ກະຊວງພາຍໃນ ປະກາດຈະປິດຮັບຄຳຮ້ອງສອບເສັງເຂົ້າລັດຖະກອນຢ່າງເປັນທາງການ ພາຍໃນວັນທີ 4 ກໍລະກົດ 2014
ສ່ວນມື້ສອບເສັງນັ້ນ ຈະເປີດສາກຂຶ້ນວັນທີ 19 ກໍລະກົດນີ້ ເຊິ່ງຖືວ່າການສອບເສັງເຂົ້າເປັນລັດຖະກອນເປັນຄັ້ງທີສອງແລ້ວ
ປະກົດວ່າບັນດານັກສຶກສາຫາກໍ່ຈົບໃໝ່ໆ ແລະ ຕົກຄ້າງປີຜານມາ ຕ່າງກໍ່ແຫ່ມາລົງທະບຽນຢ່າງໜາແໜ້ນ.
ອີງຕາມດຳລັດ 82 ວ່າດ້ວຍລະບຽບຄຸ້ມຄອງລັດຖະກອນ ມາດຕາ 4 ແລະ ມາດຕາ 12 ລະບຸໄວ້ດັ່ງນີ້: ທຸກຄົນຕ້ອງມີສິດສອບ
ເສັງເຂົ້າເປັນລັດຖະກອນ ບົນພື້ນຖານຄວາມເທົ່າທຽມ ແລະ ເປີດເຜີຍບົນພື້ນຖານຄວາມຮູ້ ຄວາມສາດຕົວຈິງ ແລະ ການ
ເຂົ້າເປັນລັດຖະກອນ ຈະຕ້ອງມີການສອບເສັງຄັດເລືອກຢ່າງຖືກຕ້ອງໂປ່ງໄສ.
ແຕ່ປີນີ້ ຜູ້ສະໝັກເຂົ້າຮ່ວມສອບເສັງຄັດເລືອກ ອາດມີຈຳນວນໜ້ອຍກວ່າປີຜ່ານມາ ແຕ່ປັດຈຸບັນ ຈຳນວນຜູ້ສະໝັກ
ສະເພາະໃນນະຄອນຫຼວງວຽງຈັນ ແມ່ນມີປະມານ 9 ພັນກວ່າຄົນແລ້ວ, ຄະນະກຳມະການຮັບຜິດຊອບການສອບເສັງ
ເປີດເຜີຍວ່າ ພວກເຮົາມີຄະນະຮັບຜິດຊອບລົງທະບຽນນັ້ນຫຼາຍກວ່າ 32 ຄົນ ເພື່ອຮອງຮັບເອົາມວນຊົນເພື່ອລົງທະບຽນ
ນອກນັ້ນ ການລົງທະບຽນຍັງຈະຕ້ອງເສຍຄ່າຕື່ມອີກເປັນເງິນ 30,000 ກີບ ເພື່ອເປັນງົບບໍລິຫານ – ຈັດການໃນການສອບເສັງ.
ແຫຼ່ງຂ່າວ: Vientiane Mai Onlaine