ບອສຕັນ ເຮຣັລ ສື່ທ້ອງຖິ່ນໃນສະຫະລັດອາເມລິກາລາຍງານວ່າ ຊາຊາ ຫຼື ມີຊື່ແທ້ວ່າ ນາຕາຊາ ໂອບາມາ ໄວອາຍຸ 15 ປີ ລູກສາວຂອງ ບາລັກ ໂອບາມາ ປະທານາທິບໍດີສະຫະລັດອາເມລິກາ ໄດ້ໃຊ້ເວລາຫວ່າງ ມາຮຽນຮູ້ປະສົບການຊີວິດໃໝ່ໃນຊ່ວງພັກລະດູຮ້ອນໂດຍການເປັນພະນັກງານເສີບອາຫານທີ່ຮ້ານອາຫານທະເລ ແນຊີສ ທີ່ເກາະມາຣ໌ທາສ໌ ໃນລັດແມສຊາຊູເຊດສ໌ ທີ່ຄອບຄົວໂອບາມາມັກມາກິນເປັນປະຈຳ ແລະ ຈາກຂ່າວລະບຸວ່າ ປະທານາທິບໍດີ ບາລັກ ໂອບາມາ ຍັງໄດ້ກາຍເປັນໝູ່ກັບເຈົ້າຂອງຮ້ານອາຫານທະເລແຫ່ງນີ້ອີກດ້ວຍ
ຊາຊາ ໄດ້ເລີ່ມເຂົ້າເຮັດວຽກວັນທຳອິດຕັ້ງແຕ່ວັນທີ 2 ສິງຫາ 2016 ໂດຍມາພ້ອມກັບຕຳຫຼວດລັບ 6 ຄົນ ທີ່ມາຮັກສາຄວາມປອດໄພ ໂດຍຊາຊາ ຈະເຮັດວຽກຕອນພາກເຊົ້າ ເປັນເວລາ 4 ຊົ່ວໂມງ ແລະ ເຮັດວຽກສະເພາະວັນເສົາ ໂດຍເຮັດໜ້າທີ່ຕັ້ງແຕ່ຮັບ ອໍເດີ ເປັນບັນຊີຄິດໄລ່ເງິນ ເກັບຈານເຊັດໂຕະ ໄປຈົນເຖິງຊ່ວຍຈັດກຽມຮ້ານກ່ອນເປີດໃຫ້ບໍລິການ ຫາກບໍ່ສັງເກດດີໆແລ້ວ ຊາຊາກໍ່ເໝືອນກັບພະນັກງານທົ່ວໄປທີ່ນຸ່ງຊຸດພະນັກງານເປັນເສື້ອຢືດຄໍມົນສີນ້ຳເງິນ ໂສ້ງຢືນຂາຍາວ ໃສ່ໝວກ ສ່ວນຕຳຫຼວດລັບຈະຄອຍສັງເກດການຮັກສາຄວາມປອດໄພຢູ່ທີ່ລົດເອສຢູວີທີ່ຈອດຢູ່ໃກ້ໆ ບໍລິເວນຮ້ານ ຫຼື ນັ່ງຢູ່ຕັ່ງໃກ້ບໍລິເວນຮ້ານ ເມື່ອຊາຊາເຮັດວຽກແລ້ວກໍ່ຈະຂຶ້ນລົດກັນເມືອເຮືອນ
ຂ່າວຈາກ: http://www.matichon.co.th/news/238950