ສາສະດາຈານ ໂມເຊ ວາດີ ນັກວິຂາການດ້ານວິສະວະກຳຄອມພິວເຕີ ຈາກມະຫາວິທະຍາໄລ ໄຣ ໃນສະຫະລັດອາເມລິກາ ເວົ້າຕໍ່ກອງປະຊຸມປະຈຳປີຂອງສະມາຄົມອາເມລິກາເພື່ອວິທະຍາສາດກ້າວໜ້າວ່າ: ຫຸ່່ນຍົນຈະເຂົ້າມາເຮັດວຽກແທນມະນຸດໃນງານທຸກຢ່າງໄດ້ພາຍໃນ 30 ປີຕໍ່ໜ້າ ພ້ອມຕັ້ງຄຳຖາມສຳຄັນຕໍ່ມະນຸດວ່າ ຖ້າເປັນແນວນັ້ນມະນຸດຈະເຮົາຈະເຮັດຫຍັງ?
ຕົວຢ່າງຂອງຫຸ່ນຍົນທີ່ເຂົ້າມາເຮັດໜ້າທີ່ແທນຄົນໃນໄລຍະຫຼັງອາທິ “ນາດີນ” ຫຸ່ນຍົນຄືມະນຸດ (ຮິວມານອຍ) ຫຼາຍທີ່ສຸດເທົ່າທີ່ເຄີຍມີການສ້າງຂຶ້ນ ເຂົ້າໄປເຮັດໜ້າທີ່ເປັນຣີເຊບຊັ່ນ ໃຫ້ກັບມະຫາວິທະຍາໄລເທັກໂນໂລຢີນານຢາງຂອງສິງກະໂປ ເຊິ່ງເປັນຜູ້ພັດທະນາ “ນາດີນ” ບໍ່ພຽງແຕ່ມີຜິວໜັງນຸ່ມ, ຜົມຍາວເທົ່ານັ້ນ ຍັງສາມາດຕ້ອນຮັບ, ຍິ້ມ ແລະປະສານສາຍຕາ ລວມຮອດຈັບມືກັບແຂກທີ່ມາເບິ່ງ, ນອກຈາກນັ້ນຍັງຈື່ແຂກທີ່ມາໄດ້ຢ່າງດີ ແລະເປັນຜູ້ເລີ່ມການສົນທະນາທີ່ຢູ່ເທິງພື້ນຖານຂອງການເວົ້າໜ້າໄດ້ອີກດ້ວຍ
ສາສະດາຈານຄົນນີ້ຊີ້ໃຫ້ເຫັນວ່າ ຫຸ່ນຍົນສາມາດເຂົ້າມາເຮັດໜ້າທີ່ໃນຕໍາແໜ່ງວຽກຕ່າງໆ ແທນຄົນເຮົາຫຼາຍຂຶ້ນເລື້ອຍໆ, ດ້ວຍເທັກໂນໂລຢີດ້ານຫຸ່ນຍົນ ແລະປັນຍາປະດິດ (ເອໄອ) ເທົ່າທີ່ມີຢູ່ໃນເວລານີ້ ຫຸ່ນຍົນສາມາດເຮັດວຽກແທນມະນຸດ ແລະເຮັດໄດ້ດີກວ່າຫຼາຍຢ່າງແລ້ວ ໃນຂະນະທີ່ລະດັບຄວາມກ້າວໜ້າຂອງເທັກໂນໂລຢີເອໄອເພີມຄວາມໄວຂຶ້ນເລື້ອຍໆ
ສາສະດາຈານຍັງເວົ້າອີກວ່າ ການທີ່ຫຸ່ນຍົນເຂົ້າມາເຮັດວຽກແທນມະນຸດນັ້ນ ອາດສົ່ງຜົນໃຫ້ອັດຕາການການຫວ່າງງານຫຼາຍຂຶ້ນກວ່າ 50% “ເຮົາກຳລັງເຂົ້າສູ່ຍຸກເຄື່ອງຈັກກຳລັງຈະມີຄວາມສາມາດໃນການເຮັດວຽກທຸກໆຢ່າງທີ່ດີກວ່າມະນຸດ” ແລ້ວຖ້າວຽກທຸກຢ່າງແມ່ນຫຸ່ນຍົນເຮັດທຸກຢ່າງແລ້ວມະນຸດຈະໄປເຮັດຫຍັງ?
“ຄຳຕອບທົ່ວໄປກໍຄື ຄົນເຮົາກໍຈະມີເວລາຫວ່າງເປັນອິດສະຫຼະຫຼາຍຂຶ້ນໃນການເຮັດກິດຈະກຳຕ່າງໆ ແຕ່ວ່ານັ້ນບໍ່ແມ່ນອະນາຄົດທີ່ດີ ເພາະບໍ່ເຊື່ອວ່າຊີວິດທີ່ມີແຕ່ເວລາຫວ່າງສຳລັບພັກຜ່ອນຢ່ອນໃຈ, ແຕ່ວ່າການເຮັດວຽກເປັນສິ່ງທີ່ຈຳເປັນສຳລັບຄວາມເປັນຢູ່ທີ່ດີຂອງຄົນເຮົາ” ສາສະດາຈານເວົ້າວ່າ: ຫາກເປັນແນວນັ້ນໄປກໍເທົ່າກັບວ່າຊີວິດມະນຸດຈະໝົດຄວາມໝາຍ ມີແຕ່ຄວາມຫວ່າງ ບໍ່ມີຄວາມສຳເລັດໃຫ້ພູມໃຈ, ບໍ່ມີຄຳວ່າ ບໍ່ສຳເລັດໃຫ້ເສຍໃຈ ເສຍດາຍອີກຕໍ່ໄປ, ນີ້ເປັນຄວາມທ້າທາຍຄົ້ງໃຫຍ່ຂອງມະນຸດ ທີ່ຈຳເປັນຕ້ອງຮັບມືຕັ້ງແຕ່ດຽວນີ້ ກ່ອນທີ່ມະນຸດຈະກາຍເປັນສິ່ງທີ່ຫຼ້າສະໄໝ
ທີ່ມາ: khaosod
ສຳຫຼັບທ່ານທີ່ຮັກຂ່າວໄອທີ ແລະ ເກມ ຕິດຕາມເລື່ອງດີດີ ກົດໄລຄ໌ເລີຍ!
ລວມໄອເຟຣມເພຈ