ສາມາດຕິດຕາມສະເພາະຂ່າວໄອທີ ແລະ ເກມໄດ້ທີ່ >>ລິ້ງນີ້<<

ວັນທີ 1 ສິງຫາ ປີ 1997 ຫຼືມື້ນີ້ເມື່ອ 19 ປີທີ່ແລ້ວ ເປັນມື້ວາງຈຳໜ່າຍຂອງເກມ Rockman X4 (ຫຼື Mega Man X4 ສຳລັບນອກປະເທດຍີ່ປຸ່ນ) ເທິງເຄື່ອງ PS1 ແລະ Sega Saturn ທີ່ປະເທດຍີ່ປຸ່ນ. ໂດຍພາກນີ້ຈັດວ່າເປັນພາກທຳອິດທີ່ຜູ້ຫຼິ້ນສາມາດເລືອກໂຕລະຄອນ X ຫຼື Zero ເພື່ອໃຊ້ລຸຍຕະຫຼອດເກມໄດ້ຢ່າງຖາວອນ (ແຕ່ກ່ອນໃນ Rockman X3 ສາມາດໃຊ້ Zero ໄດ້ແບບຊົ່ວຄາວເທົ່ານັ້ນ) ແລະດ້ວຍຄວາມທີ່ພາກນີ້ເປັນພາກທຳອິດທີ່ລົງໃຫ້ກັບເຄື່ອງ PS1 ແລະ Sega Saturn ທີ່ໃຊ້ການຫຼິ້ນເກມເປັນແບບແຜ່ນຊີດີຣອມ ຈຶ່ງມີມູວີ້ໃຫ້ເບິ່ງຕອນເລີ່ມເລື່ອງ ແລະຕອນຈົບເກມໃຫ້ເບິ່ງກັນເຕັມອິ່ມພ້ອມເພງມ່ວນໆ ອີກນຳ.

ທາງດ້ານເນື້ອເລື່ອງຂອງ Rockman X4 ຈະເປັນເຫດການໃນສະຕະວັດທີ 22 ເມື່ອມະນຸດສາມາດໃຊ້ຊີວິດຮ່ວມກັບຫຸ່ນຍົນເຣພລອຍທີ່ມີສະຕິປັນຍາເທົ່າທຽມກັນໄດ້ຢ່າງມີຄວາມສຸກເປັນເລື່ອງປົກກະຕິ ແຕ່ກໍມີກຸ່ມ ມາເວີຣິກຮັນເຕີ້ ທີ່ເອີ້ນໂຕເອງວ່າ “ເຣພລິຟອຣ໌ດ” ໄດ້ຖືກຳເນີດຂຶ້ນມາ ນຳໂດຍ General ແລະມືຂວາຊື່ Colonel. ໂດຍຄົນທີ່ຢູ່ເບື້ອງຫຼັງແຜນການນີ້ກໍຄື Sigma ວາຍຮ້າຍປະຈຳຊີຣີນີ້ ທີ່ສັ່ງໃຫ້ເຮັດການທຳລາຍລ້າງມະນຸດຖິ້ມ ຈາກນັ້ນແຜນການຖະຫຼົ່ມເມືອງລອຍຟ້າໃຫ້ຕົກລົງສູ່ເມືອງດ້ານລຸ່ມຈຶ່ງເລີ່ມຂຶ້ນເພື່ອຫວັງສັງຫານຄົນຫຼາຍລ້ານຄົນ ເຊິ່ງກໍລວມທັງມະນຸດແລະຫຸ່ນຍົນເຣພລອຍນຳ ດ້ວຍເຫດນີ້ X ກັບ Zero ສອງໂຕເອກເລີຍຕ້ອງອອກຮົບອີກຄັ້ງເພື່ອກອບກູ້ໂລກໃຫ້ພົ້ນຈາກມືຂອງຊິກມ້າໃຫ້ໄດ້. 

ດ້ານລະບົບຂອງພາກນີ້ຈະແບ່ງແຍກອອກຕາມໂຕລະຄອນທັງ 2 ຢ່າງຊັດເຈນຄື: X ນັ້ນຈະເໝາະກັບຜູ້ຫຼິ້ນທົ່ວໄປເປັນຫຼັກ ເນື່ອງຈາກອາວຸດຂອງ X ຈະເປັນບັສເຕີ້ທີ່ສ້າງຄວາມເສຍຫາຍແກ່ສັດຕູໄດ້ທຸກໄລຍະ ແລະ X ເອງຍັງສາມາດໄລ່ເກັບຊຸດເກາະທັງ 4 ສ່ວນເພື່ອເພີ່ມພະລັງຂອງໂຕເອງໄປໄດ້ອີກຂັ້ນ. ໃນຂະນະທີ່ Zero ຈະເໝາະກັບຜູ້ຫຼິ້ນທີ່ຕ້ອງການຄວາມທ້າທາຍຫຼາຍຂຶ້ນ ໂດຍດາບເລເຊີ້ຂອງ Zero ຈະມີພະລັງໂຈມຕີໂດຍພື້ນຖານທີ່ຮຸນແຮງພໍໆກັນກັບບັສເຕີ້ສາກຍິງຂອງ X ແຕ່ຈະເພີ່ມຄວາມມັນຢູ່ທີ່ Zero ສາມາດເຂົ້າໄປຄຸກວົງໃນແລະຕໍ່ຄອມໂບໄດ້ຫຼາກຫຼາຍກວ່າ ແລະເມື່ອກຳຈັດບອສແຕ່ລະໂຕໄດ້ Zero ກໍຈະໄດ້ທ່າໄມ້ຕາຍໃໝ່ໆ ຫຼືທ່າການເຄື່ອນໄຫວທີ່ອຳນວຍຄວາມສະດວກກວ່າເກົ່າເພີ່ມເຂົ້າມາ. 

