ຈຸດປະສົງຂອງການສ້າງຂົວສ່ວນຫຼາຍຄືການໃຊ້ເປັນທາງສັນຈອນຂອງລົດຍົນ ແລະ ຜູ້ຄົນ ເພື່ອຂ້າມສິ່ງກີດຂວາງເຊັ່ນ: ຖະໜົນຫົນທາງ ຫຼື ແມ່ນ້ຳລຳຄອງແຕ່ທີ່ປະເທດ ເຢຍລະມັນ ມີການສ້າງຂົວທີ່ບໍ່ຄືບ່ອນໃດໃນໂລກ ເນື່ອງຈາກການສ້າງຂຶ້ນເພື່ອໃຊ້ເປັນຄອງນ້ຳໃຫ້ເຮືອສັນຈອນໄປມາຂ້າມແມ່ນ້ຳທີ່ຢູ່ດ້ານລຸ່ມ
Magdeburg Water Bridge ຄືໜຶ່ງໃນສຸດຍອດງານທາງວິສະວະກຳທີ່ໄດ້ສ້າງຂົວທີ່ບັນຈຸນ້ຳໄວ້ໃນຂວາ ເຮັດໃຫ້ເກີດສິ່ງເຫຼືອເຊື່ອທີ່ເໜືອທຳມະຊາດຄື ຄອງນ້ຳທີ່ຍົກຂົວຂຶ້ນ 6.25 ແມັດ ຂ້າມແມ່ນ້ຳດ້ານລຸ່ມ
ຂົວຂ້າມນ້ຳແຫ່ງນີ້ໄດ້ເລີ່ມສ້າງຂຶ້ນແຕ່ຕົ້ນປີ 1938 ຈົນມາເຖິງໃທ້າຍປີ 1938 ການກໍ່ສ້າງຕ້ອງໄດ້ຍຸດໄວ້ຊົ່ວຄາວເນື່ອງຈາກສົງຄາມໂລກຄັ້ງທີ 2 ເມື່ອສົງຄາມສິ້ນສຸດ ແລະ ສະພາບເຫດການບ້ານເມືອງສະຫງົບ ໂຄງການຈຶ່ງເລີ່ມກໍ່ສ້າງອີກຄັ້ງໃນປີ 1997 ກໍ່ສ້າງແລ້ວສຳເລັດໃນປີ 2003
ລັກນະຂອງຂົວຂ້າມນ້ຳ ເອີ້ນວ່າ ຂົວຄອງນ້ຳ (Canal bridge) ຄືຂົວຂ້າມນໍ້າທີ່ສ້າງເປັນຮູບໂຕຢູ ພາຍໃນຈະບັນຈຸນໍ້າກໍ່ຄືເປັນຄອງນໍ້າເພື່ອໃຊ້ໃຫ້ເຮືອສາມາດສັນຈອນໄປມາໄດ້ ຂົວຄອງນໍ້າແຫ່ງນີ້ຍົກໂຕສູງຂື້ນຂ້າມແມ່ນໍ້າ Elbe River ແລະເຊື່ອມຕໍ່ລະຫວ່າງຄອງນໍ້າ Elbe Havel ແລະຄອງ Midland ຄອງທັງສອງໄຫຼມາໄກ້ກັບບໍລິເວນເມືອງ Magdeburg ຂົວນັ້ນມີຄວາມຍາວ 918 ແມັດ (690 ແມັດຢູ່ເທິງຝັ່ງ ແລະ ອີກ 228 ແມັດຢູ່ໃນແມ່ນ້ຳ Elbe) ກ້ວາງ 43 ແມັດ ສ່ວນທີ່ເປັນພື້ນນໍ້າກ້ວາງ 32 ແມັດ ນໍ້າໃນຂົວເລິກ 4.25 ແມັດ ໃນສ່ວນຂອງທ້ອງຂົວຂ້າມນ້ຳ ຍົກໂຕສູງຈາກແມ່ນໍ້າ Elbe ຢູ່ 6.25 ແມັດ
ຂໍ້ມູນຈາກ: wowboom.blogspot.com
ຕິດຕາມPictpost ຮູບພາບລາວໂພສຕ໌ ກົດໄລຄ໌ເລີຍ!