spot_img
Homeຂ່າວພາຍ​ໃນຊຽງຂວາງ ລົງຕິດຕາມໂຄງການປູກຊາ

ຊຽງຂວາງ ລົງຕິດຕາມໂຄງການປູກຊາ

Published on

 ວັນ​ທີ 27 ກໍ­ລະ­ກົດ​ຜ່ານ​ມາ​ນີ້ ທ່ານ ຄຳ​ປາວ ມົວ ຄະ­ນະ​ປະ­ຈຳ​ພັກ​ແຂວງຮອງ​ເຈົ້າ­ແຂວງໆ​ຊຽງ​ຂວາງ ພ້ອມ​ດ້ວຍຄະ­ນະ​ໄດ້​ລົງ​ກວດ­ກາ​ໂຄງ­ການ​ຊ່ວຍ ເຫຼືອ​ລ້າ​ຂອງ​ແຂວງ​ຕວຽນ​ກວາງ ສສ ຫວຽດ­ນາມໃນ​ການ​ທົດ​ລອງ​ສາ­ທິດ​ປູກ ຊາ​ຢູ່​ບ້ານ​ຍວນ​ທອງ ເມືອງ​ແປກ ແຂວງ ຊຽງ​ຂວາງ.

    ຊຶ່ງ​ການ​ທົດ​ລອງ​ນີ້​ໄດ້​ເລີ່ມ​ມາ​ແຕ່ ເດືອນ​ພຶດ­ສະ­ພາ​ປີ 2015 ປະ­ຈຸ​ບັນ​ປູກ ໄດ້​ແລ້ວ 74 ພັນ​ເບ້ຍ ໃນ​ເນື້ອ­ທີ່ 2 ເຮັກຕາ, ມີ 4 ສາຍ​ພັນ​ຄື: PH8, PH11, LDP1, LDP2  ມີ 5 ຄອບ­ຄົວ​ປູກ​ຊາ​ໃນ ການ​ທົດ​ລອງ ຊຶ່ງ​ຈະ​ສ້າງ​ເປັນ​ຕົວ​ແບບ ໃນ​ການ​ປູກ​ຊາ​ໃນ­ຕໍ່­ໜ້າ​ຢູ່​ເມືອງ​ແປກ​ປະ ຈຸ​ບັນ​ນີ້​ແຂວງ​ຕວຽນ​ກວາງ​ໄດ້​ນຳ​ເອົາ ວັດ​ສະ​ດຸ​ອຸ­ປະ­ກອນ​ການ​ຜະ­ລິດ​ຊາ​ມາ ເຖິງ​ບ້ານ​ຍວນ​ທອງ ເພື່ອ​ຈະ​ເລີ່ມ​ທົດ​ລອງ ການ​ຜະ­ລິດ​ສ່ວນ​ແຂວງ​ຊຽງ​ຂວາງ​ຈະ​ສົມ­ທົບ​ຊ່ວຍ​ສ້າງ​ເຮືອນ​ຜະ­ລິດ​ຊາ​ຜົນ​ຜະ­ລິດ​ແມ່ນ ສສ ຫວຽດ­ນາມ​ຈະ​ເກັບ​ຊື້​ຄືນ.

ຜ່ານ​ການ​ກວດ­ກາ​ເຫັນ​ວ່າ​ຕົ້ນ​ຊາ​ຂຶ້ນ ງາມ​ເພາະ​ພູມ​ສັນ­ຖານ, ອາ­ກາດ ແລະ ຄຸນ​ນະ​ພາບ​ຂອງ​ດິນ​ກໍ​ເໝາະ​ສົມ​ອີກ​ຢ່າງ ໜຶ່ງ​ຊ່ຽວ­ຊານ​ຫວຽດ­ນາມ​ກໍ​ໄດ້​ໃກ້­ຊິດ ຕິດ​ແທດ​ເອົາ­ໃຈ­ໃສ່​ຢ່າງ​ຈິງ​ຈັງ​ຈິ່ງ​ເຮັດ ໃຫ້­ການ​ທົດ​ລອງ​ນີ້​ມີ​ຄວາມ​ຄືບ​ໜ້າ​ຢ່າງ​ມີ​ປະ­ສິດ­ທິ­ພາບ.

ໃນ​ໂອ­ກາດ​ນີ້​ທ່ານ​ຮອງ​ເຈົ້າ­ແຂວງໆ​ຊຽງ​ຂວາງ​ກໍ​ໄດ້​ສະ­ແດງ​ຄວາມ​ຊົມ­ເຊີຍ ຕໍ່​ການ​ໃກ້­ຊິດ­ຕິດ­ແທດ​ໃຫ້​ຄວາມ​ຮູ້​ຄວາມ ເຂົ້າ­ໃຈ​ໃນ​ການ​ປູກ​ຊາ​ກໍ​ຄື​ການ​ປູກ­ຝັງ​ທີ່ ມີ​ຄຸນ​ນະ​ພາບ ນອກ​ນີ້​ທ່ານ​ຍັງ​ເນັ້ນ​ໜັກ ໃຫ້​ປະ­ຊາ­ຊົນ​ຈົ່ງ​ເພີ່ມ​ຄວາມ​ຫ້າວ­ຫັນ ຄວາມ​ດຸ­ໝັ່ນ​ເອົາ­ໃຈ­ໃສ່​ຕໍ່​ກັບ​ການ​ປູກ​ຊາ ປະ­ຕິ­ບັດ​ຕາມ​ການ​ແນະ­ນຳ​ຂອງ​ຊ່ຽວຊານ​ບົວ­ລະ­ບັດ​ຮັກ­ສາ ແລະ​ຂະ­ຫຍາຍ ສວນ​ຊາ​ໃຫ້​ຫຼາຍ ໂດຍ​ອະ­ນາ­ຄົດ​ມີ​ແຜນ ຈະ​ຂະ­ຫຍາຍ​ໄປ​ເມືອງ​ຕ່າງໆ​ທີ່​ເຫັນ​ວ່າ ເໝາະ​ສົມ​ເປັນ​ການ​ຫຼຸດ­ຜ່ອນ​ການ​ຖ່າງ ໄຮ່​ແບບ​ເລື່ອນ­ລອຍ​ມາ​ປູກ​ຊາ ແລະ​ເປັນ ການ​ລົງ­ທຶນ​ໜ້ອຍ​ຄັ້ງ​ດຽວ​ສາ­ມາດ​ເກັບ ຜົນ​ຜະ­ລິດ​ໄດ້​ຫຼາຍ​ປີ​ອັນ​ຈະ​ສາ­ມາດ​ສ້າງ ລາຍ​ຮັບ​ເຂົ້າ​ຄອບ­ຄົວ ເພື່ອ​ຫຼຸດ­ຜ່ອນ​ຄວາມ ທຸກ​ຍາກ​ໄປ​ເທື່ອ​ລະ​ກ້າວ.

 

ແຫລ່ງຂ່າວ: 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...