ຜັກສົດທີ່ເຮົາຊື້ມາຕາມຕະຫຼາດ ເກັບໄວ້ບໍ່ດົນມັນກໍຈະເລີ່ມແຫ່ວແຫ້ງ, ບາງຄັ້ງຊື້ມາກິນບໍ່ໝົດ ຈະຖິ້ມກໍເສຍດາຍ ແຕ່ວ່າເກັບໄວ້ບໍ່ດົນກໍແຫ່ວ, ເນົ່າຈົົນຕ້ອງໄດ້ຖິ້ມ, ເຖິງແມ່ນວ່າເຮົາຈະແຊ່ໄວ້ໃນຕູ້ເຢັນ ຜັກກໍຈະແຫ່ວ ,ມື້ນີ້ເຮົາມີເຄັບລັບດີໆຈະມານຳສະເໜີ ວີທີເກັບຜັກ ໃຫ້ສົດໃໝ່ ເປັນຕາກິນຕະຫຼອດ ຈະເຮັດແນວໃດນັ້ນໄປເບິ່ງນຳກັນເລີຍ:

ວິທີງ່າຍໆ ພຽງແຕ່ເຮົາມີກວດພາສຕິກ ແລ້ວນຳມາໃສ່ຜັກ, ຜັກຫອມ, ຜັກຊີ, ໝາກໄມ້ ຫຼືຈຳພວກຫົວສີໄຄຕ່າງໆ ຈະສາມາດເກັບໄວ້ກິນໄດ້ດົນນານເປັນຫຼາຍອາທິດ, ຖ້າເປັນຈຳພວກຜັກຫອມ, ຜັກຊີ ເຮົາຈະບໍ່ຕັດຮາກ ເພື່ອຮາກຈະໄດ້ດູດຊຶມນໍ້າທີ່ຄ້າງຢູ່ໃນກວດພາສຕິກນັ້ນໄດ້, ແຕ່ວ່າຖ້າເປັນຈຳ ພວກໝາກນາວ, ຫົວສີໄຄ ແມ່ນເອົາໃສ່ໃນກວດພາສຕິກເລີຍ ແຕ່ວ່າໃນກວດນັ້ນຈະຕ້ອງບໍ່ມີນໍ້າຂັງຢູ່ນໍາ ເທົ່ານີ້ເຮົາກໍຈະສາມາດເກັບຜັກ, ໝາກນາວໄວ້ກິນໄດ້ດົນແລ້ວ.