ສະຫາຍ ພົນໂທ ສະໝານ ວິຍະເກດ ອະດີດກຳມະການສູນກາງພັກສະໄໝ II, III ແລະ ອະດີດກຳມະການກົມການເມືອງສູນກາງພັກ ສະໄໝທີ IV,V,VI,VII, VIII, ອະດີດ ປະທານສະພາແຫ່ງຊາດຊຸດທີ III, IV, V, ອະດີດ ຫົວໜ້າຄະນະຈັດຕັ້ງສູນກາງພັກ, ອະດີດຫົວໜ້າຄະນະໂຄສະນາອົບຮົມສູນກາງພັກ, ອະດີດລັດຖະມົນຕີກະຊວງສຶກສາທິການ, ອະດີດຮອງລັດຖະມົນຕີກະຊວງປ້ອງກັນປະເທດ ໄດ້ເຖິງແກ່ອະສັນຍະກຳ ໃນເວລາ 00 ໂມງ 24 ນາທີ ຂອງວັນທີ 22/7/2016 ລວມອາຍຸໄດ້ 89 ປີ.
ສະຫາຍ ພົນໂທ ສະໝານ ວິຍະເກດ ເກີດເມື່ອວັນທີ 03/03/1927 ທີ່ບ້ານດົງ, ຕຳບົນປ່າມະ ຄາບ, ເມືອງພິຈິດ, ແຂວງພິຈິດ (ປະເທດໄທ)
ການເຄື່ອນໄຫວປະຕິວັດແຕ່ລະໄລຍະໂດຍຫຍໍ້ດັ່ງນີ້:
ສະຫາຍໄດ້ເຂົ້າຮ່ວມຂະບວນການຕໍ່ສູ້ກູ້ຊາດເລີ່ມຕັ້ງແຕ່ປີ 1945 ເປັນຕົ້ນມາ
ປີ1945-1948 ເປັນທະຫານລາວອິດສະຫລະ(ກູ້ຊາດ)ເຄື່ອນໄຫວຢູ່ຕາມເຂດຊາຍແດນລາວ-ຫວຽດນາມ.
ປີ1948 ເປັນຫົວໜ້າການເມືອງຂອງໝວດທະຫານລາວອິດສະຫລະ, ກອງຮ້ອຍໄຊຈັກກະ ພັດ ແຂວງຈຳປາສັກ.
ປີ1949 ໄດ້ເຂົ້າເປັນສະມາຊິກພັກຄອມມູນິດອິນດູຈີນ.
ປີ 1950-1954 ເປັນຮອງຫົວໜ້າຫ້ອງການເມືອງທະຫານເຂດໃຕ້ລາວ ທີ່ແຂວງອັດຕະປື.
ປີ1954-1960 ເປັນນາຍພັນ, ຮັບຜິດຊອບພະແນກຈັດຕັ້ງຫ້ອງການເມືອງ ກອງບັນຊາການສູງສຸດຂອງກອງທັບປົດປ່ອຍປະຊາຊົນລາວ.
ປີ 1960-1969 ເປັນເລຂາຄະນະພັກຮັບຜິດຊອບ ການເມືອງກອງບັນຊາການທະຫານ ແຂວງຊຽງຂວາງ.
ປີ1970-1973 ເປັນເລຂາຄະນະພັກ ທັງເປັນຫົວໜ້າກອງບັນຊາການທະຫານເຂດໃຕ້ລາວ; ໃນເດືອນ2 ປີ 1972 ກອງປະຊຸມໃຫຍ່ຄັ້ງທີ II ຂອງພັກປະຊາຊົນ ປະຕິວັດລາວ ສະຫາຍຖືກເລືອກຕັ້ງເປັນກຳມະການ ຄະນະບໍລິຫານງານສູນກາງພັກ.
ປີ 1973-1975 ເປັນຫົວໜ້າຫ້ອງການເມືອງກອງບັນຊາການທະຫານສູງສຸດ ກອງທັບປົດປ່ອຍປະຊາຊົນລາວ.
ປີ 1975-1981ເປັນຮອງລັດຖະມົນຕີກະຊວງປ້ອງກັນປະເທດ ທັງຖືກແຕ່ງຕັ້ງເປັນຫົວໜ້າກົມໃຫຍ່ການເມືອງກອງທັບປະຊາຊົນ ປະຕິວັດລາວ. ໄດ້ຮັບການປະດັບຊັ້ນເປັນພົນໂທຂອງ ກອງທັບປະຊາຊົນລາວ.
