ຂປລ. ຕາມ​ຂໍ້​ມູນ​ຈາກ ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ ແຂວງໄຊຍະບູລີ ​ໃຫ້​ຮູ້​ວ່າ: ຜ່ານຂະບວນການ ລົງກໍ່ສ້າງຮາກຖານການເມືອງ ພັດທະນາຊົນນະບົດ ແລະ ແກ້ໄຂຄວາມທຸກຍາກ ຕາມ 4 ເນື້ອໃນ 4 ຄາດໝາຍ ​ໃນ​ໄລຍະ​ຜ່ານ​ມາ ໄດ້ເຮັດໃຫ້ຄວາມທຸກຍາກຂອງ ປະຊາຊົນ​ບັນດາ​ເຜົ່າ​ ພາຍ​ໃນ​ແຂວງ ໄດ້ຮັບການແກ້ໄຂ ດ້ວຍຈັງຫວະທີ່ໄວ ທຽບໃສ່ປີ 2008 ຄອບຄົວທຸກຍາກ ຫລຸດລົງ 5.025 ຄອບຄົວ, ປະຈຸບັນທົ່ວແຂວງ ຍັງເຫລືອຄອບຄົວທຸກຍາກ 1.687 ຄອບຄົວ ເທົ່າກັບ 2,28% ຂອງຄອບຄົວທັງໝົດ, ບ້ານທຸກຍາກຫລຸດລົງ 72 ບ້ານ, ທົ່ວແຂວງຍັງເຫລືອບ້ານທຸກຍາກ 14 ບ້ານ.

ປັດຈຸບັນແຂວງໄຊຍະບູລີ ມີທັງໝົດ 430 ບ້ານ, ມີ 74.012 ຄອບຄົວ, ມີຄອບຄົວພັດທະນາ 60.739 ຄອບຄົວ, ມີບ້ານພັດທະນາ 252 ບ້ານ, ການສ້າງບ້ານໃຫຍ່ໃນຊົນນະບົດ ໃຫ້ເປັນຕົວເມືອງນ້ອຍ ໄດ້ປະກາດແລ້ວ 5 ຈຸດ, ພ້ອມນີ້ ຍັງປະກາດເມືອງໄຊຍະບູລີ ອອກຈາກບັນຊີ 47 ເມືອງທຸກຍາກທົ່ວປະເທດ ໄດ້ຢ່າງເປັນທາງການ, ໄດ້ປະກາດເປັນບ້ານປ້ອງກັນຄວາມສະຫງົບດີ 398 ບ້ານ, ບ້ານປ້ອງກັນຊາດດີ 358 ບ້ານ, ບ້ານປອດຄະດີ 401 ບ້ານ ແລະ ເປັນບ້ານປອດຢາເສບຕິດ 262 ບ້ານ.

ແຫລ່ງຂ່າວ:

ຕິດຕາມຂ່າວເສດຖະກິດລາວ ກົດໄລຄ໌ເລີຍ!