spot_img
Homeນານາສາລະຄວາມຮັກ ຍືນຍາວດ້ວຍ 9 ນິໄສຂອງຄູ່ຮັກ

ຄວາມຮັກ ຍືນຍາວດ້ວຍ 9 ນິໄສຂອງຄູ່ຮັກ

Published on

  1. ເຊື່ອໃຈເຊິ່ງກັນ ແລະກັນ: ຄວາມ “ໄວ້ໃຈ” ຄືໜຶ່ງໃນເລື່ອງພື້ນຖານ ທີ່ສໍາຄັນທີ່ສຸດຂອງການມີຄວາມສຳພັນທີ່ດີ, ເກີດຂຶ້ນໄດ້ຈາກຄວາມຈິງໃຈ ແລະຄວາມເຊື່ອໃຈເຊິ່ງກັນ ແລະກັນ
  2. ສື່ສານກັນກົງໄປກົງມາ: ຄູ່ຮັກທີ່ມີຄວາມສຸກ ບໍ່ແມ່ນຄູ່ຮັກທີ່ບໍ່ເຄີຍຜິດຖຽງກັນ ແຕ່ເປັນຄູ່ທີ່ເປີດໃຈໃນການສື່ສານ ແລະຮັບຟັງກັນໄດ້ສະເໝີ ແທນທີ່ຈະເກັບກົດເປັນໄລຍະເວລາດົນນານ ເຊິ່ງມີຄວາມສ່ຽງຫຼາຍທີ່ຈະລະເບີດອອກມາບໍ່ມື້ໃດກໍມື້ໜຶ່ງ.
  3. ໃຫ້ເວລາ ແລະຄວາມເຊື່ອໃຈເຊິ່ງກັນແລະກັນ: ໂລກທຸກມື້ນີ້ມີສິ່ງທີ່ຄອຍດຶງດູດຄວາມສົນໃຈຂອງເຈົ້າຫຼາຍໆວິທີ ລວມທັງໂທລະທັດ, ມືຖື, ແທັບເລັດ, ຕັ້ງແຕ່ມືນຕາຂຶ້ນມາຈົນກະທັ່ງນອນ, ຫຼາຍຄັ້ງເຮົາມັກເຫັນຄູ່ຮັກນັ່ງຢູ່ນຳກັນແຕ່ຕົວ, ແລ້ວຕ່າງຄົນຕ່າງກົ້ມໜ້າກົ້ມຕາຫຼິ້ນມືຖື, ເວລາທີ່ເຈົ້າຢູ່ກັບຄົນທີ່ເຮົາຮັກເປັນສິ່ງທີ່ມີຄ່າ ແລະຢ່າປ່ອຍໃຫ້ມັນເສຍເວລາໄປໂດຍບໍ່ມີປະໂຫຍດ
  4. ເຮັດສິ່ງເລັກໆນ້ອຍໆໃຫ້ກັນຢູ່ຕະຫຼອດ: ການມີຄວາມສຸກຮ່ວມກັນ ບໍ່ຈຳເປັນຕ້ອງຫາແນວແພງໃຫ້ກັນ ແຕ່ຖ້າເຈົ້າສາມາດເຮັດໄດ້ໂດຍບໍ່ເດືອດຮ້ອນໃຜກໍເປັນເລື່ອງທີ່ດີຫຼາຍ, ການເຮັດເລື່ອງເລັກໆນ້ອຍໆ ໃຫ້ຄົນທີ່ເຈົ້າຮັກປະທັບໃຈ ຢູ່ສະເໝີນັ້ນອາດໃຫ້ຄວາມສຸກໄດ້ຍືນຍາວຫຼາຍກວ່າເຊັ່ນ: ເຈົ້າອາດຈະຖ້າສົ່ງເຂົາໄປເຮັດວຽກໃນຕອນເຊົ້າ, ຖ້າຮັບກັບບ້ານ ພ້ອມດ້ວຍນໍ້າເຢັນໆແກ້ວໜຶ່ງ ແລະຄຳຖາມດ້ວຍຮອຍຍິ້ມວ່າ “ມື້ນີ້ເມື່ອຍບໍ” ຫຼືການບອກ “ຂ້ອຍຮັກເຈົ້າເດີ” ປະສົມຮອຍຍິ້ມຢູ່ສະເໝີ