ປີ1982-1986 ໃນກອງປະຊຸມໃຫຍ່ຄັ້ງທີ III ຂອງພັກປະຊາຊົນ ປະຕິວັດລາວ ສະຫາຍໄດ້ຖືກ ເລືອກຕັ້ງເປັນກຳມະການຄະນະບໍລິຫານງານສູນກາງພັກ, ຖືກເລືອກຕັ້ງເປັນເລຂາທິການສູນກາງພັກ ທັງເປັນຫົວຄະນະຈັດຕັ້ງສູນກາງພັກ.
ປີ1986-1988 ໃນກອງປະຊຸມຄັ້ງທີ IV ຂອງພັກປະຊາຊົນປະຕິວັດລາວ ສະຫາຍໄດ້ຖືກເລືອກຕັ້ງເປັນກຳມະການກົມການເມືອງສູນກາງພັກເປັນເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ.
ປີ1988-1991 ເປັນລັດຖະມົນຕີກະຊວງສຶກສາທິການ.
ປີ1991 ໃນກອງປະຊຸມໃຫຍ່ຄັ້ງທີ V ຂອງພັກປະຊາຊົນປະຕິວັດລາວ ສະຫາຍໄດ້ຖືກເລືອກຕັ້ງເປັນກຳມະການ ກົມການເມືອງສູນກາງພັກ ທັງເປັນລັດຖະມົນຕີກະ ຊວງສຶກສາທິກາ
ປີ1992 ໄດ້ຖືກເລືອກຕັ້ງເປັນປະທານສະພາແຫ່ງຊາດຊຸດທີ III
ປີ1996 ໃນກອງປະຊຸມໃຫຍ່ຄັ້ງທີ VI ຂອງພັກປະຊາຊົນ ປະຕິວັດລາວ ສະຫາຍໄດ້ຖືກເລືອກຕັ້ງ ເປັນກຳມະການກົມການເມືອງສູນການພັກ.
ປີ1997 ໄດ້ຖືກເລືອກຕັ້ງເປັນປະທານສະພາແຫ່ງຊາດຊຸດທີ IV
ປີ2001 ໃນກອງປະຊຸມໃຫຍ່ຄັ້ງທີ VII ຂອງພັກປະຊາຊົນ ປະຕິວັດລາວ ສະຫາຍໄດ້ຖືກເລືອກຕັ້ງ ເປັນກຳມະການກົມການເມືອງສູນກາງພັກ
ປີ2002 ຖືກເລືອກຕັ້ງເປັນປະທານສະພາແຫ່ງຊາດຊຸດທີ V.
ປີ2006 ໃນກອງປະຊຸມໃຫຍ່ຄັ້ງທີ VII ຂອງພັກປະຊາຊົນ ປະຕິວັດລາວ ສະຫາຍໄດ້ຖືກເລືອກຕັ້ງເປັນກົມການເມືອງສູນກາງພັກ ຮັບຜິດຊອບເປັນຫົວໜ້າຄະນະຊີ້ນຳວຽກງານແນວ ຄິດ, ທິດສະດີ, ວັດທະນະທຳສູນກາງພັກ.
-ຮັບຜິດຊອບເປັນຫົວໜ້າຊີ້ນຳວຽກງານຮຽບຮຽງປະຫວັດສາດສາຍພົວພັນພິເສດ ລາວ-ຫວຽດນາມ ຮ່ວມສຳພັນສູ້ຮົບແຕ່ປີ 1930-2007.
ປີ 2006-2011 ຖືກແຕ່ງຕັ້ງເປັນຫົວໜ້າຄະນະໂຄສະນາອົບຮົມສູນກາງພັກ.
ປີ2011 ຍ້ອນສຸຂະພາບ ແລະ ອາຍຸກະສຽນສູງ ສະຫາຍຈຶ່ງສະໝັກ ຂໍລາອອກພັກຜ່ອນ ແລະ ບໍ່ຂໍສືບຕໍ່ສະໝັກຄະນະບໍລິຫານງານສູນກາງພັກ ໃນກອງປະຊຸມໃຫຍ່ຄັ້ງທີ IX ຂອງພັກ.
ເຖິງແກ່ອະສັນຍະກຳ ໃນເວລາ 00 ໂມງ 24 ນາທີ ຂອງວັນທີ 22/7/2016 ລວມອາຍຸໄດ້ 89 ປີ