ທ່ານ ໂຈໂກ ວິໂດໂດ ປະກາດໄຊຊະນະການເລືອກຕັ້ງປະທານາທິບໍດີອິນໂດເນເຊຍແລ້ວ ໂດຍຜົນຂອງການ
ນັບຄະແນນຢ່າງບໍ່ເປັນທາງການ ອອກມາເປັນຝ່າຍຂອງເຂົາເອງທີ່ມີຄະແນນນຳ ອາດີດນາຍພົນປຣາໂບໂວ
ຄູ່ແຂ່ງຄົນສຳຄັນ.
ສຳນັກຂ່າວຕ່າງປະເທດ ລາຍງານຄວາມຄືບໜ້າເສິກເລືອກຕັ້ງປະທານາທິບໍດີ ອິນໂດເນເຊຍ ເຊິ່ງປິດຫີບ
ການເລືອກຕັ້ງໄປແລ້ວ ໃນເວລາ 13 ໂມງ 00 ນາທີ ຕາມເວລາໃນທ້ອງຖິ່ນ ຂອງວັນທີ 9 ກໍລະກົດທີ່ຜ່ານມາ
ວ່າ ຈາກຜົນຂອງການນັບຄະແນນການເລືອກຕັ້ງຢ່າງບໍ່ເປັນທາງການ ປະກົດວ່າ ທ່ານ ໂຈໂກ ວິໂດໂດ ຫຼື
ໂຈໂກວີ ຜູ້ສະໝັກໝາຍເລກ 2 ຈາກພັກປະຊາທິປະໄຕອິນໂດເນເຊຍແຫ່ງການຕໍ່ສູ້ (PDIP) ເປັນຝ່າຍມີ
ຄະແນນເໜືອອາດີດນາຍພົນ ປຣາໂບໂວ ສຸບຽນໂຕ ຜູ້ສະໝັກໝາຍເລກ 1 ແລະ ໂຈໂກວີເອງ ໄດ້ອອກມາ
ປະກາດໄຊຊະນະຂອງຕົນເອງແລ້ວ.