ສຳນັກຂ່າວຕ່າງປະເທດ ລາຍງານໃນວັນທີ 1 ສິງຫາຜ່ານມານີ້ວ່າ ກຸ່ມຕໍ່ຕ້ານລັດຖະບານຊີຣີ ໄດ້ຍິງເຮລິຄອບເຕີ້ Mi-8 ຂອງກອງທັບຣັດເຊຍຕົກ ຢູ່ບໍລິເວນແຂວງອິດລິບ ທາງພາກເໜືອປະເທດຊີຣີ ສົ່ງຜົນເຮັດໃຫ້ທະຫານຣັດເຊຍ ເສຍຊີວິດຍົກລຳ 5 ຄົນ ຊຶ່ງນັບເປັນການສູນເສຍສູງສຸດ ຂອງກອງທັບຣັດເຊຍ ນັບຕັ້ງແຕ່ການເຂົ້າຮ່ວມ ເພື່ອແກ້ໄຂສະຖານະການຢູ່ປະເທດນີ້.

ທັງນີ້ ຣັດເຊຍໄດ້ເຂົ້າຮ່ວມສົງຄາມ ປາບປາມກຸ່ມລັດອິດສະລາມ ຫລື ກຸ່ມໄອເອັສ ຢູ່ປະເທດຊີຣີ ຕາມຄຳຮ້ອງຂໍຂອງ ປະທານາທິບໍດີ ບາຊາ ອັນ-ອັດຊາດ ແຫ່ງຊີຣີ ເຮັດໃຫ້ຮອດປັດຈຸບັນ ມີຍອດທະຫານຣັດເຊຍ ເສຍຊີວິດຈາກສົງຄາມດັ່ງກ່າວນີ້ ລວມແລ້ວ 18 ຄົນ.

ຕິດຕາມນານາສາລະ ກົດໄລຄ໌ເລີຍ!