spot_img
Homeສຸຂະພາບ ແລະ ສີ່ງແວດລ້ອມໂຣກອັກເສບທີ່ປາຍອະໄວຍະວະເພດຊາຍ ທີ່ຄວນຮູ້ ໂດຍສະເພາະຜູ້ຊາຍ

ໂຣກອັກເສບທີ່ປາຍອະໄວຍະວະເພດຊາຍ ທີ່ຄວນຮູ້ ໂດຍສະເພາະຜູ້ຊາຍ

Published on

ໂຣກນີ້ຄືພາວະທີ່ມີການອັກເສບຂອງສ່ວນປາຍຂອງອະໄວຍະວະເພດຊາຍ (ສ່ວນຫົວ) ໂຣກນີ້ສາມາດເກີດຂຶ້ນໄດ້ໃນທຸກໆຊ່ວງຂອງອາຍຸຜູ້ຊາຍ ໂຣກນີ້ສາມາດເກີດຂຶ້ນໄດ້ຈາກຫຼາຍສາເຫດເຊັ່ນ: ເກີດຈາກການຕິດເຊື້ອຣາແຄນຕິດ້າ, ເກີດຈາກການຕິດເຊື້ອແບັດທີເຣຍ ເກີຮດຈາກການຕິດເຊື້ອໂຣກຕິດຕໍ່ທາງເພດສຳພັນ ເກີດຈາກການມີສິ່ງລະຄາຍເຄືອງບໍລິເວນສ່ວນຂອງປາຍຂອງອະໄວຍະວະເພດດັ່ງກ່າວ ຫຼື ເກີດຈາກໂຣກບາງຢ່າງເປັນສາເຫດເປັນຕົ້ນ ແຕ່ຢ່າງໃດກໍ່ຕາມໂຣກນີ້ກໍ່ສາມາດໃຫ້ຫາຍຈາດໄດ້

ການຮັກສາໂຣກນີ້

  1. ຫຼີກລ່ຽງການໃຊ້ສະບູໃນເວລາທີ່ມີການອັກເສບ ແລະ ໃຊ້ Emollient Cream ຫຼື Ointment ທຳຄວາມສະອາດແທນສະບູ
  2. ໃຊ້ນ້ຳອຸ່ນເຮັດຄວາມສະອາດເບົາໆ ແລະ ເບົາໆຄ່ອຍໆເຊັດໃຫ້ແຫ້ງດີ
  3. ການຮັກສາໂຣກຈຳພວກນີ້ແມ່ນຂຶ້ນຢູ່ກັບສາເຫດຂອງໂຣກເຊັ່ນ: ຖ້າເກີດຈາກການຕິດເຊື້ອຣາແຄນດີຕ້າ ການຮັກສາກໍ່ຄືການໃຊ້ຢາຂ້າເຊື້ອຣາ, ຖ້າສາເຫດເກີດຈາກການຕິດເຊື້ອແບັດທີເຣຍ ການຮັກສາສະເພາະກໍ່ຄືການໃຊ້ຢາປະຕິຊີວະນະທີ່ຂ້າເຊື້ອແບັດທີເຣຍຊະນິດນັ້ນໆ, ຖ້າສາເຫດເກີດຈາກການຕິດເຊື້ອທາງເພດສຳພັນ ການຮັກສາກໍ່ຄືການໃຊ້ຢາສະເພາະຕໍ່ໂຣກຕິດເຊື້ອທາງເພດສຳພັນນັ້ນ
  4. ການໃຊ້ສະເຕີຣອຍຄຣີມອ່ອນໆ ທາບໍລິເວນທີ່ອັກເສບ ໃນກໍລະນີທີ່ການອັກເສບນັ້ນເກີດຈາກກົນໄກຂອງການແພ້ ຫຼື ພູມແພ້ ແຕ່ໃນບາງຄັ້ງເຮົາໃຊ້ຄຣີມທີ່ມີສະເຕີຣອຍອ່ອນໆ ປະສົມກັບຢາປະຕິຊີວະນະທາໃນບໍລິເວນທີ່ອັກເສບ ເພື່ອຊ່ວຍຫຼຸດການອັກເສບໃນໄລຍະທຳອິດ ຂອງການຮັກສາໄດ້ອີກດ້ວຍ
  5. ຖ້າທ່ານມີອາການອັກເສບທີ່ປາຍອະໄວຍະວະເພດຊ້ຳເລື່ອຍໆ ແລະ ທ່ານມີພາວະໜັງຫຸ້ມປາຍອະໄວຍະວະເພດບໍ່ເປີດ (Phimosis) ແນະນຳໃຫ້ເຮັດກາານຜ່າຕັດ ຫຼື ໜີບໜັງຫຸ້ມປາຍອະໄວຍະວະເພດອອກ

ການປ້ອງກັນໂຣກນີ້

  1. ລ້າງເຮັດຄວາມສະອາດອະໄວຍະວະເພດໃຫ້ສະອາດ ແລະ ເຊັດໃຫ້ແຫ້ງກ່ອນນຸ່ງສະລິບ
  2. ຖ້າການອັກເສບນັ້ນສຳພັນກັບການໃຊ້ຖົງຢາງອານາໄມ ແມ່ນຄວນຫຼີກລ່ຽງການໃຊ້ຖົງຢາງອານາໄມ ຫຼື ຖ້າຈຳເປັນຕ້ອງໃຊ້ກໍ່ໃຊ້ຊະນິດທີ່ເຮັດມາສຳລັບຜູ້ທີ່ມີຜິວແຫ້ງແພ້ງ່າຍ
  3. ລ້າງມືໃຫ້ສະອາດທຸກຄັ້ງກ່ອນຈັບອະໄວຍະວະເພດເມື່ອເວລາປັດສະວະ ຖ້າທ່ານເຮັດວຽກກ່ຽວກັບສານເຄມີທີ່ອາດລະຄາຍເຄືອງຕໍ່ອະໄວຍະວະເພດໄດ້
  4. ໃຊ້ຖົງຢາງອານາໄມທຸກຄັ້ງໃນເວລາມີເພດສຳພັນກັບຄູ່ນອນຄົນໃໝ່ທີ່ບໍ່ໝັ້ນໃຈວ່າຈະປອດໄພຈາກການຕິດເຊື້ອໂຣກຕິດຕໍ່ທາງເພດສຳພັນ

 

ຂໍ້ມູນຈາກ: http://medicarezine.com/2012/03/balanitis/

ບົດຄວາມຫຼ້າສຸດ

7 ວັນອັນຕະລາຍ ໃນໄລຍະບຸນປີໃໝ່ເກີດອຸບັດຕິເຫດທົ່ວປະເທດ 313 ຄັ້ງ ເສຍຊີວິດທັງໝົດ 26 ຄົນ

ເສຍຊີວິດ 26 ຄົນ ຈາກອຸບັດຕິເຫດທີ່ເກີດຂຶ້ນທົ່ວປະເທດ 313 ຄັ້ງ ໃນໄລຍະບຸນປີໃໝ່ລາວ 2025. ພັອ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ຖະແຫຼງຕໍ່ສື່ມວນຊົນ...

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ໃຫ້ອອກນອກປະເທດເບລິສ ສຸດທ້າຍຖືກຍິງເສຍຊີວິດ

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ. ສຳນັກຂ່າວຕ່າງປະເທດລາຍງານເຫດລະທຶກຂວັນ! ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ ເມື່ອວັນພະຫັດ ທີ...

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...