ສຳນັກຂ່າວຕ່າງປະເທດ ລາຍງານໃນວັນທີ 16 ສິງຫາຜ່ານມານີ້ວ່າ ທ່ານ ໂຣດຣິໂກ ດູເຕີເຕ ປະທານາທິບໍດີຟິລິບປິນ ໄດ້ປະກາດເພີ່ມງົບປະມານແຫ່ງລັດ ໃນປີ 2017 ຂຶ້ນຈາກປີນີ້ 11.6% ໂດຍເປົ້າໝາຍທີ່ສຳຄັນຂອງລັດຖະບານ ແມ່ນເພື່ອປາບປາມອາຊະຍາກຳ ໃຫ້ມີປະສິດທິພາບ ຫລາຍຍິ່ງຂຶ້ນ.
ການປະກາດດັ່ງກ່າວນີ້ ມີຂຶ້ນໃນວັນທີ 15 ສິງຫາ 2016 ທີ່ຜ່ານມາ ໂດຍງົບປະມານດັ່ງກ່າວ ແມ່ນຈະເພີ່ມໃຫ້ຂະແໜງຕຳຫລວດ 24.6% ເພື່ອຈ້າງເຈົ້າໜ້າທີ່ເພີ່ມ, ປັບຂຶ້ນເງິນເດືອນ ແລະ ຊື້ອາວຸດປືນເພີ່ມເຕີມ. ນອກຈາກນັ້ນ, ຍັງຈະເພີ່ມໃຫ້ຝ່າຍຕຸລາການອີກ 21.5% ເພື່ອກຽມຮັບມືກັບຄະດີ ທີ່ຈະເພີ່ມຫລາຍຂຶ້ນ ແລະ ທາງດ້ານການທະຫານ ທ່ານ ດູເຕີເຕ ຈະເພີ່ມງົບປະມານ ໃຫ້ແກ່ກອງທັບຟິລິບປິນອີກ 15% ໃນປີໜ້ານີ້.
ຕິດຕາມເຮົາທາງFacebook ກົດຖືກໃຈເລີຍ!