ໃນວັນທີ 22 ສິງຫາ 2016 ນີ້ມີການປະກາດຜູ້ຄົ້ນພົບໄຂ່ມຸກເປັນຊາວປະມົງ (ບໍ່ປະສົງອອກນາມ) ໄດ້ຄົ້ນພົບໄຂ່ມຸກທີ່ໃຫຍ່ທີ່ສຸດໃນໂລກ ຈາກເກາະປາລາວັນ ໃນຟີລິບປິນຄົ້ນພົບໂດຍບັງເອີນ.
ເມື່ອ 10 ປີກ່ອນ ຂະນະທີ່ພະຍາຍາມດຶງສະມໍຂຶ້ນຈາກທະເລ ແຕ່ກັບພົບວ່າມັນໄປຕິດກັບບາງຢ່າງ ດັ່ງນັ້ນເຂົາຈຶ່ງດຳລົງໄປ ແລະເຫັນຫອຍມຸກໂຕໃຫຍ່ ກັບໄຂ່ມຸກເມັດນີ້ພ້ອມ. ຊາວປະມົງຄົນດັ່ງກ່າວ ເກັບໄຂ່ມຸກຂະໜາດໃຫຍ່ນີ້ ໄວ້ກ້ອງຕຽງມາໂດຍຕະຫຼອດ ແລະຫວັງວ່າມັນຈະນຳໂຊກມາໃຫ້ ໂດຍທີ່ບໍ່ຮູ້ເລີຍວ່າມັນມີລາຄາມະຫາສານ ຈົນມາຮອດມື້ທີ່ບ້ານເຂົາໄຟໄໝ້ ເຂົາທັນໄດ້ແຕ່ໄຂ່ມຸກເມັດນີ້ອອກມາຈາກກອງໄຟ
ຈາກນັ້ນເຂົາໄດ້ ເອົາໄຂ່ມຸກເມັດນີ້ມອບໃຫ້ກັບ ສຳນັກງານທ່ອງທ່ຽວ ຂອງເມືອງ ປວຍໂຕປຣິນເຊຊາ ເລື່ອງລາວຂອງມັນຈຶ່ງໄດ້ຖືກເປີດເຜີຍຂຶ່້ນ, ທາງເຈົ້າໜ້າທີ່ຂອງການທ່ອງທ່ຽວ ໄດ້ລອງຊັ່ງນໍ້າໜັກໄຂ່ມຸກເມັດນີ້ ແລະພົບວ່າມັນມີນໍ້າໜັກຮອດ 34 ກິໂລ ແລະອາດມີມູນຄ່າສູງເຖິງ 76 ລ້ານຢູໂຣ, ແນວໃດກໍຕາມການປະເມີນຄ່າຂອງໄຂ່ມຸກເມັດນີ້ ຍັງຄົງຕ້ອງ ຖ້າການກວດສອບ ຈາກຜູ້ຊ່ຽວຊານດ້ານອັນຍະມະນີ ແລະໜ່ວຍງານຈາກປະເທດອື່ນໆ, ແຕ່ເຊື່ອວ່າຂະນະນີ້ໄຂ່ມຸກດັ່ງກ່າວ ເປັນໄຂ່ມຸກທີ່ໃຫຍ່ທີ່ສຸດໃນໂລກ. ສະຖິຕິແຕ່ກ່ອນໄຂ່ມຸກ The Pearl Lao Tze ທີ່ມີນໍ້າໜັກ 6,4 ກິໂລ ມູນຄ່າ 35 ລ້ານໂດລ່າສະຫະລັດ ແລະຖືກພົບທີ່ເກາະປາລາວັນ ໃນຟີລິບປິນເຊັ່ນກັນ
ທີ່ມາ: posttoday