ສຳນັກຂ່າວຕ່າງປະເທດ ລາຍງານໃນວັນທີ 20 ກໍລະກົດຜ່ານມານີ້ວ່າ ທ່ານ ພົນເອກ ຈອນ ຣິຊາດສັນ ເຈົ້າໜ້າທີ່ລະດັບສູງຂອງກອງທັບເຮືອ ສະຫະລັດອາເມຣິກາ ໄດ້ອອກມາລະບຸ ໃນລະຫວ່າງຢ້ຽມຢາມ ຖານທັບເຮືອຂອງຈີນວ່າ ກອງທັບສະຫະລັດອາເມຣິກາ ຈະຍັງຄົງປະຕິບັດການໃນທະເລຈີນໃຕ້ ຕາມກົດໝາຍລະຫວ່າງປະເທດຕໍ່ໄປ ພ້ອມຢ້ຳອີກວ່າ ກອງກຳລັງຂອງອາເມຣິກາ ຈະຍັງຄົງເດີນທະເລ, ທຳການບິນ ຕະຫລອດຮອດປະຕິບັດການ ໃນທຸກພື້ນທີ່ທີ່ສອດຄ່ອງ ຕາມກົດໝາຍລະຫວ່າງປະເທດ.
ດ້ານສຳນັກຂ່າວຊິນຫົວຂອງຈີນ ໄດ້ອອກມາລະບຸໃນມື້ດຽວກັນວ່າ ບັນດາປະເທດທີ່ຢູ່ນອກພາກພື້ນ ບໍ່ຄວນເຂົ້າມາຫຍຸ້ງກ່ຽວ ໃນບັນຫາຂໍ້ຂັດແຍ່ງທະເລຈີນໃຕ້ ເພື່ອຫລີກລ່ຽງການເກີດບັນຫາ ເນື່ອງຈາກຊາດຕາເວັນຕົກ ມີປະຫວັດຍາວນານ ກ່ຽວກັບຄວາມຫລົ້ມເຫລວ ໃນການຈັດລະບຽບ ຢູ່ພື້ນທີ່ຕ່າງໆຂອງໂລກ ຊຶ່ງຂົງເຂດຕາເວັນອອກກາງ ຖືເປັນຕົວຢ່າງທີ່ພື້ນຖານ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!