກກະແສແມ່ເຫຼັກ ເຮັດໃຫ້ໜີພ່າຍໄປໝົດ
ບ້ານໃດທີ່ມີແມງມຸມ ກໍຢ່າລືມນໍາວິທີນີ້ໄປລອງໃຊ້ເບິ່ງ ປອດໄພຈາກບັນຫາສານເຄມີແນ່ນອນ ລວມຮອດການຮັກສາຄວາມສະອາດພາຍໃນເຮືອນ ແລະບໍລິເວນໃນເຮືອນໃຫ້ສະອາດ, ເປີດປະຕູໃຫ້ອາກາດຖ່າຍເທສະດວກ ແດດສ່ອງໄດ້ທົ່ວເຮືອນ ພຽງເທົ່ານີ້ແມງມຸມກໍຈະບໍ່ມາລົບກວນໃຈອີກ
ທີ່ມາ: kaijeaw
ຕິດຕາມນານາສາລະ ກົດໄລຄ໌ເລີຍ!