spot_img
Homeຂ່າວທ້ອງຖິ່ນທົ່ວປະເທດເຝົ້າລະວັງລະດັບນ້ຳຢ່າງໃກ້ຊິດ ຫຼັງພາຍຸດຽນມູຈະເຄື່ອນເຂົ້າພາກເໜືອ

ທົ່ວປະເທດເຝົ້າລະວັງລະດັບນ້ຳຢ່າງໃກ້ຊິດ ຫຼັງພາຍຸດຽນມູຈະເຄື່ອນເຂົ້າພາກເໜືອ

Published on

ກົມອຸຕຸນິຍົມ ແລະ ອຸທົກກະສາດ ເຕືອນວ່າ: ພາຍຸເຂດຮ້ອນ ດຽນມູ (Dianmu), ຫົວທີ 8 ໃນປີ 2016 ໄດ້ກໍ່ຕົວຂຶ້ນໃນວັນທີ 18 ສິງຫານີ້, ໃກ້ແຄມຝັ່ງທາງພາກໃຕ້ຂອງສປ ຈີນ, ໄດ້ມີຈຸດສູນກາງຢູ່ເສັ້ນຂະໜານທີ 21,2 ອົງສາເໜືອ ແລະ ເສັ້ນແວງທີ 110,9 ອົງສາຕາເວັນອອກ ພວມເຄື່ອນມາທາງດ້ານຕາເວັນຕົກ ແລະ ຄາດຄະເນວ່າ: ພາຍຸຫົວນີ້ ຈະເຄື່ອນທີ່ຜ່ານພາກເໜືອຂອງ ສສ ຫວຽດ ນາມ ໃນຕອນເຊົ້າວັນທີ 19 ສິງຫາ, ຈາກນັ້ນ ກໍອ່ອນກຳລັງລົງເປັນພາຍຸດີເປຼຊັນ ຜ່ານພາກເໜືອຂອງລາວເຂດແຂວງຫົວພັນ ແລະ ຜົ້ງສາລີ, ໃນໄລຍະຄືນວັນທີ 19-20 ສິງຫານີ້. ຕະຫລອດໄລຍະເຄື່ອນທີ່ຂອງພາຍຸດັ່ງກ່າວ ຈະເຮັດໃຫ້ລົມມໍລະສຸມຕາເວັນຕົກສ່ຽງໃຕ້ພັດປົກຄຸມເຂດພາກກາງ ແລະ ພາກໃຕ້ດ້ວຍກຳລັງແຮງ, ຊຶ່ງຈະເຮັດໃຫ້ມີຝົນຕົກໃນລະດັບປານກາງຫາຕົກໜັກ ພ້ອມມີລົມພັດແຮງຢູ່ບັນດາແຂວງພາກເໜືອລົງຫາພາກກາງ ແລະ ຍັງຈະເຮັດໃຫ້ລະດັບແມ່ນ້ຳຂອງສູງ ແລະ ແມ່ນ້ຳສາຂາຕ່າງໆສູງຂຶ້ນຮອດເຂດລະວັງໄພ ໄປເຖິງເຂດອັນຕະລາຍຢູ່ບາງທ້ອງຖິ່ນອີກດ້ວຍ.

ສຳລັບລະດັບນ້ຳປະຈຳວັນທີ 19-20 ສິງຫານີ້, ຢູ່ແຂວງຫລວງພະບາງ ແມ່ນ 12,56 ແມັດ (ເຂດລະວັງໄພ 17,50 ແມັດ), ຫລັກ 4 ນະຄອນຫລວງວຽງຈັນ 9,52 ແມັດ (ເຂດລະວັງໄພ 11,50 ແມັດ), ສະຫວັນນະເຂດ 8,78 ແມັດ (ເຂດລະວັງໄພ 12 ແມັດ), ປາກເຊ 7,74 ແມັດ (ເຂດລະວັງໄພ 11 ແມັດ), ຂົວເຊບັ້ງໄຟ 16,98 ແມັດ (ລະວັງໄພ 17,50 ແມັດ), ເຂື່ອນນ້ຳງື່ມ 206,96 ແມັດ (ເຂດລະວັງໄພ 212 ແມັດ). ດັ່ງນັ້ນ ຈຶ່ງເຕືອນເຖິງປະຊາຊົນທີ່ອາ​ໄສຢູ່ເຂດດັ່ງກ່າວ ຈົ່ງມີສະຕິ, ລະມັດລະວັງ ເພື່ອກຽມພ້ອມຮັບມືກັບສະພາບຝົນຕົກໜັກ, ລົມພັດແຮງ, ນ້ຳຖ້ວມໄຫລຊຸແຮງ, ນ້ຳຖ້ວມຍື່ງ ແລະ ດິນເຈື່ອນ, ພ້ອມທັງຈັດເກັບສິ່ງຂອງທີ່ຈຳເປັນ ແລະ ສັດລ້ຽງໄວ້ບ່ອນສູງ ເພື່ອຄວາມປອດໄພ.

ທີ່ມາ: ລາວພັດທະນາ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...