ຂປລ. ຕາມ​ຂ່າວຕ່າງປະ​ເທດ, ວັນ​ທີ 27 ກໍລະກົດ 2016, ​​ເຈົ້າໜ້າ​ທ່ີກູ້​ໄພແອັດ​ສະ​ປາຍ ​ໃຫ້​ຮູ້​ວ່າ ​ເນື່ອງ​ຈາກອຸນຫະພູມເພີ່ມ​ຂຶ້ນ ​ແລະ ກະ​ແສ​ລົມ​ພັດມາຢ່າງ​ແຮງ ​​​ເຮັດ​ໃຫ້​ເກີດ​ໄຟ​ໄໝ້​ປ່າໃນ​ແຂວງກັສ​ເຕຍອນ ທາງ​ພາກ ​ຕາ​ເວັນ​ອອກ ຂອງປະ​ເທດ​ນີ້, ​ສ້າງ​ຜົນ​ເສຍ​ຫາຍ​ເກື​ອບ 1.000 ​ເຮັກຕາ ​ໃນ​ເບື້ອງຕົ້ນ​​​ເຈົ້າ​ໜ້າ​ທ່ີກູ້​ໄພ ປະ​ມານ 400 ຄົນ ​ພ້ອມ​ດ້ວຍເຮືອບິນດັບ​ເພີງ 30 ລຳ ​ໄດ້​ລະດົມກຳລັງ​ເຂົ້າ​ໄປ​ຊ່ວຍດັບ​ເພີງ​ ​ໃນ​ພື້ນ​ທ່ີ​ດັ່ງກ່າວ. ຂະນະ​ດຽວກັນ​ນັ້ນ, ທາງ​ການ​ເກຣັກ ​ໄດ້​ປະກາດພາວະສຸກ​ເສີນ​ໄຟ​ໄໝ້​ປ່າ ທ່ີ​ພວມ​​ແຜ່​ລາມຢ່າງ​ໜັກ ​ເຮັດ​ໃຫ້ປະຊາຊົນໃນ​ພື້ນ​ທ່ີດັ່ງກ່າວ ຕ້ອງ​ອົບ​ພະຍົບອອກ​ຈາກບ້ານ​ເຮືອນ ​ເພື່ອ​ໄປຍັງ​ສະຖານ​ທ່ີ​ປອດ​ໄພ, ສົ່ງ​ຜົນ​​ເສຍ​ຫາຍ​ຕໍ່ພື້ນທ່ີ​ກະສິກຳ ໂດຍເກຣັກ​ ​ໄດ້​ສົ່ງ​ເຮືອ​ບິນ​ເຮ​ລີ​ກົ​ບ​ແຕ້ 6 ລຳ​ ເຂົ້າ​ໄປ​ຊ່ວຍ​ດັບ​ແປວ​ໄຟ​ດັ່ງ​ກ່າວ.

ແຫລ່ງຂ່າວ:

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!