ເມື່ອວັນທີ 29 ກໍລະກົດ 2016 ທີ່ຜ່ານມາ mashable ລາຍງານຄວາມເຄື່ອນໄຫວຂອງຕຶກ ຈິນເໝົາທາວເວີຣ ໃນນະຄອນຊຽງໄຮ້ ປະເທດຈີນ ເຊິ່ງເປັນຕຶກທີ່ສູງອັນດັບ 10 ຂອງໂລກ ເຊິ່ງມີຄວາມໂດດເດັ່ນເລື່ອງສະກາຍວໍຣ ມີລັກສະນະເປັນທາງຍ່າງແວ່ນແກ້ວ ໃຫ້ຜູ້ຊົມເບິ່ງວິວຈາກທີ່ສູງລົງມາ ໂດຍມີການເປີດໃຫ້ປະຊາຊົນສາມາດຍ່າງ ຫຼື ນັ່ງ ເທິງທາງຍ່າງແວ່ນແກ້ວເຫຼົ່ານີ້ໄດ້ປະມານ 30 ນາທີ ໂດຍທາງຍ່າງແວ່ນແກ້ວນີ້ມີຄວາມຍາວ 60 ແມັດ
ຈຸດທີ່ນັກທ່ອງທ່ຽວສາມາດຂຶ້ນໄປຊົມວິວໄດ້ສູງທີ່ສຸດຄືໂຮງແຮມຊຽງໄຮ້ແກຣນໄຮແອທ ໃນຊັ້ນທີ 53-87 ແລະ ຊັ້ນທີ 88 ນີ້ເປັນສ່ວນທີ່ເອີ້ນວ່າ ສະກາຍວໍຣ ເຊິ່ງຈະເປີດໃຫ້ນັກທ່ອງທ່ຽວໄດ້ຊົມວິວຢ່າງເຕັມທີ່ ແລະ ໃນແຕ່ລະຄັ້ງຈະຈຳກັດຜູ້ເຂົ້າຊົມວິວໄດ້ພຽງ 15 ຄົນ ເພື່ອຄວາມປອດໄພ ເຊິ່ງຜູ້ທີ່ຕ້ອງການສຳພັດຄວາມສູງ ແລະ ຄວາມທ້າທາຍແບບນີ້ຈະມີຄ່າໃຊ້ຈ່າຍປະມານຄົນລະ 388 ຫຍວນ ຫຼື 460,000 ກີບ/ຄົນ/ຄັ້ງ
ຈິນເໝົາທາວເວີຣ ມີຄວາມສູງ 421 ແມັດ ເປັນຕຶກທີ່ສູງອັນດັບສາມຂອງປະເທດຈີນ ກໍ່ສ້າງສຳເລັດໃນປີ ພ.ສ 2541 ສູງ 88 ຊັ້ນ ເຊິ່ງຄົນຈີນຖືວ່າເລກ 8 ເປັນເລກນຳໂຊກ ຮູບການກໍ່ສ້າງອາຄານແຫ່ງນີ້ມີລັກສະນະເໝືອນເຈດີບູຮານຂອງຈີນ
ທີ່ມາຂ່າວ: http://news.mthai.com/mashable/510116.html