ຕົ້ນໄມ້ມຸງຄຸນ 9 ຊະນິດ ທີ່ຄວນປູກໄວ້ໃກ້ເຮືອນເຊື່ອວ່າຊີວິດຈະດີຂຶ້ນ
- ຕົ້ນໝາກມີ້: ເປັນໄມ້ມຸງຄຸນອີກຊະນິດໜຶ່ງທີ່ນິຍົມປູກໄວ້ໃນບ້ານເຮືອນ, ຕົ້ນມີ້ເປັນຕົ້ນໄມ້ຊະນິດໜຶ່ງທີ່ເປັນມຸງຄຸນ ເຊິ່ງຕາມຄວາມເຊື່ອຂອງຄົນສະໄໝບູຮານ ເຊື່ອວ່່າຫາກປູກໝາກມີ້ໃນບໍລິເວນເຮືອນ ຈະເຮັດໃຫ້ມີບຸນບາລະມີ ເງິນທອງ ຈະມີຄົນຊ່ວຍເຫຼືອ ຫຼືອຸດໜູນເຮັດຫຍັງກໍຈະສຳເລັດ
- ຕົ້ນໝາກນາວ: ເປັນພືດພື້ນເມືອງໃນພູມພາກເອເຊຍຕາເວັນອອກສ່ຽງໃຕ້ ທີ່ມີລັກສະນະເປັນໄມ້ພຸ່ມເຕ້ຍ, ເມື່ອໝາກສຸກຈະເເປັນໝາກສີເຫຼືອງ ເປືອກບາງ ໝາກນາວມີປະໂຫຍດທາງຢາຫຼາຍຢ່າງເຊັ່ນ ຊ່ວຍຂັບລົມ, ຮັກສາອາການທ້ອງອືດ, ຂັບຂີ້ກະເທິ, ຄົນສະໄໝບູຮານເຊື່ອວ່າ ການປູກໝາກນາວຈະເຮັດໃຫ້ມີຄວາມສຸກກາຍ, ສະບາຍໃຈ ສາມາດປ້ອງກັນສັດຕູໄດ້
- ຕົ້ນໝາກມ່ວງ: ເປັນຕົ້ນໄມ້ທີ່ໃຫຍ່ ແລະເປັນຕົ້ນໄມ້ມຸງຄຸນຊະນິດໜຶ່ງ ທີ່ມີມາຕັ້ງແຕ່ສະໄໝພຸດທະການ, ປູກງ່າຍ, ມີຫຼາຍສາຍພັນ, ໝາກສາມາດຮັບປະທານໄດ້ທັງດິບ ແລະສຸກ, ເຊື່ອວ່າການປູກຕົ້ນມ່ວງຈະຊ່ວຍໃຫ້ລໍ່າລວຍເງິນທອງ, ກິດຈະການຈະເລີນຮຸ່ງເຮືອງ.
- ຕົ້ນສົ່ໍ້ມປ່ອຍ: ເປັນຕົ້ນທີ່ດອກນ້ອຍເປັນຊໍ່ຄືກັບດອກກະຖິນ, ສາມາດໃຊ້ຮັກສາພະຍາດຕ່າງໆໄດ້ເຊັ່ນ: ໃບ ຊ່ວຍຮັກສາອາການລົງຂາວໄດ້, ໝາກ ຊ່ວຍແກ້ໄອ, ພະຍາດຜິວໜັງ, ບໍາລຸງເສັ້ນຜົມ. ຄົນບູຮານເຊື່ອວ່າ ສົ້ມປ່ອຍຈະຊ່ວຍຂັບໄລ່ສິ່ງຊົ່ວຮ້າຍ, ໄລ່ຜີ ສິ່ງທີ່ບໍ່ດີຕ່າງໆອອກໄປໄດ້
- ຕົ້ນໝາກຍົມ: ເປັນກົກໄມ້ຢືນຕົ້ນ ເຊື່ອວ່າ ການປູກໝາກຍົມ ຈະເຮັດໃຫ້ຄົນມີຄວາມນິຍົມ, ຍັງສາມາດໄລ່ຜີຮ້າຍໄດ້ອີກດ້ວຍ
- ຕົ້ນກະຖິນ: ເປັນຕົ້ມໄມ້ພຸ່ມ ເຊື່ອວ່າກະຖິນເປັນຕົ້ນໄມ້ທີ່ຊ່ວຍປ້ອງກັນສິ່ງບໍ່ດີ ສິ່ງຊົ່ວຮ້າຍໃຫ້ອອກຈາກເຮືອນໄດ້
- ຕົ້ນດອກໄມ້ເງິນໄມ້ຄຳ: ເປັນຕົ້ນໄມ້ພຸ່ມຂະໜາດນ້ອຍ ເຊື່ອວ່າດອກໄມ້ຊະນິດນີ້ເປັນຕົ້ນໄມ້ແຫ່ງບຸນບາລະມີ, ຫາກປູກໄວ້ຈະເຮັດໃຫ້ເກີດສິລິມຸງຄຸນ, ຊີວິດມີບຸນກຸສົນ, ສະມາຊິກໃນບ້ານຈະເປັນຄົນດີ, ຄອບຄົວຢູ່ເຢັນເປັນສຸກ.
- ດອກເຈ້ຍ: ເປັນລາຊີນີແຫ່ງດອກໄມ້ປະດັບ ເຊື່ອວ່າ ດອກເຈ້ບຍ ຈະຊ່ວຍໃຫ້ຊີວິດຮຸ່ງເຮືອງ, ຈະເລີນກ້າວໜ້າ ມີຄວາມສະຫວ່າງສົດໃສ, ມີລາສີ ແກ່ຄົນໃນຄອບຄົວ
- ຕົ້ນຄູນ: ເປັນກົກໄມ້ຢືນຕົ້ນ ເຊື່ອວ່າຖ້າປູກໄວ້ໃນເຮືອນ ຈະເຮັດໃຫ້ຊີວິດມີແຕ່ຄວາມຮຸ່ງເຮືອງເຫຼືອງເຫຼື້ອມຄືກັບດອກຂອງມັນ, ເຮັດຫຍັັງກໍປະສົບຜົນສຳເລັດ ແລະກໍຄໍ້າຄູນເຮືອນຊານ
ຕິດຕາມນານາສາລະ ກົດໄລຄ໌ເລີຍ!