ສຳນັກຂ່າວຕ່າງປະເທດ ລາຍງານໃນວັນທີ 20 ກໍລະກົດຜ່ານມານີ້ວ່າ ກອງປະຊຸມໃຫຍ່ພັກສາທາລະນະ ຫລື ພັກຣິພັບບລິກັນ ຂອງສະຫະລັດອາເມຣິກາ ໄດ້ມີມະຕິຕົກລົງເລືອກເອົາ ທ່ານ ໂດນັນ ທຣຳ ເປັນຕົວແທນຂອງພັກ ເພື່ອລົງສະໝັກຊິງຕຳແໜ່ງ ປະທານາທິບໍດີ ແຫ່ງ ສະຫະລັດອາເມຣິກາ ຢ່າງເປັນທາງການ ໂດຍທ່ານ ທຣຳ ຈະດຳເນີນການຫາສຽງ ເພື່ອແຂ່ງຂັນກັບ ທ່ານ ນາງ ຮິນລາຣີ ຄລີນຕັນ ຊຶ່ງເປັນຕົວແທນຈາກ ພັກປະຊາທິປັດ ຫລື ພັກເດໂມແຄຣັດ ໃນການເລືອກຕັ້ງປະທານາທິບໍດີ ສະຫະລັດອາເມຣິກາ ທີ່ຈະມີຂຶ້ນໃນວັນທີ 8 ພະຈິກ ຈະມາເຖິງນີ້.
ທ່ານ ທຣຳ ໄດ້ກ່າວປາໄສຕໍ່ກອງປະຊຸມໃຫຍ່ດັ່ງກ່າວນີ້ວ່າ ຈະໃຫ້ຄຳໝັ້ນໃນການສ້າງວຽກເຮັດງານທຳ, ສ້າງຄວາມເຂັ້ມແຂງໃຫ້ກອງທັບ, ປົກປ້ອງຊາຍແດນສະຫະລັດຯ ແລະ ຟື້ນຟູກົດໝາຍ, ຄວາມເປັນລະບຽບຮຽບຮ້ອຍ ໃນສັງຄົມຊາວອາເມຣິກາ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!