ສຳນັກຂ່າວຕ່າງປະເທດ ລາຍງານໃນວັນທີ 4 ສິງຫານີ້ວ່າ ທ່ານ ດານຽນ ອໍເຕກາ ປະທານາທິບໍດີ ແຫ່ງ ນິກາຣາກົວ ໄດ້ປະກາດເລືອກ ນາງ ໂຣຊາຣໂອ ມູຣິໂຢ ພັນລະຍາຂອງຕົນ ລົງສະໝັກຊິງຕຳແໜ່ງ ຮອງປະທານາທິບໍດີ ໂດຍລະບຸວ່າ ນາງເປັນຕົວເລືອກທີ່ເໝາະສົມ ແລະ ເນັ້ນຢ້ຳນະໂຍບາຍ ສົ່ງເສີມຄວາມເທົ່າທຽມກັນທາງເພດ.
ກ່ອນໜ້ານີ້ ທ່ານ ດານຽນ ຍັງເຄີຍໄດ້ແຕ່ງຕັ້ງພັນລະຍາຂອງທ່ານເອງ ເຂົ້າຮັບຕຳແໜ່ງໂຄສົກລັດຖະບານມາແລ້ວ ແລະ ທ່ານຫວັງຢ່າງຍິ່ງວ່າ ປະຊາຊົນຊາວນິກາຣາກົວ ຈະໃຫ້ການຕອບຮັບທີ່ດີ ເມື່ອທ່ານໄດ້ຈັບຄູ່ກັບພັນລະຍາ ລົງຊີງຕຳແໜ່ງການນຳຂອງປະເທດອີກສະໄໝ ໃນບັ້ນເລືອກຕັ້ງປະທານາທິບໍດີ ວັນທີ 6 ພະຈິກຈະມາເຖິງນີ້.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!