ສຳນັກຂ່າວໄທຣັດລາຍງານວ່າ ເກີດເຫດເຮືອບິນເຮລິຄອບເຕີກອງທັບຫວຽດນາມ ລຸ້ນ ເອັມໄອ-171
ພ້ອມດ້ວຍນັກບິນ ແລະ ທະຫານລວມ 21 ຄົນ ຕົກກະແທກພື້ນດິນ ແລະ ລະເບີດໄຟລຸກຖ້ວມໃນເຂດ
ໝູ່ບ້ານທາງຝັ່ງຕາເວັນຕົກຂອງນະຄອນຫຼວງຮ່າໂນ້ຍ ໃນຕອນເຊົ້າຂອງວັນທີ ໍ7 ກໍລະກົດນີ້ ຫຼັງຈາກ
ນັກບິນນຳເຮືອບິນຂຶ້ນ ເພື່ອກຽມພ້ອມເຝິກຊ້ອມໂດດຈ້ອງ ໄດ້ປະມານ 15 ນາທີ, ຊາວບ້ານທີ່ຢູ່ໃນບ່ອນ
ໃກ້ຄຽງ ໄດ້ຮີບເຂົ້າຊ່ວຍເຫຼືອຜູ້ໄດ້ຮັບບາດເຈັບ ກ່ອນທີ່ລົດດັບເພີງ ແລະ ລົດໂຮງໝໍຈະມາເຖິງ ໂດຍຜູ້
ເຫັນເຫດການລະບຸວ່າ ເຮລິຄອບເຕີ ບິນຕ່ຳກ່ວາລະດັບປົກກະຕິ ກ່ອນທີ່ເຄື່ອງຈະຕົກກະແທກພື້ນ
ແລະ ເບິ່ງຄ້າຍຄືວ່າ ນັກບິນໄດ້ພະຍາຍາມທີ່ຈະປ່ຽນທິດທາງ ບໍ່ໃຫ້ເຮືອບິນໄປທາງຕະຫຼາດ ແລະ ເຂດຊຸມ
ຊົນບ້ານເຮືອນຂອງປະຊາຊົນເພື່ອຫຼີກລ່ຽງຄວາມເສຍຫາຍອີກດ້ວຍ.
ດ້ານໂຄສົກກອງທັບຫວຽດນາມ ລະບຸມີຜູ້ເສຍຊີວິດທັງໝົດ 16 ສົບ ແລະ ມີຜູ້ບາດເຈັບອີກ 5 ຄົນ
ຖືກສົ່ງໄປຮັກສາບາດແຜໄຟໄໝ້ລະດັບຮຸນແຮງ ທີ່ໂຮງໝໍທະຫານໃນນະຄອນຫຼວງຮ່າໂນ້ຍ ໂດຍທາງ
ກອງທັບຈະເລັ່ງຕັ້ງຄະນະກຳມະການສອບສວນຂໍ້ເທັດຈິງ ຂອງເຫດການເສົ້າສະຫຼົດໃຈທີ່ເກີດຂຶ້ນ.