ສຳນັກຂ່າວຕ່າງປະເທດ ລາຍງານໃນວັນທີ 28 ກໍລະກົດນີ້ວ່າ ໃນມື້ວານນີ້ (27 ກໍລະກົດ) ທ່ານ ເຊີເກ ຊອຍກູ ລັດຖະມົນຕີກະຊວງປ້ອງກັນປະເທດຣັດເຊຍ ໄດ້ເປີດເຜີຍໃນລະຫວ່າງກອງປະຊຸມ ຢູ່ນະຄອນຫລວງມົດສະກູວ່າ ຣັດເຊຍໄດ້ເພີ່ມກຳລັງທາງທະຫານ ໄປເຂດພື້ນທີ່ພາກຕາເວັນຕົກສຽງໃຕ້ຂອງຕົນ ໃນໄລຍະທີ່ມີກອງກຳລັງນາໂຕ້ ຈຳນວນຫລາຍກອງພົນ ປະກົດໃຫ້ເຫັນໃນຂົງເຂດດັ່ງກ່າວຫລາຍຂຶ້ນ ລວມເຖິງສະພາບການຢູ່ອູແກຣນ ກໍຍັງບໍ່ທັນໝັ້ນຄົງ ໂດຍທ່ານໄດ້ລະບຸວ່າ ນັບຕັ້ງແຕ່ປີ 2013 ເປັນຕົ້ນມາ ຣັດເຊຍໄດ້ຈັດຕັ້ງກຳລັງທະຫານ 4 ກອງພົນ, 9 ກອງພົນນ້ອຍ, 22 ກົມທະຫານ ໄປປະຈຳການຢູ່ເຂດນີ້ ຊຶ່ງໃນນັ້ນ ແມ່ນລວມມີ 2 ກອງພົນນ້ອຍ ລູກສອນໄຟ ທີ່ມີອາວຸດລູກສອນໄຟ Iskander ປະຈຳກອງພົນ ຊຶ່ງມີຂີດຄວາມສາມາດ ແລະ ເພີ່ມອຳນາດຍິງ ເພື່ອທຳລາຍຜູ້ທີ່ອາດເປັນສັດຕູ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!