ຂປລ. ໃນຕອນຄ່ຳ ວັນທີ 22 ສິງຫານີ້ ທີ່ນະຄອນຫລວງວຽງຈັນ, ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ເປັນກຽດປະດັບຫລຽນກາມິດຕະພາບ ໃຫ້ທ່ານ ຣົງ ຊົງເຊຍ (Rong Zhong Xia ) ຫົວໜ້າສາຂາຂ່າວສານຊິນຮວາ ແຫ່ງ ສປ ຈີນ ປະຈໍາ ສປປ ລາວ. ທີ່ມີຜົນງານຄຸນງາມຄວາມດີ ປະກອບສ່ວນເຫື່ອແຮງສະຕິປັນຍາ ເຂົ້າໃນການເຄື່ອນໄຫວປະຕິບັດໜ້າທີ່ຢູ່ ສປປ ລາວ ຕະຫລອດໄລຍະ 3 ປີ (2013-2016) ເຊິ່ງເປັນການປະກອບສ່ວນສໍາຄັນເຂົ້າໃນການພົວພັນຮ່ວມມື ລະຫວ່າງປະຊາຊົນສອງຊາດ ລາວ-ຈີນ, ຈີນ-ລາວ ເວົ້າລວມ, ເວົ້າສະເພາະ ແມ່ນສອງສໍານັກງານຂ່າວສານປະເທດລາວ ແລະ ຂ່າວສານຊິນຮວາ ໃນການແລກປ່ຽນຂໍ້ມູນຂ່າວສານ ແລະ ດ້ານວິຊາການໃຫ້ມີຄວາມແໜ້ນແຟ້ນຍິ່ງໆຂຶ້ນ.
ໃນໂອກາດດຽວກັນ, ກໍໄດ້ມີພິທີມອບໃບຍ້ອງຍໍ ຈາກພາກສ່ວນຕ່າງໆ ຄື: ສະມາຄົມມິດຕະພາບລາວ-ຈີນ, ສູນວັດທະນະທໍາລາວ-ຈີນ, ສະຖາບັນຂົງຈື່, ສະພາການຄ້າຊາວຈີນຕ່າງດ້າວປະຈໍາ ສປປ ລາວ, ສະພາການຄ້າຈີນປະຈໍາ ສປປ ລາວ, ພະແນກເສດຖະກິດການຄ້າ ແຂວງຢຸນນານ ປະຈໍາລາວ, ສະພາການຄ້າເຈີ້ຈຽງລາວ, ສະພາການຄ້າກວາງຕົງລາວ ແລະ ອື່ນໆ.
ພ້ອມດຽວກັນນີ້, ກໍໄດ້ມີພິທີມອບ-ຮັບ ຫົວໜ້າສໍານັກຂ່າວສານຊິນຮວາ ປະຈໍາ ສປປ ລາວ ລະ ຫວ່າງ ທ່ານ ຣົງ ຊົງເຊຍ (ຜູ້ເກົ່າ) ແລະ ທ່ານ ຈາງຈ້ຽນ ຫົວ (ຜູ້ໃໝ່).
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!