ໂຣກແຜກະເພາະ ແລະ ເປັນອີກໂຣກໜຶ່ງທີ່ພົບໄດ້ຫຼາຍໃນຄົນລາວ ໂຣກນີ້ສາມາດເປັນໄດ້ທຸກເພດທຸກໄວ ແຕ່ຈະພົບໃນຜູ້ຊາຍຫຼາຍກວ່າພົບໃນແມ່ຍິງ ສ່ວນຫຼາຍແມ່ນຈະພົບໂຣກນີ້ໃນໄວກາງຄົນ
ສາເຫດຂອງໂຣກດັ່ງກ່າວແມ່ນຍັງບໍ່ຊັດເຈນ ແຕ່ມີປັດໄຈບາງຢ່າງຄາດວ່າຈະເຮັດໃຫ້ເຍື່ອບຸກະເພາະອາຫານອ່ອນແອລົງ ເກີດການອັກເສບ ແລະ ເປັນແຜໄດ້ງ່າຍເຊັ່ນ: ພາວະການຂາດອາຫານ, ພາວະຄວາມຕຶງຄຽດ, ພັກຜ່ອນບໍ່ພຽງພໍ, ກິນຢາ ຫຼື ສານບາງຢ່າງທີ່ກັດກະເພາະ, ສູບຢາຫຼາຍ, ດື່ມກາເຟທີ່ມີຄາຟາອິນຫຼາຍ ຫຼື ເນື່ອງມາຈາກກຳມະພັນ
ອາການທຳອິດ ຄື: ປວດທ້ອງບໍລິເວນລິ້ນປີ່ ອາດມີຄວາມຮູ້ສຶກອີ່ມແໜ້ນ ຫຼື ຫິວຮ່ວມນຳ ແຜໃນກະເພາະອາຫານມັກປວດທ້ອງຫຼັງກິນອາຫານປະມານ 1-1 ຊົ່ວໂມງເຄິ່ງ ສ່ວນແຜໃນລຳໄສ້ມັກປວດທ້ອງຫຼັງກິນອາຫານປະມານ 2-4 ຊົ່ວໂມງ ແລະ ຊ່ວງເດິກຫຼັງທ່ຽງຄືນອີກດ້ວຍ
ການຮັກສາ ຈະບໍ່ຫາຍຂາດ ຜູ້ປ່ວຍຈະຕ້ອງດູແລຕົວເອງຄ້າຍກັບຜູ້ປ່ວຍທ້ອງອືດ ໄລຍະທີ່ປວດທ້ອງຄວນດື່ມນົມຖົ່ວເຫຼືອງ 3-4 ຊົ່ວໂມງພ້ອມທັງໃຊ້ສະໝຸນໄພທີ່ຈະແນະນຳຕໍ່ໄປນີ້ ຜູ້ປ່ວຍຄວນກິນອາຫານອ່ອນ ແລະ ກິນຄັ້ງລະໜ້ອຍໆ ແຕ່ກິນເລື່ອຍໆ ແລະ ຄວາມງົດອາຫານປະເພດຣົດຊາດເພັດ, ເຄັມ ທີ່ສຳຄັນຄວນຫາທາງຜ່ອນຄາຍຄວາມຕຶງຄຽດພ້ອມ ສະໝຸນໄພທີ່ຊ່ວຍເຍື່ອບຸທາງເດີນອາຫານແຂງແຮງຄວນໃຊ້ສະໝຸນໄພຂັບລົມເຊັ່ນ: ກ້ວຍນ້ຳ ຄວນກິນກ້ວຍນ້ຳດິບສົດໆຄັ້ງລະ 1 ໜ່ວຍ ຫຼື ອາດໃຊ້ກ້ວຍນ້ຳດິບມາຝານເປັນປ່ຽງບາງໆຈາກນັ້ນກໍ່ນຳໄປຕາກແດດໃຫ້ແຫ້ງແລ້ວບົດໃຫ້ເປັນຜົງ ເພື່ອຊົງນ້ຳດື່ມກໍ່ໄດ້ເຊັ່ນດຽວກັນ
ຜົງຂີ້ໜິ້ນຂຶ້ນຊົງນ້ຳດື່ມຄັ້ງລະ 500 ມິລີກຣັມ ວັນລະ 3 -4 ຄັ້ງ ຫຼັງອາຫານ ແລະ ກ່ອນນອນ ດື່ມເປັນປະຈຳກໍ່ຈະຊ່ວຍຮັກສາແຜໃນກະເພາະລຳໄສ້ໄດ້ເຊັ່ນດຽວກັນ
ຂໍ້ມູນຈາກ: http://healthfood.muslimthaipost.com/main/index.php?page=sub&category=71&id=20651