ຖ້າຫາກໃຜທີ່ເຄີຍຫຼິ້ນເກມຂອງຄ້າຍ Kairosoft ກໍຄົງຈະຮູ້ຈັກກັນດີກັບສາຍາ “ເກມດູດວິນຍານ” ເພາະເກມຈາກຄ້າຍນີ້ຖືວ່າເປັນເກມທີ່ມີລະບົບເກມດີ ແລະກຣາບຟິກແບບ 16-bit ທີ່ມີສະເໜ່ດຶງດູດໄດ້ດີ ອີກທັງໂຕເກມຈະເປັນແນວບີບບັງຄັບໃຫ້ເຮົາຫຼິ້ນໄປເລື້ອຍໆ ຢາກວາງກະວາງບໍ່ລົງ ເວົ້າໄດ້ວ່າວາງລົງຍາກເລີຍ (ຖ້າແບັດບໍ່ໝົດກ່ອນ). 

ໂດຍຫຼ້າສຸດນີ້ Kairosoft ຜູ້ພັດທະນາເກມຊື່ດັງຂອງຍີ່ປຸ່ນ ໄດ້ວາງຈຳໜ່າຍເກມໃໝ່ອອກມາແລ້ວເທິງລະບົບ Android ເຊິ່ງມີຊື່ວ່າ: The Manga Works. ໂດຍເກມດັ່ງກ່າວນີ້ຈະເປັນແນວສ້າງມັງງະຕາມຊື່ເກມເລີຍ ເຊິ່ງໂຕເກມມີຂະໜາດປະມານ 26 MB ແລະວາງຈຳໜ່າຍໃນລາຄາພຽງ $4,99 ໂດລາເທົ່ານັ້ນ ໃຜທີ່ສົນໃຈສາມາດກົດຊື້ໄດ້ທີ່ດ້ານລຸ່ມນີ້:

https://play.google.com/store/apps/details?id=net.kairosoft.android.manga_ippon_en

ຣີວິວເລັກນ້ອຍກ່ຽວກັບເກມ:

ສຳລັບສິ່ງໃໝ່ໆທີ່ຕ່າງຈາກເກມກ່ອນໆຂອງ Kairosoft ກໍຄື: ໜ້າສ້າງໂຕລະຄອນ ທີ່ແຕ່ກ່ອນຈະເປັນໂຕກາຕູນນ້ອຍໆຢືນຢູ່ ແຕ່ໃນເກມນີ້ຈະເປັນຮູບຮ່າງມາເລີຍ (ຂະຫຍາຍຂຶ້ນຈາກເກົ່າ 55+) ໂດຍເຮົາສາມາດໃສ່ຊື່, ເດືອນເກີດ, ວັນເກີດ ແລະປ່ຽນເສື້ອຜ້າໄດ້.

ຫຼັງຈາກສ້າງໂຕລະຄອນແລ້ວກໍຈະເປັນການເລືອກເສັ້ນທາງການຂຽນມັງງະ ເລີ່ມຕົ້ນມີພຽງ 2 ຢ່າງ

ເມື່ອເຂົ້າສູ່ໜ້າຈໍເກມກໍຈະພົບກັບ UI ແບບໃໝ່ທີ່ທາງ Kairosoft ເລີ່ມໃຊ້ກັບເກມໃໝ່ທີ່ອອກມາຊ່ວງຫຼັງໆມານີ້ ໂດຍເປັນເມນູທົ່ວໄປໄວ້ເລືອກຂຽນມັງງະ, ເຝິກຝົນ, ບັນທຶກ ແລະອື່ນໆ. 

ໂດຍສິ່ງທີ່ຜູ້ຂຽນມັກກໍຄື ເມນູການຕັ້ງຄ່າຈະມີໂໝດ Fast ຫຼືເລັ່ງຄວາມໄວເກມໃຫ້ມາຕັ້ງແຕ່ຕົ້ນເລີຍ, ນອກນັ້ນກະເປັນການຕັ້ງຄ່າລະດັບກຣາບຟິກ, SFX ແລະສຽງເກມເປັນຕົ້ນ. 

ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!