ເກືອ ບໍ່ມີຜົນກະທົບທີ່ເປັນພິຮ້າຍເມື່ອເຮົາເລືອກໃຊ້ ມັນຖືກນຳມາໃຊ້ເປັນຜະລິດຕະພັນ ເພື່ອເຮັດຄວາມສະອາດ ເປັນເວລາຫຼາຍປີ, ບາງຄົນເອົາມາຂ້າເຊື້ອ ແລະເຮັດຄວາມສະອາດຈຸດຕ່າງໆອ້ອມບ້ານ, ເກືອມີລາຄາຖືກ ແລະເປັນຫຍັງຄົນສ່ວນຫຼາຍບໍ່ໃຊ້ມັນເຮັດຄວາມສະອາດ ແຕ່ກັບໄປໃຊ້ຜະລິດຕະພັນທີ່ມີສານເຄມີທີ່ອັນຕະລາຍ.
- ເກືອສາມາດປ້ອງກັນມົດ: ໂດຍທົ່ວໄປແລ້ວ ມົດມັກຈະຢູ່ຕາມປະຕູ, ປ່ອງຢ້ຽມ ແລະຕູ້ເກັບເຄື່ອງ ເຮົາຄວນເອົາເກືອໄປໂຮຍໃສ່ບໍລິເວນທີ່ມົດເຂົ້າໄປຢູ່, ບໍ່ວ່າຈະເປັນໃນບ້ານ ຫຼືໃນເຮືອນຄົວ ແລະການໃຊ້ເກືອຈະຊ່ວຍຫຼຸດຄວາມອັບຊື້ນໃນເຮືອນຄົວອີກດ້ວຍ
- ເກືອຄືສານຂັດທຳມະຊາດສຳລັບເງິນ, ຄຳ: ສິ່ງຂອງຕ່າງໆເຮົາຕ້ອງເຮັດຄວາມສະອາດມັນຢູ່ສະເໝີ ແນ່ນອນວ່າເຄື່ອງປະດັບທີ່ເຮັດດ້ວຍເງິນ, ຄຳກໍເຊັ່ນດຽວກັນ ເຮົາຕ້ອງບົວລະບັດ ຮັກສາມັນໃຫ້ສະອາດ ແລະເງົາງາມ, ການທີ່ຈະເຮັດຄວາມສະອາດມັນແມ່ນຕ້ອງໄດ້ໃຊ້ເກືອ ປະສົມກັບນໍ້າແອັບເປິ່ນ ເມື່ອໄດ້ສ່ວນປະສົມແລ້ວກໍນຳມາຂັດໄດ້ຕາມໃຈມັກ
- ເກືອສາມາດນໍາໃຊ້ເຮັດຄວາມສະອາດແວ່ນໄດ້: ການທີ່ຈະເຮັດຄວາມສະອາດແວ່ນລົດນັ້ນງ່າຍໆພຽງແຕ່ ໃຊ້ເກືອສອງບ່ວງແກງ ແລະນໍ້າອຸ່ນ 1 ຖ້ວຍນ້ອຍ ມາປະສົມກັນ ແລ້ວເຮົາກໍສາມາດເຮັດຄວາມສະອາດແວ່ນເພື່ອກຳຈັດສິ່ງເປິເປື້ອນໄດ້
- ເກືອຊ່ວຍລ້າງອ່າງໃຊ້ໃນເຮືອນໄດ້: ວິທີງ່າຍໆພຽງແຕ່ເອົາເກືອ ແລະນໍ້າຮ້ອນມາປະສົມກັນ ໂດຍເຮົາສາມາດເອົາມາລ້າງເລີຍໄດ້ ແລະສາມາດລ້າງອ່າງອາບນໍ້າໄດ້ອີກ ມັນຈະຊ່ວຍຫຼຸດການອຸດຕັນ ແລະກິ່ນທີ່ບໍ່ປະສົງ.
- ເຮັດໃຫ້ຜິວອ່ອນ: ຫາກເຈົ້າຕ້ອງການຟື້ນຟູສະພາບຜິວ, ເຈົ້າສາມາດນໍາເກືອມາໃຊ້ຂັດຜິວໄດ້, ໂດຍປະສົມເກືອກກັບລາເວນເດີ ຫຼືນໍ້າມັນໝາກກອກ, ຫຼັງຈາກນຳສູດນີ້ມາຂັດຜິວກາຍແລ້ວ ຄວນປະໄວ້ 2-3 ນາທີຄ່ອຍລ້າງດ້ວຍນໍ້າອຸ່ນອອກ ຈະເຮັດໃຫ້ຜິວເປັ່ງປັ່ງ ແລະຄືນຄວາມເປັນເດັກນ້ອຍອີກຄັ້ງ.
- ຊ່ວຍຮັກສາແຂ້ວ: ໃຜທີ່ມີບັນຫາເຈັບແຂ້ວ ເກືອປະສົມກັບນໍ້າອຸ່ນ ແລະປະໄວ້ໃຫ້ເກືອເປື່ອຍ ແລ້ວເອົາມາກິນ ຈະຊ່ວຍໃຫ້ດີໄດ້
- ເກືອຊ່ວຍໃຫ້ແຂ້ວຂາວ: ເພື່ອເຮັດໃຫ້ແຂ້ວຂາວເປັນຕາເບິ່ງ ພຽງແຕ່ໃຊ້ເກືອກັບໂຊດາມາປະສົມກັນໃນປະລິມານເທົ່າກັນ, ສູດນີ້ສາມາດນໍາມາໃຊ້ໄດ້ບໍ່ວ່າເວລາໃດກໍຕາມ ແລະແຂ້ວຂອງເຈົ້າຈະກັບມາຂາວໃສເປັນທຳມະຊາດ
- ເຮັດໃຫ້ຜ້າລຽບງາມ: ເພື່ອປົກປ້ອງບໍ່ໃຫ້ເສື້ອຜ້າຫຍໍ້ ພຽງແຕ່ໃຊ້ເກືອລົງໃນນໍ້າທີ່ເຈົ້າຊັກເຄື່ອງ ແລະຫາກຕາກໃສ່ແດດທີ່ກ້າຈະເຮັດໃຫ້ເຫັນຜົນດີແນ່ນອນ
ທີ່ມາ: thaiza