spot_img
Homeສຸຂະພາບ ແລະ ສີ່ງແວດລ້ອມຮູ້ທັນອາການເຈັບໄສ້ຕິ່ງອັກເສບ

ຮູ້ທັນອາການເຈັບໄສ້ຕິ່ງອັກເສບ

Published on

ໄສ​ຕິ່ງ​ອັກ​ເສບ ​ຈະ​ເຈັບທ້ອງ​ແບບ​ເຈັບ​ສຽບ ທີ່​ພົບ​ຫລາຍ​ທີ່​ສຸດ ​ໂດຍ​ສະ​ເພາະ ​ໃນ​ໄວ​ໜຸ່ມ​ສາວທີ່ ອາຍຸ​ບໍ່​ເກີນ 30 ປີ ​ເກີດ​ຂຶ້ນ​ໄດ້​ທັງ​ຜູ້ຍິງ ​ແລະ ຜູ້​ຊາຍ.

ສາເຫດຂອງການ ເກີດໄສຕິ່ງອັກເສບນັ້ນ ເກີດຈາກການອັດຕັນ ຂອງໄສຕິ່ງຈາກອາຈົມ ທີ່ແຂງເກີນໄປ ຫລື ມີກ້ອນຊີ້ນປົ່ງ ເຮັດໃຫ້ອັດຕັນ ແລະ ເກີດການອັກເສບຂຶ້ນມາ ໂດຍອາການ ຂອງຜູ້ເປັນໄສຕິ່ງສ່ວນໃຫຍ່ ຈະມີອາການເຈັບທ້ອງ ບອກຕຳແໜ່ງທີ່ເຈັບໄດ້ ບໍ່ແນ່ນອນເຈັບເປັນໄລຍະ ຫລື ຕະຫລອດເວລາກໍ່ໄດ້ ແຕ່ໂດຍທົ່ວໄປ ມັກຈະເຈັບ ຕະຫລອດເວລາ

ຫລັງຈາກນັ້ນ ອາການເຈັບຈະເລີ່ມຍ້າຍ ໄປຫາທ້ອງນ້ອຍດ້ານຂວາ ແລະ ອາດມີໄຂ້ນຳອີກ ເຊິ່ງຜູ້ເຈັບບາງຄົນອາດ ຈະມີອາການບໍ່ ເປັນຄືທີ່ໄດ້ກ່າວມາ ຂຶ້ນຢູ່ກັບຕຳແໜ່ງ ຂອງໄສ້ຕິ່ງເຊັ່ນ: ບາງທີອາດເຈັບທ້ອງ ດ້ານຂວາເທິງ ຫລືເຄິ່ງກາງກໍ່ມີຖ້າປາຍ ຂອງໄສຕິ່ງຍາວໄປ​ເຖີງບໍລິເວນນັ້ນ.

​ການ​ຮັກສາ​ ໄສ​ຕິ່ງ​ອັກ​​ເສບ​ບໍ່​ວ່າ​ ໄສ​ຕິ່ງ​ຈະ​ແຕກ ຫລື ບໍ່​ແຕກ​ມີ​ແຕ່​ການ​ຜ່າ​ຕັດ ​ຖ້າ​ຫາກ​ບໍ່​​ໄປ​ຮັກສາ​ອາດ ​​ເກີດມີ​ພະຍາດ​​​​ແຊກຊ້ອນ​ໄດ້ ​ເຊັ່ນ​ໄສ້​ຕິ່ງ​ກາຍ​ເປັນ​ຝີ​ ໃນ​ທ້ອງ​ຕ້ອງ​ຜ່າຕັດ​ອອກ ຫລື ​ໄສ​ຕິ່ງ​ແຕກ​ມີ​ໜອງ​ອອກ​ມາ​ພາຍ​ ໃນ​ຊ່ວງ​ທ້ອງ​ເຮັດ​​ໃຫ້​ເສີຍ​ຊີວິດ​ໄດ້.

ດັ່ງ​ນັ້ນ​ ຫາກມີ​ອາ​ການ​ເຈັບທ້ອງ​ ໂດຍ​ບໍ່​ຮູ້​ສາ​ເຫດ ​ຢ່າ​ຟ້າວ​ກິນ​ຢາ​ແກ້​ປວດ ຄວນ​ໄປ​ກວດ​ ເພື່ອ​ໃຫ້​ຮູ້​ລະອຽດ ​ເພາະ​ການ​ກິນ​ຢາ​ແກ້​ປວດ ​ຈະ​ເຮັດ​ໃຫ້​ກວດ​ພະຍາດ​ຢາກ ​ຫລື​ ກວດ​ບໍ່​ພົບ​ເຫັນ​ ເພາະ​ຢາ​ຈະ​ປິດ ອາການ​ເຈັບທ້ອງ ​ຖ້າ​ຫາກ​ເຈັບທ້ອງ​ເກີນ 6 ຊົ່ວ​ໂມງ ຄວນ​ຮີບ​ໄປ​ຫາ​ແພດ ​ເພາະ​ສ່ວນ​ໃຫຍ່​ແລ້ວ​ ຖ້າ​ບໍ່​ເປັນ​ໄສ​ຕິ່ງ​ອັກ​ເສບ​ ກໍ່​ມັກ​ເປັນ​ອາການ​ຮ້າຍ​ແຮງ​ອື່ນໆ.
ທີ່ມາ: http://kpl.gov.la/detail.aspx?id=16104

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...