spot_img
Homeນານາສາລະ6 ສິ່ງທີ່ຜູ້ຍິງເກັ່ງ, ງາມ ແລະລວຍ ມັກເຮັດໃນບ່ອນເຮັດວຽກເປັນປະຈໍາ

6 ສິ່ງທີ່ຜູ້ຍິງເກັ່ງ, ງາມ ແລະລວຍ ມັກເຮັດໃນບ່ອນເຮັດວຽກເປັນປະຈໍາ

Published on

ສຳລັບຜູ້ຍິງເກັ່ງ ບໍ່ວ່າຈະອາຊີບໃດ ການເຮັດວຽກກໍມີຜົນກັບຊີວິດຂອງພວກເຂົາຫຼາຍ, ມື້ນີ້ເຮົາມີ 6 ວິທີມາຝາກເປັນເຄັດລັບ, ບໍ່ວ່າຈະເຮັດວຽກໃດ ກໍຊ່ວຍໃຫ້ເຈົ້າເກັ່ງ, ງາມ ແລະລວຍໄດ້ໃນສາຍອາຊີບໄດ້ຫຼາຍຂຶ້ນກວ່າເດີມແນ່ນອນ ທີ່ສຳຄັນຄື ມັນຈະຊ່ວຍຈິດໃຈອັນວຸ່ນວາຍໃນແຕ່ລະມື້ໄດ້

  1. ອ່ານຂ່າວ ຫຼືເລື່ອງລາວທີ່ກ່ຽວກັບວຽກຂອງເຈົ້າ: ການອັບເດດຢູ່ຕະຫຼອດວ່່າຕອນນີ້ວົງການຂອງເຈົ້າມີຄວາມເຄື່ອນໄຫວແນວໃດ, ມັນກໍສາມາດເຮັດໃຫ້ເຈົ້າຮູ້ທັນ ແລະເບິ່ງເຫັນໂອກາດຫຼາຍກວ່າເດີມ, ນອກຈາກນີ້ແລ້ວ ໃນປະຈຸບັນຍັງມີການເຄື່ອນໄຫວທີ່ໄວ, ດັ່ງນັ້ນ ການໝັ່ນອັບເດດເລື່ອງຕ່າງໆອ້ອມຕົວຈຶ່ງຖືເປັນເລື່ອງສຳຄັນສຳລັບການພັດທະນາຕົວເອງ.
  2. ເບິ່ງຕາລາງນັດໝາຍການປະຊຸມ: ນອກເໜືອຈາກວຽກທີ່ຕ້ອງເຮັດແລ້ວ ການປະຊຸມກໍຖືເປັນສິ່ງທີ່ກິນເວລາສຸດໆ ການເຊັກຕາລາງປະຊຸມກ່ອນລ່ວງໜ້າ ຈະຊ່ວຍໃຫ້ເຮົາເຫັນພາບວ່າຈະຈັດລຳດັບຄວາມສຳຄັນແນວໃດ ແລະເຮັດໃຫ້ການປະຊຸມມີປະສິດທິພາບຫຼາຍຂຶ້ນ
  3. ເວົ້າກັບເພື່ອນຮ່ວມງານເກົ່າ: ຫຼາຍຄົນອາດເຄີຍຍ້າຍບ່ອນເຮັດວຽກຕະຫຼອດ ແຕ່ສິ່ງສຳຄັນຄື ຢ່າລືມໝູ່ ໃນບ່ອນເຮັດວຽກເກົ່າ ເພາະຈະເຮັດໃຫ້ມີຄວາມສຳພັນອັນດີ ແລະຍາມເດືອດຮ້ອນກໍອາດຈະໄດ້ໝູ່ເກົ່າໆນີ້ລະທີ່ຄອຍຊ່ວຍເຫຼືອເຈົ້າໄດ້, ຫາກວຽກຫຍຸ້ງເກີນກວ່າຈະພົບກັນ ກໍຢ່າລືມສົ່ງຂໍ້ຄວາມຫາກັນ
  4. ລົມກັບຄົນໃນບໍລິສັດທີ່ບໍ່ແມ່ນເລື່ອງວຽກ: ເຖິງແມ່ນວ່າສາວໆທີ່ເກັ່ງຈະຈິງຈັງນຳວຽກແລ້ວ ແຕ່ບໍ່ແມ່ນວ່າພວກເຂົາຈະຢູ່ແຕ່ກັບວຽກ, ພວກເຂົາກໍມີການໂອ້ລົມກັບຄົນອ້ອມຂ້າງ ແລະເບິ່ງວ່າພວກເຂົາຄື “ໝູ່” ໃນບ່ອນເຮັດວຽກ, ຫຼັງຈາກເລີກວຽກແລ້ວ ພວກເຂົາຍັງລົມກັນໂດຍການສົ່ງຂໍ້ຄວາມຫາກັນ, ເຮັດໃຫ້ສະໜິດສະໜົມກັນຫຼາຍຂຶ້ນ
  5. ຄິດທົບທວນວ່າມື້ນີ້ເຮົາເຮັດຫຍັງແດ່: ບາງມື້ອາດຈະບໍ່ເປັນຕາຈື່ຈຳ ແຕ່ການທົບບວນວ່າແຕ່ລະມື້ເຮົາເຮັດຫຍັງແດ່ເປັນເລື່ອງທີ່ສຳຄັນ, ບໍ່ວ່າມັນຈະດີຫຼືບໍ່ດີ, ການທົບທວນສິ່ງຕ່າງໆ ຈະເຮັດໃຫ້ຮູ້ວ່າສິ່ງໃດຄວນໄປຕໍ່, ສິ່ງໃດບໍ່ຄວນເຮັ ແລະສິ່ງໃດທີ່ຄວນປັບປຸງ
  6. ມ້ຽນໂຕະເຮັດວຽກກ່ອນກັບບ້ານ: ຫຼັງຈາກເຮັດວຽກໝົດມື້ ຢ່າລືມມ້ຽນໂຕະເຮັດວຽກເປັນລະບຽບໜ້ອຍໜຶ່ງກ່ອນເມືອບ້ານ, ບາງຄົນອາດບອກວ່າ “ຈະຈັດເຮັດຫຍັງ ມື້ອື່ນມັນຕ້ອງຮົກອີກ” ແຕ່ລອງຄິດພາບວ່າ ມາເຮັດວຽກຕອນເຊົ້າ ແລ້ວຕ້ອງເຫັນໂຕະຮົກເປັນອັນດັບທຳອິດ, ມັນຈະເຮັດໃຫ້ເຮົາຮູ້ສຶກໝົດພະລັງ, ສາວເກັ່ງທັງຫຼາຍມັກຈະຈັດໂຕະກ່ອນກັບບ້ານ ແລະມາເຮັດວຽກມື້ໃໝ່ຢ່າງສົດໃສ

 

ທີ່ມາ: women.truelife

ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...