ກ່ອນໜ້ານີ້ເຮົາໄດ້ລາຍງານກ່ຽວກັບຂ່າວທີ່ Elephone ເປີດໂຕອຸປະກອນເສີມອັນໃໝ່ສຳລັບເກມເມີ້ ນັ້ນກໍຄື EleEnterGame1 ເຊິ່ງເປັນແປ້ນພິມສຳລັບຄົນມັກຫຼິ້ນເກມໂດຍສະເພາະ ໂດຍໂຕແປ້ນພິມແມ່ນເຮັດມາຈາກໂລຫະ ແລະປຸ່ມຕ່າງໆກໍມີແສງເປັນແບບສີຮຸ້ງ ນອກນີ້ກໍສາມາດປັບແສງຂອງປຸ່ມໄດ້ອີກ.
ແຕ່ຫຼ້າສຸດນີ້ຄົງຈະບໍ່ຈົບຢູ່ທີ່ແປ້ນພິມຢ່າງດຽວເພາະ Elephone ໄດ້ເປີດໂຕອຸປະກອນເສີມອັນໃໝ່ມາຄວບຄູ່ກັບແປ້ນພິມຄື ເມົ້າສຳລັບຫຼິ້ນເກມ. ສຳລັບເມົ້າທີ່ເວົ້າເຖິງນີ້ຈະເປັນແບບ 2 in 1 ຄື: ສາມາດໃຊ້ໄດ້ທັງມີສາຍ ແລະ ແບບບໍ່ມີສາຍໄດ້, ໂດຍຍັງມາພ້ອມກັບຄຸນສົມບັດຄັກໆແບບໄຟແຈ້ງເຕືອນເພື່ອໃຫ້ບໍ່ພາດກັບການແຈ້ງເຕືອນຂອງເກມສຳຄັນຯ ແລະກໍຍັງມາພ້ອມສີແສງທີ່ແຕກຕ່າງກັນເຖິງ 7 ສີດ້ວຍກັນ ເວົ້າໄດ້ວ່າເປັນການເພີ່ມຄວາມຮູ້ສຶກມີຊີວິດຊີວາໃນການຫຼິ້ນເກມໄປໃນໂຕເລີຍ.
ທາງດ້ານການອອກແບບເອງກໍຖືວ່າອອກແບບມາໄດ້ເໝາະແກ່ການໃຊ້ງານຫຼາຍ ແລະໃຫ້ຄວາມຮູ້ສຶກທີ່ດີໃນການຈັບເລີຍ. ນອກຈາກນີ້ກໍຍັງມີເກຍຄວາມໄວສີ່ ແລະ ການປັບ DPI ໄດ້ສີ່ລະດັບ. ພາຍໃນຂອງເມົ້າຍັງໃສ່ optical engine ທີ່ມີຄວາມແມ້ນສູງເພື່ອໃຫ້ການຫຼິ້ນເກມນັ້ນບໍ່ມີສະດຸດ, ພ້ອມກັບການຕັດຄື້ນແມ່ເຫຼັກ ແລະສົ່ງສັນຍານໃຫ້ມີສະຖຽນນະພາບຫຼາຍຂຶ້ນ.
ໃນດ້ານລາຄາເອງຕອນນີ້ກໍຍັງບໍ່ມີການເປີດເຜີຍອອກມາເທື່ອ ແຕ່ກໍຄາດວ່າຈະບໍ່ແພງຫຼາຍ ຢ່າງໃດກໍຕາມຖ້າລາຄາປະກາດອອກມາແລ້ວຈະອັບເດດໂພສໃນພາຍຫຼັງ
ທີ່ມາ:gizmochina