  5. ຊອກວຽກທີ່ເຮັດຮ່ວມກັນ: ການໃຊ້ເວລາຫວ່າງຮ່ວມກັນເຊັ່ນ: ປູກຕົ້ນໄມ້, ອອກກໍາລັງກາຍ ລືການໄປທ່ຽວ ຈະຊ່ວຍໃຫ້ເຈົ້າໄດ້ມີໂອກາດຮຽນຮູ້ກັນຫຼາຍຂຶ້ນ ແລະມີໂອກາດໄດ້ຊ່ວຍເຫຼືອກັນຫຼາຍຂຶ້ນ.
  6. ການສະແດງຄວາມຍິນດີກັບຄວາມສຳເລັດຂອງອີກຝ່າຍ: ຊີວິດຄືການເດີນທາງໄກ ເຊິ່ງຕະຫຼອດທາງເຈົ້າມີເປົ້າໝາຍສຳຮອງຫຼາຍທີ່ຕ້ອງການ ຮ່ວມກັນສະແດງຄວາມຍິນດີໃນຄວາມສຳເລັດກັບຄົນທີ່ເຈົ້າຮັກ ບໍ່ວ່າເປົ້າໝາຍນັ້ນຈະນ້ອຍພຽງໃດ ມັນຊ່ວຍເຮັດໃຫ້ເຈົ້າ ແລະເຂົາມີພະລັງໃຈໃນການໄປຕໍ່ໄດ້ອີກໄກ
  7. ເອົາໃຈເຂົາມາໃສ່ໃຈເຮົາ: ເປັນເລື່ອງທໍາມະດາທີ່ຄົນສອງຄົນຈະມີຄວາມຄິດເຫັນຫຼາຍທີ່ບໍ່ກົງກັນ ແລະຕ່າງຝ່າຍກໍມີເຫດຜົນຂອງຕົນເອງ, ຖ້າຄູ່ໃດໃຫ້ຄວາມສຳຄັນກັບການຫາວ່າໃຜຜິດ ໃຜຖືກ ແລ້ວກໍຈະໄປກັນບໍ່ລອດຈັກຄູ່, ທຸກຄັ້ງທີ່ບໍ່ເຂົ້າໃຈກັນຄວນຢຸດຄິດວ່າ “ໃຜຖືກໃຜຜິດ” ແລ້ວກັບມາເອົາໃຈເຂົາມາໃສ່ໃຈເຮົາກ
  8. ການໃຫ້ອະໄພ: ບໍ່ມີໃຜບໍ່ເຄີຍເຮັດຜິດ ແຕ່ຖ້າເຈົ້າຄິດວ່າຕົວເອງບໍ່ເຄີຍເຮັດຜິດ ກໍ່ສະແດງວ່າເຈົ້າກຳລັງເຮັດຜິດຢູ່, ຫາກເຈົ້າຄິດວ່າຕົວເອງເຮັດຜິດກໍຢ່າເຮັດຜິດເລື່ອງເກົ່າໆຕະຫຼອດ ແລະຖ້າຄົນທີ່ເຈົ້າຮັກເຮັດຜິດພາດກໍຄວນຮຽນຮູ້ທີ່ຈະໃຫ້ອະໄພ ແລະໃຫ້ໂອກາດ
  9. ບັນທຶກຄວາມຮູ້ສຶກດີໆທີ່ເຄີຍມີໃຫ້ກັນ: ຊີວິດຄືການເດີນທາງ ເຊິ່ງຕະຫຼອດໄລຍະທາງ ເຮົາຈະຜ່ານເລື່ອງດີ ແລະບໍ່ດີ, ທັງນ້ອຍທັງໃຫຍ່, ເຈົ້າຄວນຈົດເລື່ອງດີໆ ລືພາບດີໆ ທີ່ເຈົ້າ ແລະເຂົາມີຄວາມຮູ້ສຶກດີໆໃຫ້ກັນໄວ້, ເພາະຊີວິດເຮົາບໍ່ໄດ້ຮຽບຮ້ອຍເປັນເສັ້ນທີ່ຈະພົບເລື່ອງດີໆ ແລະຄວາມສຸກສະເໝີໄປ, ຍາມໃດທີ່ເຈົ້າຜິດກັນ ລອງຈັບຄວາມຊົງຈຳດີໆເຫຼົ່ານີ້ຂຶ້ນມາເບິ່ງ ແລ້ວເຈົ້າຈະຮູ້ສຶກດີຂຶ້ນ

ທີ່ມາ:succed lifestyle

 

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...