Homeຂ່າວຕ່າງປະເທດສາທາລະນະສຸກໄທ ກວດເຂັ້ມຫ້າມຂາຍເຫຼົ້າໃນມື້ເຂົ້າພັນສາ!

ສາທາລະນະສຸກໄທ ກວດເຂັ້ມຫ້າມຂາຍເຫຼົ້າໃນມື້ເຂົ້າພັນສາ!

Published on

 

EyWwB5WU57MYnKOuFZjkH6hB15qAzsX0FDgc1cIl0HvXbEFAOhufqd
(ພາບປະກອບ)

 

ກະຊວງສາທາລະນະສຸກຂອງໄທ ປະສານງານຂະແໜງການຂອງຕົນໃນທົ່ວປະເທດ ຄຸມເຂັ້ມຫ້າມຂາຍ

ເຄື່ອງດື່ມແອລກໍຮໍທຸກຊະນິດ ໃນວັນອາສາຫະບູຊາ ແລະ ວັນເຂົ້າພັນສາ ໂດຍເລີ່ມຕັ້ງແຕ່ທ່ຽງຄືນຂອງ

ມື້ວານນີ້ (10 ກໍລະກົດ) ເຖິງທ່ຽງຄືນຂອງວັນທີ 12 ກໍລະກົດນີ້, ຫາກຝ່າຝືນຈະມີໂທດຈຳຄຸກບໍ່ເກີດ 6

ເດືອນ ປັບໄໝອີກບໍ່ເກີນ 10,000 ບາດ ຫຼື ທັງຈຳທັງປັບ.

 

ທ່ານ ໂສພົນ ເມກທົນ ຫົວໜ້າກົມຄວບຄຸມໂລກ ກ່າວວ່າ ໃນວັນທີ 11 ກໍລະກົດ ເປັນວັນອາສາຫະບູ

ຊາ ແລະ ວັນທີ 12 ກໍລະກົດ ເປັນວັນເຂົ້າພັນສາ ຈະມີການປະກອບພິທີກຳທາງສາສະໜາ ທັງການຮັກ

ສາສິນ, ການທຳບຸນຕັກບາດ, ການຟັງທຳມະເທສະໜາ, ການວຽນທຽນ ເພື່ອເປັນສິລິມຸງຄຸນໃນການ

ດຳເນີນຊີວິດ ໂດຍສະເພາະການຮັກສາສິນຂໍ້ທີ 5 ວ່າດ້ວຍການງົດດື່ມສຸລາ ແລະ ຂອງມຶນເມົາທຸກຊະ

ນິດນັ້ນ ຖືໄດ້ວ່າເປັນການປະຕິບັດບູຊາທີ່ສຳຄັນຢ່າງຍິ່ງ ໂດຍວັນອາສາຫະບູຊາ ແລະ ວັນເຂົ້າພັນສາ

ຈັດເປັນ 2 ໃນ 4 ວັນຂອງວັນສິນໃຫຍ່ ຫ້າມຂາຍເຄື່ອງດື່ມແອລກໍຮໍທຸກຊະນິດ ຕາມກົດໝາຍຄວບ

ຄຸມເຄື່ອງດື່ມແອລກໍຮໍ ພສ 2551 ເຊິ່ງປະກອບດ້ວຍ ວັນມາຄະບູຊາ, ວັນວິສາຂະບູຊາ, ອັນອາສາຫະ

ບູຊາ ແລະ ວັນເຂົ້າພັນສາ ໂດຍມີຜົນບັງຄັບໃຊ້ຕັ້ງແຕ່ປີ 2009 ເປັນຕົ້ນມາ ໃນຂະນະທີ່ຜ່ານມານັ້ນ

ຍັງພົບວ່າໃນເທດສະການສຳຄັນ ກໍຍັງມີການຂາຍ ແລະ ການດື່ມແອລກໍຮໍຢູ່.

 

ສະເພາະໃນປີນີ້ ກະຊວງສາທາລະນະສຸກຂອງໄທ ໄດ້ເຮັດໜັງສືເຖິງຜູ້ວ່າລາຊະການຈັງຫວັດໃນທົ່ວ

ປະເທດ ໃນຖານະປະທານຄະນະກຳມະການຄວບຄຸມເຄື່ອງດື່ມແອລກໍຮໍ ໃນລະດັບຈັງຫວັດ ເພື່ອຂໍ

ໃຫ້ມີການເຂັ້ມງວດດຳເນີນການ ໃຫ້ປະຕິບັດຕາມກົດໝາຍດັ່ງກ່າວ ຍົກເວັ້ນແຕ່ການຊື້ – ຂາຍ

ຂອງຜູ້ປະກອບການຮ້ານຄ້າສຸລາ ພ້ອມທັງຂໍຄວາມຮ່ວມມືເຈົ້າໜ້າທີ່ຕຳຫຼວດທົ່ວປະເທດ ຊ່ວຍ

ສອດສ່ອງແຕ່ລະພື້ນທີ່ ເພື່ອບໍ່ໃຫ້ມີການຝ່າຝືນ, ນອກນັ້ນ ຍັງໄດ້ຈັດທີມງານສະເພາະກິດຂຶ້ນ

ເພື່ອອກກວດກາເຂັ້ມງວດ ຫາກພົບມີການຝ່າຝືນກົດໝາຍ ຈະດຳເນີນຄະດີຢ່າງບໍ່ລະເວັ້ນ.

 

ສະເພາະໃນເທດສະການວັນວິສາຂະບູຊາ ເມື່ອວັນທີ 13 ພຶດສະພາ 2014 ທີ່ຜ່ານມາ ກົມຄວບຄຸມ

ໂລກຂອງໄທກໍໄດ້ລາຍງານວ່າ ທາງກົມໄດ້ຈັດທີມເຈົ້າໜ້າທີ່ ຮ່ວມກັບຕຳຫຼວດອອກກວດກາທັງ

ໝົດ 114 ຮ້ານ ໂດຍເຝົ້າລະວັງ ແລະ ປະຊາຊຳພັນກົດໝາຍ ເຊິ່ງພົບເຫັນການກະທຳຜິດຂາຍ

ເຫຼົ້າໃນວັນດັ່ງກ່າວ ພ້ອມດຳເນີນຄະດີຕາມກົດໝາຍທັງໝົດ 8 ລາຍ.

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...