ຂປລ. ໃນ​ໄລຍະ 9 ​ເດືອນສົກປີ 2015-2016 ​ນີ້, ​ແຂວງ​ສາລະ​ວັນ ສາມາດ​ເກັບ​ຊື້​ມັນ​ຕົ້ນ​ແຫ້ງ ​ແລະ ສົ່ງອອກ​ໄປ​ຕ່າງປະ​ເທດ​​ 138.520 ​ໂຕນ​, ໃນ​ນີ້ແປ້ງ​ມັນ​ຕົ້ນ 1.100 ​ໂຕນ, ​ຕະຫລາດ​ທີ່​ສົ່ງ​ອອກຫລາຍ​ກ່ວາ​ໝູ່​ ແມ່ນຣາຊະອານາຈັກ​ໄທ 134.924 ​ໂຕນ ທຽບ​ໃສ່ປີຜ່ານມາ​ ເພີ່ມຂຶ້ນ 3 ​ເທົ່າ ​ແລະ ສສ ຫວຽດນາມ 3.595 ​ໂຕນ ທຽບ​ໃສ່ປີຜ່ານມາ​ເພີ່ມຂຶ້ນ 2 ​ເທົ່າ. ​

ທ່ານ ​ສີ​ສຸພັນ ​ເທບ​ວົງສາ ຫົວໜ້າ​ພະ​ແນ​ກອຸດສາຫະກຳ​-ການ​ຄ້າ ​ແຂວງ​ສາລະ​ວັນ ​​ໃຫ້​ຮູ້ວ່າ: ຂະ​ບວນການ​ປູກ​ມັນ​ຕົ້ນຂອງ​ປະຊາຊົນ​ໃນ​ປີ​ນີ້​ ເຫັນ​ວ່າ​​ເປັນ​ຂະ​ບວນກວ້າງ​ຂວາງຟົດ​ຟື້ນ ຖ້າທຽບ​ໃສ່​ປີຜ່ານມາ​ ​ໂດຍສະ​ເພາະຢູ່​ເມືອງ​ເລົ່າ​ງາມ ເນື້ອ​ທີ່ປູກ​ມັນ​ຕົ້ນ​ເພີ່ມ​ຂຶ້ນ 3 ​ເທົ່າ​ ​​ເຊິ່ງຂະ​ແໜງການ​ທີ່​ກ່ຽວຂ້ອງ ໄດ້ຊຸກຍູ້ ​ແລະ ​ເອື້ອ​ອຳນວຍ​ຄວາມ​ສະດວກ​ ໃຫ້​ບັນດາ​ຫົວໜ່ວຍ​ທຸລະ​ກິດ​ ທີ່​​ເຮັດການ​ເກັບ​ຊື້​ມັນ​ດິບ, ມັນ​ແຫ້ງຢ່າງເປີດ​ກວ້າງ, ພ້ອມ​ທັງເປີດ​​ໂອກາດໃຫ້​ທຸລະ​ກິ​ດພາຍ​ໃນ ​ແລະ ຕ່າງ​ປະ​ເທດ ມາ​ລົງທຶນ​ສ້າງ​ໂຮງງານ​ປຸງ​ແຕ່ງ​ມັນ​ຕົ້ນ​ໃຫ້​ຫລາຍຂຶ້ນ ​ມາ​ຮອດ​ປະຈຸ​ບັນທົ່ວ​ແຂວງມີ 9 ຫົວໜ່ວຍ ດໍາ​ເນີນ​ທຸລະ​ກິດ​ເກັບ​ຊື້​ ​ແລະ ສົ່ງ​ອອກ​ມັນ​ຕົ້ນ ໃນ​ນັ້ນມີ​ໂຮ​ງງານຜະລິດ​ແປ້ງມັນຕົ້ນໜຶ່ງ​ແຫ່ງ ທີ່​ເ​ຮັດ​ການ​ເກັບ​ຊື້ ​ແລະ ​ຜະລິດແປ້ງ​ມັນ​ຕົ້ນ.

ແຫລ່ງຂ່າວ:

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!