ສູນວິເຄາະເສດຖະກິດທີ່ເອັມບີ ຊີ້ວ່າ ລົງທຶນທຸລະກິດຄ້າຍ່ອຍໃນມຽນມາຂະຫຍາຍຕົວເພີ່ມຂຶ້ນ ເນື່ອງຈາກເສດຖະກິດເຕີບໂຕຕໍ່ເນື່ອງ.
ສຳນັກຂ່າວຕ່າງປະເທດລາຍງານວ່າ ເສດຖະກິດມຽນມາປີ 2011-2015 ຂະຫຍາຍຕົວສະເລ່ຍ 8% ແລະ ຄາດຈະຂະຫຍາຍຕົວເພີ່ມເປັນ 8,3% ໃນປີໜ້າ ຊຶ່ງທະນາຄານພັດທະນາອາຊີ (ເອດີບີ) ຄາດວ່າ ລາຍໄດ້ສະເລ່ຍຂອງປະຊາຊົນມຽນມາຈະເພີ່ມຂຶ້ນ 3 ເທົ່າພາຍໃນ 13 ປີຕໍ່ໜ້າ ຈາກລາຍໄດ້ສະເລ່ຍຕໍ່ຄົນ 1.269 ໂດລາສະຫະລັດໃນປີກ່ອນ, ຊຶ່ງທີເອັມບີ ຄາດຄະເນວ່າ ກຳລັງຊື້ຂອງປະຊາຊົນມຽນມາຈະສູງຂຶ້ນ ເນື່ອງຈາກການຂະຫຍາຍຕົວທາງເສດຖະກິດ ສ້າງໂອກາດໃຫ້ແກ່ທຸລະກິດຄ້າຍ່ອຍສະໃໝໃໝ່.
ປະຈຸບັນ ທຸລະກິດຄ້າຍ່ອຍມຽນມາເປັນຮູບແບບຄ້າຍ່ອຍແບບດັ້ງເດີມປະມານ 90% ແລະ ເປັນຄ້າຍ່ອຍສະໃໝໃໝ່ ໂດຍຜູ້ປະກອບການທ້ອງຖິ່ນພຽງ 10% ເມື່ອປຽບທຽບກັບສສ ຫວຽດນາມມີອັດຕາສ່ວນທຸລະກິດຄ້າຍ່ອຍໃໝ່ຢູ່ທີ່ 24%. ຂະນະທີ່ໄທ ມີອັດຕາສ່ວນສູງເຖິງ 50% ຂອງຜູ້ປະກອບການຄ້າຍ່ອຍທັງລະບົບ ດັ່ງນັ້ນ ທຸລະກິດຄ້າຍ່ອຍສະໄໝໃໝ່ໃນມຽນມາຍັງມີໂອກາດຂະຫຍາຍຕົວໄດ້ອີກຫຼາຍ.