ມໍລະສຸມຕາເວັນຕົກສ່ຽງໃຕ້ມີກຳລັງປານກາງຫາແຮງພັດປົກຄຸມຢູ່ທົ່ວທຸກພາກຂອງລາວ,ພ້ອມດຽວກັນ ພະຍຸເຂດຮ້ອນ ນິດາ (Nida) ຫົວທີ່ 4 ປະຈໍາປີ 2016 ໃນເວລາ 10 ໂມງເຊົ້າ ຂອງວັນທີ 01 ສິງຫາ, ມີສູນກາງຢູ່ເສັ້ນຂະໜານທີ່ 20,7 ອົງສາ ເໜືອ ແລະ ເສັ້ນແວງ 118,1 ອົງສາ ຕາເວັນອອກ,ພວມເຄື່ອນທີ່ໄປທາງທິດຕາເວັນຕົກ – ຕາເວັນຕົກສ່ຽງເໜືອດ້ວຍຄວາມໄວ 30 ກິໂລ ແມັດຕໍ່ຊົ່ວໂມງ.ພະຍຸຫົວນີ້ຈະເຄື່ອນທີ່ຂື້ນຝັ່ງທາງຕອນໃຕ້ຂອງປະເທດຈີນໃນຄືນຂອງວັນທີ 01 – 02 ສິງຫາ 2016. ຕະຫຼອດໄລຍະການເຄື່ອນຕົວຂອງພະຍຸຫົວນີ້,ຈະເຮັດໃຫ້ມີຝົນຕົກຟ້າຮ້ອງ-ຟ້າເຫຼື້ອມພ້ອມມີລົມພັດແຮງຢູ່ບາງທ້ອງຖິ່ນບັນດາແຂວງພາກເໜືອຫາພາກກາງ ແລະ ພາກໃຕ້ຂອງລາວໃນໄລຍະ 1 ຫາ 2 ວັນຕໍ່ໜ້າໂດຍສະເພາະແຂວງ ຜົ້ງສາລີ,ຫົວພັນ,ຊຽງຂວາງ,ອຸດົມໄຊ,ຫຼວງນໍ້າທາ,ໄຊຍະບູລີ,ແຂວງ ວຽງຈັນ,ຄຳມ່ວນ,ສະຫວັນນະເຂດ,ສາລະວັນ ແລະ ຈຳປາສັກ ,ນັບທັງ ນະຄອນຫູວງວຽງຈັນ,ດັ່ງນັ້ນຈຶ່ງແຈ້ງເຕືອນເຖິງພໍ່ແມ່ປະຊາຊົນ ແລະ ອຳນາດການປົກຄອງທຸກພາກສ່ວນ ຈົ່ງມີສະຕິຕໍ່ສະພາບຝົນຕົກໜັກ ລົມພັດແຮງ ເຊິ່ງອາດຈະມີນໍ້າປ່າໄຫຼຊຸ່ແຮງ, ນໍ້າຖ້ວມອັ່ງ, ດິນເຈື່ອນ ພ້ອມນີ້ ໃຫ້ຕິດຕາມຂ່າວອາກາດ ຈາກກົມອຸຕຸ ນິຍົມ ແລະ ອຸທົກກະສາດເປັນປະຈໍາ.