ສຳນັກຂ່າວຕ່າງປະເທດ ລາຍງານໃນວັນທີ 15 ສີງຫາຜ່ານມານີ້ວ່າ ສະມາຄົມອາຫານຫວຽດນາມ ໄດ້ປັບຫລຸດເປົ້າໝາຍ ການສົ່ງອອກເຂົ້າຂອງປະເທດ ເປັນຄັ້ງທີ 2 ຂອງປີ ຈາກທີ່ກຳນົດໄວ້ 5.7 ລ້ານໂຕນ ເມື່ອເດືອນມິຖຸນາຜ່ານມາ ຫລຸດລົງເຫລືອພຽງ 4.75 ລ້ານໂຕນ ຊຶ່ງນັບເປັນຕົວເລກການສົ່ງອອກເຂົ້າ ທີ່ຕ່ຳທີ່ສຸດຂອງຫວຽດນາມ ນັບຕັ້ງແຕ່ປີ 2008 ເປັນຕົ້ນມາ.

ທັງນີ້ ສະມາຄົມອາຫານຫວຽດນາມ ໃຫ້ຮູ້ວ່າ ການປັບຫລຸດຕົວເລກດັ່ງກ່າວນີ້ລົງ ແມ່ນເນື່ອງຈາກ ຂາດແຄນຄຳສັ່ງຊື້ ຈາກຕະຫລາດທີ່ສຳຄັນໃນອາຊີ ແລະ ອາຟຣິກາ, ພ້ອມດຽວກັນນັ້ນ ການປ່ອຍຂາຍເຂົ້າເພີ່ມຂຶ້ນຂອງໄທ ກໍເປັນອີກປັດໄຈໜຶ່ງ ສົ່ງຜົນເຮັດໃຫ້ ຍອດການສົ່ງອອກເຂົ້າຫວຽດນາມ ຫລຸດລົງ.

ໍ

ຕິດຕາມເຮາທາງFacebook ກົດຖືກໃຈເລີຍ!