ໃນແຕ່ລະມື້ຮ່າງກາຍໄດ້ຮັບສານພິດ ໂດຍທາງກົງ ແລະທາງອ້ອມ ຈາກອາຫານທີ່ກິນລົງໄປ ແລະມົນລະພິດຮອບດ້ານ ສັງເກດສັນຍານຮ່າງກາຍທີ່ບອກວ່າເຈົ້າເຖິງເວລາລ້າງອອກແລ້ວ!!! ຮູ້ສຶກບໍ່ສົດຊື່ນ, ຜິວໜັງເກີດອາການແພ້ງ່າຍ, ເມື່ອຍ, ຫຼຸດນໍ້າໜັກບໍ່ລົງ, ເມື່ອຍແບບບໍ່ມີສາເຫດ, ລະບົບຂັບຖ່າຍບໍ່ສະດວກຜິວໜັງເກີດອາການພູມແພ້, ຕາພອງ, ປະຈໍາເດືອນມາບໍ່ປົກກະຕິ, ຫງຸດຫງິດງ່າຍ
ລ້າງສານພິກປະຕິບັດມາດົນນານຫຼາຍສະຕະວັດທົ່ວໂລກ, ທັງແບບການແພດແຜນຈີນ ແລະອາຍຸລະເວດ, ການລ້າງສານພິດເປັນການເຮັດຄວາມສະອາດ ແລະບຳລຸງຮ່າງກາຍຈາກພາຍໃນ ໂດຍການລ້າງສານພິດທີ່ຕົກຄ້າງອອກຈາກຮ່າງກາຍ ສາມາດຊ່ວຍປ້ອງກັນພະຍາດ ແລະຕໍ່ອາຍຸລະບົບຕ່າງໆໃນຮ່າງກາຍ ໃຫ້ເຮັດວຽກໄດ້ຢ່າງມີປະສິດທິພາບ
ການລ້າງສານພິດ ໂດຍການກຽມຮ່າງກາຍ ແລະຈິດໃຈໃຫ້ພ້ອມ, ຫຼຸດການຮັບສານພິດຈາກເຄື່ອງ ອຸປະໂພກ ບໍລິໂພກ ອ້ອມຕົວໃຫ້ລາຍທີ່ສຸດເຊັ່ນ: ບໍ່ກິນເຫຼົ້າ, ກາເຟ, ບໍ່ສູບຢາ, ນໍ້າຕານ, ໄຂມັນອິ່ມຕົວ ປ່ຽນມາໃຊ້ແບບທີ່ມີສານເຄມີປະສົມແບບອໍແກນິດຄືຢາສະຜົມ, ຄີມນວດຜົມ, ສະບູ ແລະຢາສີຟັນ
ວິທີທີ່ຈະຊ່ວຍລ້າງສານພິດອອກຈາກຮ່າງກາຍມີຄື:
- ຮັບປະທານໄຟເບີໃຫ້ຫຼາຍຂຶ້ນເຊັ່ນ: ເຂົ້າກ່ອງ, ຜັກ ແລະໝາກໄມ້ປອດສານພິດເຊັ່ນ: ກະລໍາປີ, ສາຫຼ່າຍ…
- ດື່ມຊາສະໝູນໄພລ້າງພິດໃນຕັບ ແລະດື່ມນໍ້າວັນລະ 2 ລິດ
- ຊາຂຽວ: ຈາກການວິໄຈພົບວ່າ polyphenols ໃນຊາຂຽວສາມາດອອກລິດໃນການຕ້ານອະນຸມູນອິດສະຫຼະ, ຊ່ວຍກະຕຸ້ນການເຮັດວຽກຂອງເອັນໄຊ ທີ່ເຮັດໜ້າທີ່ກຳຈັດສານພິດໃນຕັບ, ຢຸດການແບ່ງຕົວຂອງເຊວມະເຮັງ ແລະພັດທະນາການຂອງແບັກທີເລຍທີ່ມີປະໂຫຍດໃນລຳໄສ້
- ຊາອາຕິໂຊກ: ຊ່ວຍບໍາລຸງ ການກະຕຸ້ນການເຮັດວຽກຂອງຕັບ, ສ້າງນໍ້າດີ ແລະນໍ້າຍ່ອຍ
- ຊາແດນດິໄລອອນ: ຊ່ວຍສົ່ງເສີມການກຳຈັດສານພິດຈາກຕັບ ແລະຖົງນໍ້າດີ, ຫຼຸດຜົນຂ້າງຄຽງຈາກຢາທີ່ຖືກທຳລາຍ
- ຮັບປະທານວິຕາມິນຊີ: ເພື່ອກະຕຸ້ນໃຫ້ຮ່າງກາຍຜະລິດສານກູຕາໄຮໂອນ ທີ່ເປັນສານເຄມີໃນຕັບ ທີ່ເຮັດໜ້າທີ່ກຳຈັດສານພິດອອກ
- ຝຶກຫາຍໃຈໃຫ້ເລິກໆຢ່າງຊ້າໆ: ເພື່ອໃຫ້ຮ່າງກາຍໄດ້ຮັບອົກຊີຢ່າງສົມບູນເຂົ້າສູ່ລະບົບຕ່າງໆຂອງຮ່າງກາຍ
- ຝຶກຄວບຄຸມອາລົມທີ່ເຄັ່ງຄຽດ: ໂດຍການຄິດບວກເປັນປະຈຳ
- ບຳບັດດ້ວຍການອາບນໍ້າອຸ່ນ: ການອາບນໍ້າອຸ່ນ 5 ນາທີ ແລະສະຫຼັບດ້ວຍນໍ້າເຢັນ 30 ວິນາທີ 3 ຄັ້ງແລະນອນພັກ 30 ນາທີ, ການອາບນໍ້າອຸ່ນ ແລະເຢັນສະຫຼັບກັນ ຊ່ວຍເຮັດໃຫ້ການໄຫຼວຽນເຂົ້າອອກສະລັບກັນ ຊ່ວຍໃຫ້ຫຼຸດອາການເຄັ່ງຕຶງຂອງກ້າມເນື້ອ ແລະລະບົບໝູນວຽນ ເພື່ອອັດຕາການລ້າງພິດ ແລະສານອາຫານສາມາດເຄື່ອນຍ້າຍໄປຍັງສ່ວນຕ່າງໆຂອງຮ່າງກາຍໄດ້ຫຼາຍຂຶ້ນ
- ກຳຈັດສານພິດອອກຈາກຜິວໜັງດ້ວຍການອອກກຳລັງກາຍ ໂດຍການ ຫຼິ້ນໂຢຄະ, ເຕັ້ນເຊືອກ ເພື່ອເຫື່ອອອກ ແລະຂັດຜິດຢູ່ສະເໝີ
ທີ່ມາ: girlsfriendclub