Fact ເລັກນ້ອຍກ່ຽວກັບ Rockman X4

• ສຳລັບຍອດຂາຍແຜ່ນພາກນີ້ຈະບໍ່ຄ່ອຍດີປານໃດໂດຍມີພຽງ Rockman X ພາກທຳອິດພາກດຽວເທົ່ານັ້ນທີ່ສາມາດເຮັດຍອດຂາຍໄດ້ກາຍ 1 ລ້ານຊຸດ (ນັບສະເພາະຊີຣີ X) 

• ສຳລັບເວີຊັ່ນພາສາອັງກິດ (Mega Man X4) ຂອງເຄື່ອງ PS1 ໃນໜ້າຈໍເລືອກໂຕລະຄອນຕອນເລີ່ມເກມ ໃຫ້ກົດປຸ່ມວົງມົນ 2 ເທື່ອ, ປຸ່ມຊ້າຍ 6 ເທື່ອ ແລ້ວກົດປຸ່ມ L1 ແລະ R2 ປະໄວ້ຈົນເຂົ້າສູ່ດ່ານທຳອິດ ຖ້າສູດນີ້ເປີດໃຊ້ງານແລ້ວ ເຮົາຈະເຫັນລຳໂຕຂອງ X ມີສີເຂັ້ມຂຶ້ນຈົນເກືອບເປັນສີມ້ວງ ຈາກນັ້ນກໍໃຫ້ໄປເກັບເກາະສ່ວນຂາທີ່ດ່ານ Web Spidus (ບອສແມງມຸມ) ກໍຈະໄດ້ເກາະ Ultimate Armor ມາໃຊ້ ເຊິ່ງເກາະນີ້ຈະສາມາດໃຊ້ທ່າ Nova Strike ໄດ້ບໍ່ຈຳກັດຈຳນວນເທື່ອ ແລະນອກຈາກນັ້ນຈະມີຄຸນສົມບັດຄືກັບເກາະ Force Armor ທຸກຢ່າງ. 

• ຄືກັນກັບຂໍ້ກ່ອນນີ້ ຫາກເລື່ອນເຄີເຊີ້ໄປທີ່ Zero ແລ້ວ ກົດປຸ່ມ R1 ຄ້າງໄວ້ ຈາກນັ້ນກົດປຸ່ມຂວາ 5 ເທື່ອ ແລ້ວປ່ອຍປຸ່ມ R1 ພ້ອມດ້ວຍກົດປຸ່ມວົງມົນຄ້າງໄວ້ ແລະກົດປຸ່ມ Start ເມື່ອເລີ່ມດ່ານທຳອິດກໍຈະໄດ້ຫຼິ້ນ Zero ທີ່ມີສີດຳໝົດໂຕ (ແຕ່ບໍ່ມີຄຸນສົມບັດພິເສດໃດໆ ພຽງປ່ຽນເພື່ອຄວາມເທ້ເທົ່ານັ້ນ)

• ເພງປະກອບມູວີ່ຕອນເລີ່ມແລະຕອນຈົບຂອງເກມໃນເວີຊັ່ນຍີ່ປຸ່ນ ຈະຮ້ອງໂດຍທ່ານຢູຄິເອະ ນາຄາມະ ນັກຮ້ອງເພງປ໋ອບທີ່ກຳລັງມີຊື່ສຽງໃນຕອນນັ້ນ ແຕ່ໃນເວີຊັ່ນອັງກິດນັ້ນເພງຮ້ອງຈະຖືກຕັດອອກແລະໃສ່ເປັນເພງອື່ນບັນເລງແທນ. 

• ບອສມັງກອນທີ່ຊື່ວ່າ Magma Dragoon ນັ້ນໄດ້ແຮງບັນດານໃຈມາຈາກໂຕລະຄອນ Ryu, Ken ແລະ Akuma ຈາກເກມ Street Fighter ມາເຕັມໆ, ໂດຍຂອງ Ryu ກັບ Ken ຈະເປັນທ່າຮາໂດເຄນໄຟແລະໂຊຣິວເຄນໄຟ Akuma ຈະເປັນລູກປະຄຳທີ່ຄ້ອງຄໍໂຕ Magma Dragoon ນັ້ນເອງ (ຕ້ອງສັງເກດດີໆ)

• ຊ່ວງທີ່ສູ້ກັບບອສ General ນັ້ນ ທີມພັດທະນາ Rockman X4 ເຄີຍໃຫ້ສຳພາດວິທີການຂ້າບອສໂຕນີ້ວ່າໄດ້ແຮງບັນດານໃຈມາຈາກການຂ້າບອສໃຫຍ່ຂອງເກມ Super Ghouls ‘N Ghosts ຫຼືມາໄຄມູຣະ ຂອງເຄື່ອງ Super Famicom ໂດຍບອສໃຫຍ່ຂອງມາໄຄມູຣະພາກດັ່ງກ່າວກໍຂະມີຈຸດອ່ອນຢູ່ທີ່ຫົວຄືກັນ ແລະຜູ້ຫຼິ້ນກໍຕ້ອງບັງຄັບໂຕອາເທີໄຕ່ຂຶ້ນແພລັດຟອຣ໌ມເຂົ້າໄປໂຈມຕີສ່ວນຫົວຂອງມັນ ຄືກັນກັບ X ແລະ Zero ເຊິ່ງຕ້ອງອາໄສແຂນທີ່ມັນຍິງອອກມາໃນການເກາະຂຶ້ນໄປໂຈມຕີມັນ ເວົ້າໄດ້ວ່າແຮງບັນດານໃຈຈາກເກມຄ້າຍດຽວກັນມາຄົບເລີຍ. 

ທີ່ມາ:online station

ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!