ສຳນັກຂ່າວຕ່າງປະເທດລາຍງານຈາກນະຄອນ ຄຣີໂອເດຈາເນໂຣ ປະເທດ ບຣາຊິນ ເມື່ອວັນທີ 15 ສິງຫາ. ວ່າຄະນະກຳມະການໂອລິມປິກສາກົນ (ໄອໂອຊີ) ອອກຖະແຫຼງການເມື່ອວັນຈັນ ວ່າ ຄະນະກຳມະການໂອລິມປິກ ຈະສົ່ງຕົວ ອິສລາມ ເອລ ຊີຮາບີ ນັກກີລາຢູໂດລຸ່ນ ເຮຟວີເວດກັບ ປະເທດແລ້ວຈາກກໍລະນີທີ່ ຊີຮາບີ ໄວອາຍຸ 32 ປີ ອະດີດແຊັມໂລກ ເມື່ອປີ 2010 ປະຕິເສດຈັບມືກັບ ອໍຣ ແຊສຊັນ ນັກກີລາຈາກອິສຣາເອລ ຫຼັງສຳເລັດການແຂ່ງຂັນໃນຮອບທຳອິດເມື່ອວັນສຸກທີ່ຜ່ານມາ ເຊິ່ງ ຊີຮາບີ ເປັນຝ່າຍເສຍ

ທັງນີ້ ໄອໂອຊີຢືນຢັນວ່າ ກົດຂອງງສະຫະພັນຢູໂດນານາຊາດ (ໄອເຈເອຟ) ທີ່ບໍ່ໄດ້ລະບຸວ່ານັກກີລາຕ້ອງຈັບມືກັນຫຼັງເສັດສິ້ນການແຂ່ງຂັນ ແຕ່ການກະທຳຂອງ ເອລ ຊີຮາບີ ຖືເປັນການທຳລາຍ ຈິດວິນຍານ ຂອງໂອລິມປິກທີ່ສົ່ງເສີມການສະແດງນ້ຳໃຈນັກກີລາ ແລະ ມິດຕະພາບລະຫວ່າງຜູ້ແຂ່ງຂັນ ພ້ອມທັງສະແດງຄວາມຫວັງຈະບໍ່ເຫດການແບບນີ້ເກີດຂຶ້ນອີກໃນອານາຄົດ ນອກຈາກນີ້ ຄະນະກຳມະການໂອລິມປິກອີຢິບ ອອກຖະແຫຼງການອີກສະບັບໜຶ່ງ ລະບຸການໃຫ້ຄວາມເຄົາລົບນັກກີລາທຸກເພດ ທຸກໄວ ແລະ ຈາກທຸກປະເທດດ້ວຍຄວາມເທົ່າທຽມກັນ

https://youtu.be/5xrYxMiZHIY