ສຳນັກຂ່າວຕ່າງປະເທດ ລາຍງານໃນວັນທີ 19 ກໍລະກົດຜ່ານມານີ້ວ່າ ສະມາຄົມອາຫານຫວຽດນາມ ຫລື VFA ໄດ້ປັບຫລຸດຕົວເລກເປົ້າໝາຍ ການສົ່ງອອກເຂົ້າຂອງຫວຽດນາມໃນປີນີ້ ຈາກ 6.5 ລ້ານໂຕນ ເຫລືອພຽງ 5.65 ລ້ານໂຕນ ຍ້ອນຕົວເລກການສົ່ງອອກເຂົ້າ ໄດ້ຫລຸດລົງຢ່າງຕໍ່ເນື່ອງ ນັບຕັ້ງແຕ່ເດືອນເມສາເປັນຕົ້ນມາ ເຮັດໃຫ້ຍອດການສົ່ງອອກເຂົ້າ 6 ເດືອນຕົ້ນປີ 2016 ນີ້ ຫລຸດລົງເຖິງ 2% ເມື່ອທຽບກັບປີກາຍ.
ທັງນີ້ ສາເຫດຂອງການສົ່ງອອກທີ່ຫລຸດລົງ ແມ່ນເນື່ອງຈາກລູກຄ້າ ຜູ້ຊື້ເຂົ້າຈາກຫວຽດນາມ ກຳລັງລໍຖ້າຊື້ເຂົ້າຈາກປະເທດໄທ ທີ່ກຳລັງຈະປ່ອຍຂາຍ ອອກຈາກຄັງສຳຮອງເຂົ້າຂອງປະເທດ ຈຳນວນ 3.7 ລ້ານໂຕນ ທີ່ມີລາຄາຖືກກວ່າ ໃນທ້າຍເດືອນກໍລະກົດນີ້.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!