ອີງຕາມການເປີດເຜີຍ ຂໍຕົກລົງ ວ່າດ້ວຍການໃສ່ລະບຽບວິໄນ ຫົວໜ້າຄູຝຶກ ຂອງທີມລ້ານຊ້າງຢູໄນເຕັດ ຈາກແຟນເພສທາງການຂອງ ສະໂມສອນລ້ານຊ້າງ, ໃນຕອນເຊົ້າຂອງມື້ນີ້. ອີງຕາມເນື່ອໃນຂອງຂໍ້ຕົກລົງ ສະບັບເລກທີ 022/ສຕລ ລົງວັນທີ 17/08/2016 ທີ່ວ່າ “ໃນການແຂ່ງຂັນບານເຕະ ລາວພຣີເມຍລີກ 2016 ນັດທີ 119, ລະຫວ່າງ ສະໂມສອນ ສະຫວັນຢູໄນເຕັດ ພົບກັບ ສະໂມສອນ ລ້ານຊ້າງ ຢູ່ໄນເຕັດ ໃນວັນທີ 14/08/2016 ເວລາ 16:00 ໂມງ, ທີ່ສະໜາມ ກິລາແຂວງ ສະຫວັນນະເຂດ.
– ອີງຕາມ: ກົດລະບຽບ ຂອງການແຂ່ງຂັນບານເຕະ ລາວພຣີເມຍລີກ 2016
ອີງຕາມ: ການສະເໜີ ຂອງຜູ້ຄວບຄຸມການແຂ່ງຂັນ ແລະ ກຳມະການຕັດສິນ
ອີງຕາມ: ສະພາບການຕົວຈິງ ໃນນັດແຂ່ງຂັນ
ຄະນະກຳມະການ ຝ່າຍລະບຽບວິໄນ ການແຂ່ງຂັນ ບານເຕະລາວພຣີເມຍລີກ 2016 ໄດ້ ຕົກລົງເຫັນດີໃຫ້ ປະຕິບັດ ລະບຽບວິໄນ Mr. Leonado Vatorino ຫົວໜ້າຄູຝຶກ ຂອງສະໂມສອນ ລ້ານຊ້າງຢູໄນເຕັດ ບໍ່ໃຫ້ ລົງເຮັດໜ້າທີ່ ຄຸມທີມຈຳນວນ 2 ນັດ ຖັດໄປ(ສາເຫດ ມາຈາກການທີ່ ສະແດງທ່າທີ່ບໍ່ເໝາະສົມ, ແກວ່ງກະຕຸກນ້ຳ ເຂົ້າໃນສະໜາມແຂ່ງຂັນ ໃນຄະນະທີ່ ການແຂ່ງຂັນດຳເນີນຢູ່)”
ຂອບໃຈຂໍ້ມູນແລະພາບຈາກ: ແຟນເພສ ສະໂມສອນ ລ້ານຊ້າງຢູໄນເຕັດ