ເມື່ອສອບຖາມແລ້ວທ່ານໝໍຕ່າງກໍຕ້ອງງຶດວ່າ ເປັນຫຍັງລາວຈຶ່ງປ່ອຍໃຫ້ໂຕລາວເອງທ້ອງໃຫຍ່ໂດຍທີ່ບໍ່ຄິດຈະໄປຫາໝໍ ໃນລາຍງານໄດ້ລະບຸວ່າ ທ້າວ ຈາງ ເຊິງ ສັງເກດເຫັນຄວາມຜິດປົກກະຕິທີ່ທ້ອງຂອງລາວໃນປີ 2004 ແຕ່ລາວປ່ອຍເອົາໄວ້ຈົນເນື້ອງອກຂະຫຍາຍໃຫຍ່ຂຶ້ນເຖິງ 15 ກິໂລກຣາມ ກ່ອນຕັດສິນໃຈໃຫ້ທ່ານໝໍເຮັດການຜ່າຕັດ.

ທ່ານໝໍຄົນທີ່ຜ່າຕັດໄດ້ເປີດເຜີຍວ່າ ການຜ່າຕັດນຳເອົາເນື້ອງອກອອກຄັ້ງນີ້ມີຄວາມສຽ່ງສູງຫຼາຍໃຊ້ເວລາຫຼາຍກ່ວາ 6 ຊົ່ວໂມງ ແລະຕ້ອງໃຊ້ທ່ານໝໍທີ່ຊ່ຽວຊານ, ທັງນີ້ ທ້າວ ຈາງ ລາວໄດ້ຮັກສາໂຕລາວຢູ່ໃນຫ້ອງໄອຊີຢູ ແລະທ່ານໝໍໄດ້ສັງເກດອາການຢ່າງຕໍ່ເນື່ອງຫຼັງຈາກການຜ່າຕັດ ກໍລະນີແບບນີ້ເຄີຍເກີດຂຶ້ນໃນປີ 2014 ເມື່ອມີເດັກນ້ອຍຊາວຈີນຄົນໜຶ່ງມີເນື້ອງອກຂະໜາດມັນເກືອບເທົ່າໜ່ວຍບານ 2 ໜ່ວຍໃນທ້ອງ ຕ້ອງເຂົ້າຮັບການຜ່າຕັດທີ່ໂຮງໝໍໃນກວ່າງໂຈ ມົນທົນກວາງຕຸງ ໂດຍຄ່າໃຊ້ຈ່າຍການຜ່າຕັດຄັ້ງນັ້ນປະມານ 12,000 ຢວນ ຫຼື ປະມານ 14,904,000 ກີບ ມາຈາກການບໍລິຈາກຂອງປະຊາຊົນ ເຊິ່ງສຸດທ້າຍແລ້ວການຜ່າຕັດກໍ່ປະສົບຜົນສຳເລັດໄປດ້ວຍດີ

ຂໍຂອບໃຈທີ່ມາ:​ khaosod

http://www.news.com.la/detail/17861