ສາເຫດຂອງການປວດມົດລູກ ເກີດຈາກຫຼາຍສາເຫດ ບໍ່ວ່າຈະເປັນການປວດປະຈຳເດືອນ, ມົດລູກຍ່ອນ ການອັກເສບຂອງຮັງໄຂ່ ຫຼື ການອັກເສບບໍລິເວນມົດລູກ ການຖືພານອກມົດລູກ ເນື້ອງອກມົດລູກ ການຖືພາຜິດປົກກະຕິຕ່າງໆ ຈົນຮວມໄປເຖິງຄວາມຜິດປົກກະຕິຂອງການທີ່ເຍື່ອບຸມົດລູກຂະຫຍາຍຜິດບ່ອນ

ການຮັກສາອາການປວດມົດລູກຂັ້ນເບື້ອງຕົ້ນ
ສິ່ງທຳອິດແມ່ນເຮົາຕ້ອງເລີ່ມຫາສາເຫດກ່ອນວ່າການປວດມົດລູກນັ້ນມັນມີສາເຫດມາຈາກຫຍັງ
– ຫາກເກີດຈາກການປວດທ້ອງໃນເວລາມີປະຈຳເດືອນ ສາມາດຊື້ຢາຄາຍກ້າມເນື້ອມາກິນໄດ້ ຄຽງຄູ່ກັບການດື່ມນ້ຳອຸ່ນ ຫຼີກລ່ຽງເຄື່ອງດື່ມເຢັນໆ ແລະ ໃຊ້ການປະຄົບນ້ຳອຸ່ນທີ່ທ້ອງຈະຊ່ວຍໃຫ້ອາການປວດດີຂຶ້ນ
– ຫາກເກີດຈາກການອັກເສບ ຕິດເຊື້ອ ຕ້ອງຮັກສາດ້ວຍການໃຊ້ປະຕິຊີວະນະ ທີ່ຕ້ອງກິນຕາມຄຳສັ່ງຂອງແພດຢ່າງເຄັ່ງຂັດ
– ຫາກເກີດຈາກເນື້ອງອກ ຫຼື ເຍື່ອບຸໂພ່ງມົດລູກຂະຫຍາຍຜິດບ່ອນ ສາມາດຮັກສາໄດ້ໂດຍການກິນຢາຄຸມ ຫຼື ການສັກຢາຄຸມບາງຊະນິດ ເພື່ອໃຫ້ຮໍໂມນຊ່ວຍກົດໃຫ້ຢຸດການຈະເລີນເຕີບໂຕ ຫຼື ແຫ່ວລົງ ເຊິ່ງຕ້ອງກິນຢາຕໍ່ເນື່ອງຕາມແພດນັດ ຫຼື ຖ້າເປັນຮຸນແຮງຫຼາຍ ກໍຕ້ອງຮັກສາດ້ວຍການຜ່າຕັດ
– ຫາກບໍ່ສາມາດຫາສາເຫດຂອງອາການປວດບໍລິເວນມົດລູກໄດ້ ແຕ່ມີອາການປວດແຮງ ອາດໃຊ້ວິທີຮັກສາດ້ວຍການເຮັດກາຍະພາບບຳບັດ ການຝຶກເຮັດທ່າທາງການຍ່າງ, ການນັ່ງ, ການໃຊ້ຢາຄາຍການເຄັ່ງຕິງຂອງກ້າມເນື້ອ ແລະ ການສັກຢາຊາສະເພາະອາການນີ້ ເພື່ອຫຼຸດຜ່ອນອາການປວດ

ການຮັກສາອາການປວດມົດລູກດ້ວຍຢາສະໝຸນໄພ

ດື່ມນ້ຳຢານາງ ເຊົ້າ, ສວາຍ, ແລງ ກ່ອນອາຫານຕອນທ້ອງຫວ່າງ ຄັ້ງລະ 1 ຈອກ ຈະຊ່ວຍຫຼຸດອາການປວດມົດລູກໄດ້

ທີ່ມາ: http://www.pikool.com/